YAHYA 15:4 - Kitta' Passitallikang Bau KAREBA BAJI'

⁴ Ammariko lalang ri Nakke na Nakke lalang ri kaui. Assimpole tangke-tangke injo gelei akkulle ambua battu ri kalenna to'jua, ampa gelei a'da'ki' ri poong anggoro, appakonjo todo'i ri kaui, geleiko ambua ampa geleiko ammari lalang ri Nakke.

YAHYA 15:4 Iomraidhean Croise

MATIUS 12:33

Ampa se're poong kaju murapang baji', injo baji' todo'i buana; ampa se're poong kaju murapang daa, injo daa todo'i buana. Saba' battu ri buana poong kaju inni ri isse'.

LUKAS 8:15

Nua'dappe' injo ri tana baji' iamo intu sikuanna tau, allangngere pau injo, lananro baji'i lalang ri ati si'nonna na appasulu'i bua baji' lalang rikasabbarang.”

YAHYA 14:20

Rihattu injomo kau lamuisse'i ma'nassana Nakke lalang ri AmmangKu na kau lalang ri Nakke na Nakke lalang ri kau.

YAHYA 17:23

Nakke lalang ri iyai na Ditte lalang ri Nakke solanna iyai sangka' paa'jari se'rena, solanna lino inni laisse'i ma'nassana Dittemo maeng assuro ri Nakke na ma'nassana Ditte ngamaseang ri iyai, assimpole Ditte ngamaseang ri Nakke.

YAHYA 6:56

Inai jua lakanre assingKu na lainung raraKu, ia ammarii ri Nakke na Nakke lalang ri ia.

YAHYA 8:31

Jari pauNa mange ri tau Yahudi tappa' injo ri Ia, ”Ampa kau tuli rie' lalang ripauKu, toje'i kauimo ana' gurungKu

PAU-PAUWANNA SIKONJO SURO-SURO 11:23

Sungka'i ambattumo Barnabas na lajanjangi pangamaseanna Allataala, ia sanna'mu rannuna. Ia lapiu'rangi ngase'i, solanna iyai ngase' rie'i lalang rikasukkukang ati na mallang mange ri Karaeng.

PAU-PAUWANNA SIKONJO SURO-SURO 14:22

Ri tampa' injomo iyai lapakasa'ga' nyahana ana'-ana' gurung injo ampai lapiu'rangi ngase' solanna tuli jarre'i rikatappakang, na lapaui ma'nassana ampa laantama'ki ri Pakkaraengang Allataala paralluki languppa lohe kamarasaiang.

2 KORINTUS 13:5

Paressai kalemmu, apa kau tulusu jarre' jua lalang rikatappakang. Salidikisai kalemmu! Barang geleiko tappa' ri kalemmu ma'nassana Isa Almase rie'i lalang ri kau? Saba' ampa gelei appakonjo, injo geleiko attahang lalang ripasso'ri.

GALATIA 2:20

nakke attallasa, mingka gelemo nakke jua attallasa, passangadinna Almase attallasa lalang ri nakke. Tallasa kuerang injo konni-konnina ri mata kasara iamo intu tallasa rikanara katappakang lalang ri Ana' Allataala tumaeng ngamaseang injo mae ri nakke na lapassareang kalenNa ri nakke.

EFESUS 3:17

sa'genna rikatappakammu Almase ammari lalang ri atimu na kau a'aka' na appoong lalang ripangamaseang.

FILIPI 1:11

rassi panggeokang assimpole nulajama injo Isa Almase laappakala'biri surang appakabakka' ri Allataala.

KOLOSE 1:23

Injomo saba'na paralluiko mallang rikatappakang, tulusu jarre' surang gele bata na gele a'ra' a'gessong battu ripattajalliang Injili, numaeng mulangngere injo na numaeng ripala'bang injo risibatu alang rahangang langi', na nakke inni, Paulus, maeng a'jari pajampanginna.

KOLOSE 1:27

Mange ri iyai Allataala a'ra'i lapappiissekang, anteekamua kalumannyanna surang la'biri'na harasia injo ritangnga-tangngana tau maraeng, iamo intu: Almase rie'i ri tangnga-tangngamu, Almase a'jari pattajalliang rikala'birang!

KOLOSE 2:6

Maeng mutarimai Almase, Karaengta. Injomo saba'na parallui tallasa'mu tulusu lalang ri Ia.

1 TESALONIKA 3:5

Iamo injo saba'na, rihattunna gelemu akkullei ritahangang, nakke assuro mange ri ia, solanna nakke akkullei kuisse' passala katappakammu, saba' nakke bata-bata barangsikali kau maeng riso'ri ripanbanja'-banja' surang barangsikali kareso ri kambe tide'jua matu-matunna.

IBRANI 10:39

Mingka ditte gelemo tau laa'boko na lamate, mingka tau tappa'mo na nguppa katallasang.

1 YAHYA 2:6

Inai jua tau appau ma'nassana ia rie'i lalang ri Ia, ia parallui tallasa assimpole Almase tuattallasa injo.

2 YAHYA 1:9

Sikuanna tau gele a'ra' ammari lalang riajarang Almase, mingka a'limbangi ansulukang battu ri injo, gelei ngampunnai Allataala. Inai jua tau ammari lalang riajarang injo, ia ngampunnai Amma surang Ana'.