YAHYA 16:7 - Kitta' Passitallikang Bau KAREBA BAJI'

⁷ Mingka toje'i nuKupau inni mange ri kaui: Iamo intu la'bi riekang matu-matunna ri kaui, ampa Nakke a'lampa. Saba' ampa Nakke gelea a'lampa, Nyaha Paurang-urang injo gele todo'i larie' mange ri kaui, mingka ampa a'lampa, Nakke lassuro ri Ia mange ri kaui.

YAHYA 16:7 Iomraidhean Croise

LUKAS 24:49

Janjangimu, Nakkemo laassare mange ri kau apa numaeng injo latallikang AmmangKu. Mingka paralluko ammari ri kota inni sa'gemmu risangkaki kahasa battu ri Allataala.”

LUKAS 4:25

Ampa pole, Nakke appau mange ri kau, na toje'i pauKu inni: Ri jammanna Nabbi Elia lohe bahine balu-balu ri Israele rihattunna tattongko' langi' talluntaung na annambulang sallona surang rihattu sarrona kalarakang risikonjo tampa'.

LUKAS 9:27

Sitoje'na Nakke appau mange ri kaui: Risikuanna tau rie' injo ri inni rie' tugele lamate ampa gelepai lajanjang Pakkaraengang Allataala.”

YAHYA 14:26

mingka Nyaha Paurang-urang, iamo intu Nyaha Tangkasa, nulalasuro injo Amma lalang riarengKu, Iamo lalapangajarangi iangase'na mange ri kaui na lalapiu'rangiko risikonjo numaeng Kupau ri kaui.

YAHYA 14:28

Maengi mulangngeri ma'nassana Nakke maeng appau mange ri kaui: Nakke laa'lampa, mingka Nakke labattu juapa muliang mange ri kaui. So'di injo ngamaseangiko ri Nakke, tantu rannuimmu saba' Nakke a'lampaa mange ri AmmangKu, na Amma la'bi bakkakang battu ri Nakke.

YAHYA 14:3

Ampa Nakke a'lampaa mange konjo na maeng sadiamu tampa'mu, Nakke larie' pole na Kuerangiko mange ri tampa'Ku, solanna ri tampa' pammariangKu rieki todo'ko ri injo.

YAHYA 15:26

Ampa rie'mo Nyaha Paurang-urang nulaKusuro battu injo ri Amma, iamo injo Nyaha Katojekang nuansulu' battu ri Amma, Ia laassa'bii ripassala'Ku.

YAHYA 16:8

Ampa Iamo rie', Ia laappiu'rangi lino rikadorakaang, katojekang na hukkungang;

YAHYA 7:39

Nulakuangang injo Isa iamo intu Nyaha Allataala nulalatarima injo sikuanna tau tappa' mange ri Ia; saba' Nyaha Allataala injo gelepai rie', saba' Isa gelepai ripakala'biri.

PAU-PAUWANNA SIKONJO SURO-SURO 10:34

Jari pakaramulamu Petrus a'bisara, ”Sitoje'na kupahammu ma'nassana Allataala gele appassisala tau.

PAU-PAUWANNA SIKONJO SURO-SURO 2:33

Sungka'i maemmo ripakala'biri risa'ri kananNa Allataala na narimai battu ri Amma, Nyaha Tangkasa nulatallikang injo, jari lapaturumMu Nyaha injo assimpole numujanjang na numulangngere ri inni.

ROMA 8:28

Ditte konni-konnina riisse'i ma'nassana Allataala minahangi anjama lalang risikuanna laappabattu kabajikang mange ri iyai tungamaseang injo ri Ia, iamo intu mange risikuanna tau rikeo' injo assituru' surangang naha-nahanna Allataala.

2 KORINTUS 4:17

Saba' kamarasaiang ringang rikonni-konnina, laappabattui ri kambe kala'birang tide' tappu'na nualla'bi risikuanna, sarro la'bi bakkakanna battu rikamarasaiamba.