YAHYA 15:9 - Kitta' Passitallikang Bau KAREBA BAJI'

⁹ ”Assimpole Amma ngamaseang mae ri Nakke, appakonjo todo'i Nakke ngamaseang mange ri kaui; ammariko lalang ripangamaseangKu injo.

YAHYA 15:9 Iomraidhean Croise

YAHYA 15:11

Iangase'na injo Kupau mange ri kaui, solanna karannuangKu rie'i lalang ri kaui na a'jari sangka'i karannuammu.

YAHYA 15:13

Gelemo rie' pangamaseang la'bi bakkakang battu ripangamaseanna inni, iamo intu tau lapa'bisonaang nyahana passabakang ri baha'-bahaanna.

YAHYA 17:26

na Nakke maemmu Kupappiissekang arenTa mange ri iyai na laKupappiissekang juapai, solanna pangamaseang Ripassareang injo mae ri Nakke rie'i lalang ri iyai na Nakke lalang ri iyai.”

YAHYA 3:35

Amma ngamaseang Ana' na maeng lapassareang ngase'mu mange ri Ana'.

EFESUS 3:18

Nakke ngera dowaang, solanna kau assurang-surang iangase'na tau tappa' akkulle appahang, anteekamua la'ba'na surang lambere'na na langkasa'na surang anralanna pangamaseang Almase,

1 YAHYA 2:28

Jari konni-konnina, ana'-ana'ku, ammariko lalang ri Almase, solanna ampa Ia lapappisa'biang kalenNa, ditte nguppaki kabaraniang latappa' na geleki parallu siri' mange ri Ia rihattu pariekanNa.

YUDAS 1:20

Mingka kau, Urang siana' mala'biri'ku, pakaterasai kalemmu rate ripappoongang katappakammu nukaminang si'nong injo na ngera dowaangiko lalang ri Nyaha Tangkasa.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,