YAHYA 16:2 - Kitta' Passitallikang Bau KAREBA BAJI'

² Laripelakiko dere, la'bipa pole larie' hattunna sallo' ma'nassana sikuanna tau lahuno injoko pa'ngare'na ia anggeokangi nubaji' ri a'rakanna Allataala.

YAHYA 16:2 Iomraidhean Croise

MATIUS 10:28

Akolalo malla' mange ri iyai tuakkulle injo muno batangkale, mingka tide' kahasana lamuno nyaha; malla'laloko mange ri Ia tukahasa injo lamuno baji' nyaha iyareka batangkale lalang ri naraka.

MATIUS 24:9

Rihattu injo ripassareangiko larisissa, na larihunoiko surang larikalikkingangiko risikuanna tau passabakang ri arengKu,

LUKAS 6:22

Sunggumoko, ampa kanara Ana' Rupatau nasikuanna tau liking ri kau, nageleko a'ra' laurangi a'limbo-limbo na lasallako surang gelei a'ra' lapau aremmu kalaarei' se're nudaa.

YAHYA 12:42

Mingka lohe todo' ritangngana ponggaha injo tappa' mange ri Ia, mingka rikanara lohena tau Farisi jari iyai injo gele lapau silambusu'na, solanna gelei ripelaki dere.

YAHYA 16:25

Iangase'na inni Kupau mange ri kaui lalang ripakkalebarang. Larie' hattunna Nakke gelemo laa'bisara mange ri kaui lalang ripakkalebarang, mingka Kupau lambusui Amma mange ri kaui.

YAHYA 16:32

Janjangi, larie' hattunna, na larapi'mu, rihattunna kau ripasia'-siara massing-massing ri tampa'na to'jua na Nakke mubokoi a'kale-kale. Mingka gele kale-kalengKu jua, saba' Amma minahangi ri Nakke.

YAHYA 4:21

Lakuamo Isa mange ri ia, ”Tappa'moko mae ri Nakke, idong, larie' hattunna ma'nassana kau lanyomba Amma, gele ri bonto inni na gele todo' ri Yerusalem.

YAHYA 4:23

Mingka larie' hattunna na konni-konnina rie'mu ma'nasana sikuanna tau naba injo ta'ranna nyomba, injo lanyombai Amma lalang ri nyaha si'nong surang katojekang; saba' Amma labojai sikuanna tau nyomba appakonjo injo ri Ia.

YAHYA 9:22

Appau appakonjoi tau toana, kanara mallakinna ri ponggaha Yahudi injo, saba' ponggaha Yahudi injo maemmu assamaturu' ma'nassana inai laani Isa assimpole Almase, laripela'i dere.

YAHYA 9:34

Pappihalinnai mange ri ia, ”Kau inni rianakangko lalang rikadorakaang na kau a'ra' langajara ri kambe?” Jari lasuroimu ansulukang.

PAU-PAUWANNA SIKONJO SURO-SURO 5:33

Ri lalangngerinna pau injo assimpolemu bissa' atennai jari a'rakimu lahuno suro-suro injo.

PAU-PAUWANNA SIKONJO SURO-SURO 7:56

Jari lakuamo, ”Toje'i, kujanjammu ta'bungkara langi' na Ana' Rupatau ammenteng risa'ri kananna Allataala.”

1 KORINTUS 4:13

ampa kambe ripitina, injo kambe tulusu appihali lumukang; kambe maeng a'jarimakang assimpole loro ri lino inni, assimpole loro battu risikuanna, sa'genna hattu inni.

FILIPI 3:6

passala rijarrekinna Hukkung Tora' injo nakke anrabung-rabung jamaah, passala kanabaang lalang ripaminahangang ri hukkung Tora' injo nakke tide' sallaanna.

PANJANJANNA YAHYA 6:9

Rihattunna Ana' Jimbala injo allekkesi segele makalima, kujanjangi rirahangang mejang panaroang koro'bang nyahana tumaeng injo rihuno rikanara pauna Allataala surang rikanara passa'bi rie' injo ri iyai.