YAHYA 17:6 - Kitta' Passitallikang Bau KAREBA BAJI'

⁶ Nakke maemmu Kupappiissekang arengTa mange risikuanna tau Ripassareang injo mae ri Nakke nubattu injo ri lino. Iyai injo anunTa na maeng Ripassareammu mae ri Nakke na iyai maeng laturuki ngase'i pauTa.

YAHYA 17:6 Iomraidhean Croise

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 12:28

Amma, ripakala'birimu aremMu!” Jari kalangngerammu sa'ra battu ri Suruga, ”Nakke maemmu Kupakala'biri, na Nakke laappakala'biri juapa!”

YAHYA 15:19

So'di injo kau battu ri lino inni, tantu lakamaseangimmu lino assimpole se're anunna. Mingka kanara kaui gele battu ri lino inni, mingka Nakke maeng Kujo'jokiko battu ri lino inni, injomo saba'na lino inni liking ri kaui.

YAHYA 15:3

Tangkasamoko kanara pau maeng injo Kupau mange ri kaui.

YAHYA 15:7

Ampa kau ammari lalang ri Nakke na pauKu ammari lalang ri kaui, ngeraimoko apa jua mukaa'raki, lamutarimai intu.

YAHYA 17:12

Rihattu assurangingKu juapa, Kupiara ngase'i lalang arenTa numaeng Ripassareang injo mae ri Nakke; maeng Kujagai ngase'i jari gele rie' manna se're tau battu ri iyai lamate passangadinna tumaeng injo jua ritantuang lamate, solanna ripa'rupa nuta'ukiri injo lalang ri Kitta' Tangkasa.

YAHYA 17:14

Maemmu Kupabattu pauTa mange ri iyai na lino inni likingi ri iyai, saba' iyai gelei battu ri lino inni, assimpole Nakke gelea battu ri lino inni.

YAHYA 17:16

Iyai gele battu ri lino inni, assimpole Nakke gelea battu ri lino.

YAHYA 17:2

Assimpole Ditte maeng assare mange ri Ia kahasa risikonjo nuattallasa, appakonjo todo'i Ia assare tallasa mannannungang mange risikonjo numaeng injo Ripassareang mange ri Ia.

YAHYA 17:24

O Amma, Kukaa'raki solanna, ri antee-tee mae Nakke ammari, ri injo todo'i iyai ammari, iyai tumaeng Mupassareang injo mae ri Nakke, solanna iyai lajanjangi kala'birangKu numaeng Mupassareang injo mae ri Nakke, saba' Kaumo ngamaseang ri Nakke rigelenapa ripaa'jari lino.

YAHYA 17:26

na Nakke maemmu Kupappiissekang arenTa mange ri iyai na laKupappiissekang juapai, solanna pangamaseang Ripassareang injo mae ri Nakke rie'i lalang ri iyai na Nakke lalang ri iyai.”

YAHYA 17:7

Konni-konnina laissekimu ma'nassana sikuanna nu Ripassareang injo mae ri Nakke assala'na nubattu ri Ditte.

YAHYA 18:9

Appakonjomu a'ra'na solanna a'rupa pau numaeng injo Ia lapau, ”Battu ri iyai Ripassareangi mae ri Nakke, gele rie' manna se're tau Kulappasang lamate.”

YAHYA 6:37

Sikonjo nulapassareang Amma mae ri Nakke laa'rupai ri Nakke, na inai jua battu mae ri Nakke, ia gele laKupela'.

YAHYA 6:39

Iamo inni lakaa'raki Tuassuro injo ri Nakke, iamo intu solanna risikuanna numaeng injo Ia lapassareang mae ri Nakke anda rie' nutappela', mingka solanna Kupakaattallasai ri allo kala'busang.

YAHYA 8:51

Nakke appau mange ri kaui: Inai jua laturuki pauKu, ia gele languppa kamateang situlusu'na.”

YAHYA 8:52

Lakuaimo ponggaha Yahudi injo mange ri Ia, ”Konni-konnina taisse'mu ma'nassana ladongkoki toje'Ko setang. Saba' Abraham sallomu maeng matena na appakonjo todo'i sikonjo nabbi, mingka Kau appau: Inai jua laturuki pauKu, ia gele languppa kamateang situlusu'na.

PAU-PAUWANNA SIKONJO SURO-SURO 13:48

Lalangngere'na injo rannu ngase'mu tau battu injo ri bangsa tau maraeng na lapakala'biri ngase'i pauna Allataala, na sikuanna tau ritantuang ri Allataala languppa tallasa mannannungang, a'jari tappa'i.

ROMA 11:2

Allataala gele labokoi umma'Na numaeng lapile injo minang riolo mariolo. Iyareka geleika muisseki nulapau injo lalang Kitta' Tangkasa ripassala'na Elia, rihattu lapa'jammakanna Israele mange ri Allataala,

2 KORINTUS 4:6

Saba' Allataala maengi appau, ”Battu lalang rikalammang laambassi' sinara!”, Ia todo' labua'i sinara'Na assau lalang ri atita, solanna ditte nguppa sinara battu ripangisse' passala kala'birang Allataala nukajanjangang injo ri rupanna Almase.

KOLOSE 3:16

Parallui pau-pauna Almase ammari surangang kala'bi-la'biang ritangnga-tangngamu, sa'genna kau lalang risikuanna kasara'dekang akkulle ngajara surang appiu'rangi tau maraeng na akkelong-kelong masmuru surang kelong-kelong pappakala'biri na kelong pallengung-lengung, kau appanai' sukkuru mange ri Allataala lalang ri atimu.

2 TIMOTIUS 1:13

Bitantanglaloi iangase'na numaeng mulangngere injo battu ri nakke a'jari se're paminahangang riajarang baji' na geokanglaloi injo lalang rikatappakang na pangamaseang lalang ri Isa Almase.

IBRANI 2:12

pauNa: ”Nakkemo laappala'bang AremMu mange risikonjo urang siana'Ku na appakala'biri ri Kau ritangnga-tangngana jamaah,”

IBRANI 3:6

Mingka Almase mallangi anjama assimpole Ana' attanggongjawa' ri saponna Allataala; na saponna Allataala iamo intu ditte, ampa a'bitantang jarre'ki rikatappakang surang ripattajalliang nuripa'bangga-banggaang sa'genna ambattu mange rikala'busang.

1 PETRUS 1:1

Battu ri Petrus, surona Isa Almase. Mange risikuanna tau battu-battu alla'bang injo ri Pontus, Galatia, Kapadokia, Asia Ki'di' na Bitinia,

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.

PANJANJANNA YAHYA 2:13

Kuisse'i ri anteeko mae ammari, iamo intu ri kadera pattolonganna Ibilisi; na a'bitantang jarre'ko ri arengKu, na kau gelei musassali katappakammu mae ri Nakke, gele todo'i ri jammanna Antipas, sa'biKu, tumallang injo ri Nakke, turihuno injo ri a'rakammu, ripammarianna Ibilisi.

PANJANJANNA YAHYA 3:10

Kanara muturukinna pauKu, lasabbara attajang ri Nakke, jari Nakkemo lanjagai ri kau rihattu passo'ri labattu injo mae risibatu lino laassare passo'ri ri iyai tuammari injo ri lino.

PANJANJANNA YAHYA 3:8

Kuisse'i sikonjo jamaammu: Janjangimu, Nakke maeng ambungkara babaang ri kau, na gelei akkulle ritongko' manna rise're tau. Kuisse'i ma'nassana sikurajua kagassingammu, mingka pamuturukinna pauKu na gelei musangkali arengKu.