YAHYA 16:16 - Kitta' Passitallikang Bau KAREBA BAJI'

¹⁶ ”Gelemu sallo hattunna, kau gele lanjanjang ri Nakke na gele tommoi pole sallo hattunna, kau lanjanjang ri Nakke.”

YAHYA 16:16 Iomraidhean Croise

MARKUS 16:19

Rimaenna Karaeng Isa a'bisara appakonjo ri iyai, tarangka'mu nai' ri Suruga, ampai attolong risa'ri kananNa Allataala.

YAHYA 12:35

Appaui Isa mange ri iyai, ”Siso'di' kalemamo hattunna sinara injo rie' ri kaui. A'lingkaimoko sangkalang rie'na juapa sinara injo ri kaui, solanna kalammang injo andai kahasa ri kaui; inai jua a'lingka lalang ri kalammang, injo ia gele laisse' antee mae lampana.

YAHYA 13:3

Isa laisse'i ma'nassana Amma maemmu lapassareang sikuanna mange ri Ia na ma'nassana Ia battui ri Allataala na lamuliangi pole mange ri Allataala.

YAHYA 13:33

Oe ana'-ana'Ku, so'di'kalemamo hattungKu larie' ri kaui. Kau laa'bojai ri Nakke, na assimpole numaeng injo Kupau mange risikuanna tau Yahudi: Mange ri tampa' Kumangei injo, geleiko ma'ring labattui, appakonjoi pole rikonni-konnina Kupau todo'i mange ri kaui.

YAHYA 16:10

ri katojekang, saba' Nakke a'lampaa mange ri Amma na gelema lamujanjangi;

YAHYA 16:22

Appakonjo todo'i kau konni-konnina laappuko pa'risi, mingka laKujanjangi juapako pole surang late'ne atimu na gele rie' manna se're tau akkulle lapaari kate'neammu injo battu ri kaui.

YAHYA 16:28

Nakke rie' mae battu ri Amma na Nakke rie' antama' ri lino; Kubokoi pole lino inni na Nakke a'lampaa lamange ri Amma.”

YAHYA 16:5

mingka konni-konnina Nakke laa'lampa lamange ri Ia Tumaeng assuro injo ri Nakke, na gele rie' manna se're tau ri kaui akkuta'nang mae ri Nakke: Laantee mae lampaTa?

YAHYA 17:13

Mingka konni-konnina, Nakke battu mange ri Ditte na Kupau ngase'i inni rihattu rie'Ku juapa lalang ri lino inni, solanna sukku'i kate'neangKu lalang ri iyai.

YAHYA 17:5

Na konni-konnina, o Amma, pakala'birima ri a'rakanTa surangang kala'birang Kuuppa injo ri a'rakanTa rigelenapa rie' lino.

YAHYA 7:33

Jari lakua Isa, ”Siso'di' kalemamo hattungKu larie' assurang-surang kau na maeng injo Nakke laa'lampa mange ri Tuassuro injo ri Nakke.

PAU-PAUWANNA SIKONJO SURO-SURO 1:3

Mange ri iyai Ia maeng lapappijanjangangi kalenNa sungka'i a'maemmo kasissaanNa, na surangang lohe pole tanra lapappijanjangang ma'nassana Ia attallasai muliang. Saba' patampulo allo sallona Ia akkuling-kulingi lapappijanjangang kalenNa na a'bisarai mange ri iyai risesena Pakkaraengang Allataala.

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.