YAHYA 15:8 - Kitta' Passitallikang Bau KAREBA BAJI'

⁸ Lalang ripassala innimo AmmangKu ripakala'biri, iamo intu ampa kau ambua lohe na ri appakonjona kaumo intu ana'-ana' gurungKu.”

YAHYA 15:8 Iomraidhean Croise

MATIUS 5:16

Appakonjo sibaji'na sinara'mu assau ri a'rakanna tau, solanna iyai lajanjangi panggeokang baji'mu na lapakala'biri Ammammu ri Suruga.”

MATIUS 5:44

Mingka Nakke appau mange ri kaui: Kamaseangi balimmu na pangera dowaanglalo iyai tuma'ri'-ma'risi injo ri kaui.

MATIUS 9:8

Lajanjanna passala injo, malla'mu tau lohe injo ampai lapakala'biri Allataala numaeng assare kahasa assimpole injo mange ri rupatau.

LUKAS 6:35

Mingka kau, kamaseangi balimmu na a'geo' baji'ko mange ri iyai na piinrangi surangang andamoko tajalli lanarima poleang, jari bakka'i sahala'mu na kaumo laa'jari ana'-ana'na Allataala Tukaminang la'biri injo, saba' Ia baji'i mange risikuanna tau gele injo ngisse' nanrai tau na mange risikuanna tau daa injo geo'na.

YAHYA 13:35

Ri appakonjona sikuanna tau laisse'i ma'nassana kaui intu ana'-ana' gurungKu, iamo intu ampa assikamaseangiko.”

YAHYA 15:5

Nakkemo poong anggoro toje' na kauimo tangke-tangkena. Inai jua ammari lalang ri Nakke na Nakke lalang ri ia, ia lalohe buana, saba' pantaranganna Nakke geleiko akkulle anggeokangi manna se're.

YAHYA 8:31

Jari pauNa mange ri tau Yahudi tappa' injo ri Ia, ”Ampa kau tuli rie' lalang ripauKu, toje'i kauimo ana' gurungKu

1 KORINTUS 10:31

Injomo saba'na, baji' kau tunganre iyareka tunginung intu, iyareka anggeokang se're passala maraeng, geokang ngase'i injo rikanara kala'biranna Allataala.

1 KORINTUS 6:20

Saba' kau maeng rihalli na maeng bajaramu ballinna: Injomo saba'na pakala'biri Allataala lalang ri kalemmu!

FILIPI 1:11

rassi panggeokang assimpole nulajama injo Isa Almase laappakala'biri surang appakabakka' ri Allataala.

TITUS 2:10

ako ngalle salai, mingka sibaji'na sanging lambusu na mallang, solanna ri appakonjona iyai injo lalang risikonjo passala appakala'biri ajaranna Allataala, Pappasalama'ta.

TITUS 2:5

tallasa rassii pangisse' na tangkasai, detto'i lapassilolongang pakkalabinianna, baji'i atina surang mallangi mange ri bura'nenna, solanna pau Allataala andai ritua-tuai ri tau maraeng.

1 PETRUS 2:12

Pakei tallasa baji' inni ritangnga-tangngana sikuanna tau gele injo tappa' ri Allataala, solanna ampa iyai injo appitina ri kau assimpole tau anggeokang nudaa, injo iyai akkullei lajanjang sikonjo panggeokang baji'mu na appakala'birii Allataala rihattunnamo Ia ambattu mange ri iyai.

1 PETRUS 4:11

Ampa rie' tau a'bisara, baji'mu ia a'bisara assimpole tau appabattu pau Allataala; ampa rie' tau anjampangi, baji'mu ia lageokangi lalang rikaterasang nulapassareang injo Allataala, solanna Allataala ripakala'biri lalang risikuanna passabakang ri Isa Almase. Iamo ampunna kala'birang surang kahasa sa'genna situli-tulinna! Aming.