YAHYA 17:1 - Kitta' Passitallikang Bau KAREBA BAJI'

¹ Appakonjomu pauna Isa. Maeng injo Ia ammongai nai' ri langi' na appaui, ”Amma, larapi'mu hattunna; pakala'birimu Ana'Ta, solanna Ana'Ta appakala'biri ri Ditte.

YAHYA 17:1 Iomraidhean Croise

MARKUS 14:41

Maeng injo muliangi isse' Isa ri makapintallunnamo ngera dowaang na appaui mange ri iyai, ”Tinroi juapako na ammari-mari mangngangko? Ganna'mu. Larapi'mu hattunna, janjangi, Ana' Rupatau laripassareang ri limanna sikuanna tau doraka.

LUKAS 18:13

Mingka palele sima injo ammenteng dere juai, na gele todo'i barani ammonga nai' ri langi', mingka ia tulusu lapurusu barambanna na lakua: O Allataala, rikamaseangi tau doraka inni.

LUKAS 22:53

Kusa'ring allo-allo juai Nakke rie' ritangnga-tangngamu ri Sapo Allataala, na gele kalea mujakkali. Mingka iamo inni hattummu, na iamo inni kahasana kalammang injo.”

YAHYA 11:4

Mingka rihattu lalangngere'na Isa kareba injo, Ia appaui, ”Garring injo gele juai langalle nyaha, mingka lalapappijanjangangi kala'biranna Allataala, solanna patteteang rigarring injo Ana' Allataala ripakala'biri.”

YAHYA 11:41

Jari lapalesangimu batu panongko'na kuburu injo. Jari Isa ammongai nai' ri langi' na appaui, ”Amma, Nakke masa barakka' mange ri Kau, saba' Kau maeng appilangngeri ri Nakke.

YAHYA 12:23

Appaui Isa mange ri iyai, ”Larapi'mu hattunna Ana' Rupatau laripakala'biri.

YAHYA 13:1

Rihattu gelenapa ripakaramula allo Pa'lappasang injo, Isa laisse'mu ma'nassana larapi'mu hattunNa laa'lette' battu ri lino inni mange ri Amma. Ia lakamaseangi sikonjo a'jari anunNa ri lino inni, na Ia tulusu lakamaseanna sa'genna larapi' allo kala'busang.

YAHYA 16:32

Janjangi, larie' hattunna, na larapi'mu, rihattunna kau ripasia'-siara massing-massing ri tampa'na to'jua na Nakke mubokoi a'kale-kale. Mingka gele kale-kalengKu jua, saba' Amma minahangi ri Nakke.

YAHYA 7:30

A'naha-nahaimu lalajakkali Isa, mingka gele rie' manna se're tau lauppai lakaraha Isa, saba' gelepai larapi' hattunNa.

YAHYA 7:39

Nulakuangang injo Isa iamo intu Nyaha Allataala nulalatarima injo sikuanna tau tappa' mange ri Ia; saba' Nyaha Allataala injo gelepai rie', saba' Isa gelepai ripakala'biri.

YAHYA 8:20

Pau-pau injo labisarai Isa riampi'na panaroang doe', rihattu ngajara'na ri Sapo Allataala. Gele rie' manna sitau lajakkalai Isa, saba' gelepai larapi' hattunNa.

PAU-PAUWANNA SIKONJO SURO-SURO 3:13

Allataala ri Abraham, ri Ishak surang ri Yakub, Allataalana puwa-puwata maeng lapakala'biri suroNa, iamo intu Isa tumaeng mupassareang injo na musangkali ri a'rakanna Pilatus, manna injo Pilatus latappuki lalapakalappasa Isa.

1 PETRUS 1:21

Patteteang ri Iamo kau tappa' mange ri Allataala. Allataala maeng injo lapakaattallasai muliang Ia battu rikamateang na maeng appakala'biri ri Ia, sa'genna katappakammu na pattajalliammu a'ma'ra' mange ri Allataala.