YAHYA 17:11 - Kitta' Passitallikang Bau KAREBA BAJI'

¹¹ Nakke gelema rie' lalang ri lino, mingka iyai rie' juapai lalang ri lino, na Nakke battu mange ri Ditte. O Amma matangkasa, piarai iyai inni lalang arenTa, iamo intu arenTa numaeng Ripassareang injo mae ri Nakke, solanna iyai a'jari se're assimpole ditte.

YAHYA 17:11 Iomraidhean Croise

MATIUS 10:16

”Janjangi, Nakke assuro ri kaui assimpole jimbala mange ritangnga-tangngana asu borong, injomo saba'na paralluko sara'de' assimpole saa na baji' assimpole bangkeng bodo.

MATIUS 5:48

Injomo saba'na, sibaji'na kaui sangka', assimpole sangka'na Ammammu ri Suruga.”

MATIUS 6:9

Injomo saba'na, ngera dowaanglaloko appakonni: Ammamba ri Suruga, Ripakatangkasalalo aremMu,

YAHYA 13:1

Rihattu gelenapa ripakaramula allo Pa'lappasang injo, Isa laisse'mu ma'nassana larapi'mu hattunNa laa'lette' battu ri lino inni mange ri Amma. Ia lakamaseangi sikonjo a'jari anunNa ri lino inni, na Ia tulusu lakamaseanna sa'genna larapi' allo kala'busang.

YAHYA 13:3

Isa laisse'i ma'nassana Amma maemmu lapassareang sikuanna mange ri Ia na ma'nassana Ia battui ri Allataala na lamuliangi pole mange ri Allataala.

YAHYA 14:20

Rihattu injomo kau lamuisse'i ma'nassana Nakke lalang ri AmmangKu na kau lalang ri Nakke na Nakke lalang ri kau.

YAHYA 16:28

Nakke rie' mae battu ri Amma na Nakke rie' antama' ri lino; Kubokoi pole lino inni na Nakke a'lampaa lamange ri Amma.”

YAHYA 16:33

Iangase'na injo Kupau mange ri kaui, solanna nguppaiko dame salehangang lalang ri Nakke. Lalang ri lino inni lasissaiko ripama'ri'-ma'risi, mingka pakasa'ga'i nyahamu, saba' Nakkemo ambeta lino.”

YAHYA 17:23

Nakke lalang ri iyai na Ditte lalang ri Nakke solanna iyai sangka' paa'jari se'rena, solanna lino inni laisse'i ma'nassana Dittemo maeng assuro ri Nakke na ma'nassana Ditte ngamaseang ri iyai, assimpole Ditte ngamaseang ri Nakke.

YAHYA 17:25

O Amma kaminang adele, toje'i lino inni geleKi laisse', mingka Nakke ngisse' ri Ditte, na iyai inni laisse'i ma'nassana Dittemo maeng assuro ri Nakke;

YAHYA 17:6

Nakke maemmu Kupappiissekang arengTa mange risikuanna tau Ripassareang injo mae ri Nakke nubattu injo ri lino. Iyai injo anunTa na maeng Ripassareammu mae ri Nakke na iyai maeng laturuki ngase'i pauTa.

YAHYA 7:33

Jari lakua Isa, ”Siso'di' kalemamo hattungKu larie' assurang-surang kau na maeng injo Nakke laa'lampa mange ri Tuassuro injo ri Nakke.

PAU-PAUWANNA SIKONJO SURO-SURO 3:21

Almase injo parallu ammari ri suruga sa'genna larapi' hattu pa'bajikang assimpole nulapau injo Allataala mange ri nabbi-nabbiNa riolo.

ROMA 12:5

appakonjo todo'i ditte, manna injo lohe, mingka se'reki intu batangkale lalang ri Almase; jari ditte ngase' intu a'jari se'reki bageang mange ri tau maraeng.

ROMA 9:17

Saba' Kitta' Tangkasa appau mange ri Firaun, ”Iamo injo saba'na Kuangka'ko, iamo intu solanna Kupappijanjangang kahasaKu lalang ri kau, na solanna arengKu ripappiissekang risibatu lino.”

1 KORINTUS 1:10

Mingka nakke appiu'rangi ri kaui urang siana', saba' arenna Karaengta Isa Almase, solanna a'julu pauiko surang anda rie' pa'beserang ri kaui, mingka sibale'na solanna jarrekiko ripasse're-se'reang na a'julu ati surang pikkirang.

GALATIA 3:28

Lalang ri passala inni, gelemo rie' tau Yahudi iyareka tau Yunani, gelemo rie' ata iyareka tau laloasa, gelemo rie' bura'ne iyareka bahine, saba' kau ngase' intu se're lalang ri Isa Almase.

EFESUS 4:4

Se're tubu, na se're Nyaha Allataala, appanteekamua kau maeng rikeo' mange rise're pattajalliang nulakimbolong lalang ripakkeo'mu injo,

FILIPI 2:9

Iamo injo saba'na Allataala sukku' appakalangkasa'na ri Ia na lapassareangi kahasa mange ri Ia nula'bi battu risikuanna kahasa,

IBRANI 1:3

Isamo appatillo' ri sau kala'birang Allataala na ja'bangang parie'na Allataala nutoje' injo na lasalanggai sikuanna nurie' patteteang ripauNa nurassi kahasa. Sungka'i a'maemmo lageokang panangkasi kadorakaang, Ia attolommu risa'ri kananNa Tukaminang Bakka' injo, na ri tampa' kaminang la'biri,

IBRANI 9:24

Saba' Almase gelei antama' ri tampa' tangkasa ta'ra bua' limanna rupatau nusangga assimpolena jua ja'bangang battu rinutoje' injo, mingka antama'i ri suruga lamange ri a'rakanna Allataala rikaparalluanta.

YAKOBUS 4:4

Oe kau, tau gele intu mallang! Gelepaika muisse' ma'nassana pa'bahaangang surangang lino inni iamo intu ribaliangi Allataala? Jari, inai jua a'ra' a'jari bahaanna lino inni, injo ia lapaa'jari bali kalenna ri Allataala.

1 PETRUS 1:5

Iamo intu kau, turikatuho injo lalang ripangamaseanna Allataala patteteang rikatappakammu, rihattu mutajanna kasalamakang numaeng sadia injomo laripappijanjangang ri allo kala'busang.

1 YAHYA 3:12

gelei assimpole Kain nuassala'na battu ri tau daa na lahuno arinna. Ngura ia lahunoi? Saba' sikonjo panggeokanna nudaa na panggeokang arinna nubaji'.

1 YAHYA 5:19

Ditte riisse'i ma'nassana ditte assala'ta nubattu ri Allataala na sibatu lino rie'i lalang rikahasana tudaa injo.

YUDAS 1:1

Battu ri Yudas, ata ri Isa Almase na urang siana'na Yakobus. Mange ri iyai turikeo' injo, turikamaseang lalang ri Allataala Amma na takkatuho tujunna Isa Almase.

YUDAS 1:24

Mange ri Ia, tukahasa injo akkatuho solanna andako tatto'ro na Ia todo'mo laerangko tide' rammasa'na na surangang karannuang bakka' ri a'rakang kala'biranNa.

PANJANJANNA YAHYA 15:4

Inaimo gele lamalla', o Karaeng, na gele laappakala'biri ri aremMu? Saba' Kau jua tutangkasa. Sikonjo bangsa labattu na joppa'i nyomba ri Kau, saba' a'buttii kanabaang risikonjo pangadelamMu.”

PANJANJANNA YAHYA 19:12

MatanNa assimpolei bola' api na rate ribaho ulunNa rie' lohe songko' kakaraengang. Ri Ia rie' ta'ukiri se're areng na tide' laisse'i manna se're tau, rimaraenganna Ia to'jua.

PANJANJANNA YAHYA 4:8

Appa'iya mahallo' injo annang ngase'i kapina, ri siappuna surang ri nara lalanganna rassi ngase'i sanging mata, na allo bangngi gelei minang ammari a'nga'ngara, ”Tangkasai, tangkasai, tangkasai Karaeng Allataala, Tukaminang kahasa, turie'mo na maemmu rie' riolo surang larie'i pole.”