YAHYA 16:10 - Kitta' Passitallikang Bau KAREBA BAJI'

¹⁰ ri katojekang, saba' Nakke a'lampaa mange ri Amma na gelema lamujanjangi;

YAHYA 16:10 Iomraidhean Croise

YAHYA 16:28

Nakke rie' mae battu ri Amma na Nakke rie' antama' ri lino; Kubokoi pole lino inni na Nakke a'lampaa lamange ri Amma.”

YAHYA 16:5

mingka konni-konnina Nakke laa'lampa lamange ri Ia Tumaeng assuro injo ri Nakke, na gele rie' manna se're tau ri kaui akkuta'nang mae ri Nakke: Laantee mae lampaTa?

YAHYA 3:14

Na assimpole Musa appakalangkasa saa ri parang luara, appakonjo todo'i Ana' Rupatau parallu ripakalangkasa,

YAHYA 5:32

rie' tumaraeng assa'bi ri Nakke na Kuisse'i ma'nassana passa'bi lasareang injo Allataala ripassala Nakke injo toje'i.

YAHYA 7:33

Jari lakua Isa, ”Siso'di' kalemamo hattungKu larie' assurang-surang kau na maeng injo Nakke laa'lampa mange ri Tuassuro injo ri Nakke.

PAU-PAUWANNA SIKONJO SURO-SURO 17:31

Saba' Ia maeng lapattantumu se're allo rihattunna Ia lalang rikaadelang langadeli sibatu lino rise're tau maeng injomo latantuang Allataala, sungka'i maemmo lasareang mange risikuanna tau se're boro' passala injo lalang rilapakaattallasa'na Ia muliang battu risikuanna tau mate.”

PAU-PAUWANNA SIKONJO SURO-SURO 2:32

Isa innimo ripakaattallasa muliang ri Allataala, na risesena passala injo kambe ngase'mo inni sa'bi.

PAU-PAUWANNA SIKONJO SURO-SURO 3:14

Mingka kau maeng mutolla'i Tutangkasa na Tutoje', surang mukaa'raki se're pahuno ripakalappasangiko.

PAU-PAUWANNA SIKONJO SURO-SURO 7:52

Anteeammo battu risikonjo nabbi gele risissa ri puwa-puwamui? Na lahunoi sikuanna tau la'bi riolo injo appala'bang palarie'na Tau Naba, nakonni-konnina maeng mukeloi ampai muhuno.

ROMA 1:17

Saba' assinna lalang a'butti pappa'naba ri Allataala, pappoonganna nubattu rikatappakang na ngerangi mange rikatappakang, assimpole rie' ta'ukiri: ”Tau ripa'naba injo laattallasai, rikanara katappakang.”

1 KORINTUS 1:30

Mingka rikanara Ia kau rie' lalang ri Isa Almase, nubattu ri Allataala maeng a'jari kasara'dekangi mae ri ditte. Ia appa'nabai na appakatangkasai surang allappasi ri ditte.

2 KORINTUS 5:21

Ia tugele injo ngisse' doraka Ia maeng ribua'mu a'jari doraka rikanarata, solanna lalang ri Ia ditte ripa'naba ri Allataala.

GALATIA 5:5

Saba' ri Nyaha, surang kanara katappakang, ditte attajang pappa'naba nuritajallii injo.

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.