YAHYA 15:2 - Kitta' Passitallikang Bau KAREBA BAJI'

² Sikonjo tangke-tangke rie' ri Nakke nugele injo ambua, latatta'i na sikonjo tangke-tangke ambua injo latangkasi, solanna pela'lohe buana.

YAHYA 15:2 Iomraidhean Croise

MATIUS 13:12

Saba' inai rie' anunna, mange ri ia larisare sa'genna kala'bi-la'biang; mingka inai tide' anunna, apa jua rie' ri ia larialle ngase'i ri ia.

MATIUS 13:33

Ia lalagara todo'i pakkalebarang inni mange ri iyai, ”Passala Pakkaraengang Suruga injo assimpole bibi nulaalle tau bahine na lakaleo'i lalang ri labu' tarigu patampulo litere lohena sa'genna assoho ngase'.”

MATIUS 15:13

Pappihalinna Isa, ”Sikonjo lamung-lamung nugele injo rilamung ri AmmangKu nurie' injo ri Suruga laribu'bu'i surangang aka'-aka'na.

MATIUS 21:19

Ri biring lalang Ia anjanjangi poong ara ampai a'lampa mange konjo, mingka Ia gele nguppa bua ri poong kaju ara injo tahana jua rombong. PauNa mange ri poong kaju ara injo, ”Gelemoko lambua situlusu'na! Rihattu injo jua matei poong kaju ara injo.”

MATIUS 25:29

Saba' sikuanna tau rie' injo anunna, mange ri ia larisarei siloheang. Mingka inai tide' anunna, apajua rie' ri ia lariallei.

MATIUS 3:10

Sadiamu pangkulu ri aka' poong kaju na sikuanna poong kaju tide' hassele'na nubaji', attantumu larita'banna na ripabuangi antama' ri api.

MATIUS 3:12

Pattapi rie'mo ri limanNa. Ia lalatangkasi tampa' pallesoranNa na lalapasse're bae gandonNa lalang ri palampang, mingka bullang injo Ia lalatunu lalang ri api nugele injo akkulle rihuno.”

MATIUS 7:19

Sikonjo poong kaju nugele injo appabattu hassele nubaji', tantu larita'banna na laripabuangi antama' ri api.

MARKUS 4:20

Kala'busanna nua'dappe' injo ri tana baji', iamo intu tau allangngere injo pau ampai latarima baji' pau injo jari ambuai, rie' nua'lappi tallumpulo, rie' nua'lappi annampulo, na rie' nua'lappi sibilangang.”

LUKAS 8:13

Nua'dappe' injo ri tana demmapara iamo intu tau ri maennamo allangngere pauna Allataala, latarima baji'i, mingka gele anralang aka'na, sinampe' juai tappaki na rihattu latabainna kasukkarang a'bokoimu.

YAHYA 15:1

”Nakkemo poong anggoro toje' na AmmangKumo tuanjamana.

YAHYA 15:16

Gele kau anjo'jo' ri Nakke, mingka Nakkemo anjo'jo' ri kaui. Nakke maeng Kutantuangiko, solanna a'lampako na lohe buamu na tulusu pambuamu, solanna apa jua muerai mange ri Amma lalang ri arengKu, Ia lapassareangi mange ri kaui.

YAHYA 15:3

Tangkasamoko kanara pau maeng injo Kupau mange ri kaui.

YAHYA 15:6

Inai jua gele ammari lalang ri Nakke, ia laripamballungi ansulukang assimpole tangke-tangke na a'jari kalotoro, maeng injo lapasse'rei tau na ripantama'i ri api laritunu.

YAHYA 15:8

Lalang ripassala innimo AmmangKu ripakala'biri, iamo intu ampa kau ambua lohe na ri appakonjona kaumo intu ana'-ana' gurungKu.”

YAHYA 17:12

Rihattu assurangingKu juapa, Kupiara ngase'i lalang arenTa numaeng Ripassareang injo mae ri Nakke; maeng Kujagai ngase'i jari gele rie' manna se're tau battu ri iyai lamate passangadinna tumaeng injo jua ritantuang lamate, solanna ripa'rupa nuta'ukiri injo lalang ri Kitta' Tangkasa.

ROMA 11:17

Injomo saba'na, ampa lohemo pangka maeng risappe na assimpoleko su'la' sule timbona maeng ripadakki' assimpole passambena na minahangi nguppa dahuang ri aka' poong kaju Zaitun lohe injo polona,

ROMA 11:22

Injomo saba'na, pariati baji'sai kangissekanna Allataala na panggeokang karrasa'Na todo' mange risikuanna tau maeng a'boko injo, mingka kalammoranNa mange ri kau ampa tuli rie'ko lalang rikalammoranNa.

ROMA 8:28

Ditte konni-konnina riisse'i ma'nassana Allataala minahangi anjama lalang risikuanna laappabattu kabajikang mange ri iyai tungamaseang injo ri Ia, iamo intu mange risikuanna tau rikeo' injo assituru' surangang naha-nahanna Allataala.

1 KORINTUS 13:1

Manna injo nakke akkulle appau-pau lalang risikonjo bisara rupatau surang bisara malaeka', mingka ampa gelea ngamaseang, injo nakke assimpole jua dorong ammoni na kalung-kalung assa'ra.

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

IBRANI 12:15

Katutuilalo solanna anda rie' manna se're tau lapela'i barakka'na Allataala, bisannabali andai attimbo aka' pai' nuappabattu injo pa'beserang na appakadaai lohe tau.

1 YAHYA 2:19

Iyai toje'i assala'na tubattu ri ditte, mingka iyai toje'i tugele antama' ri ditte, saba' ampa antama'i risala se'renna ri ditte, iyai tulusu assurang-surangi ri ditte. Mingka passala injo a'jari, solanna kaissekangi ma'nassana iyai ngase' injo gelei antama' ri ditte.

PANJANJANNA YAHYA 3:19

Inai Kukamaseang, ia Kuto'ro surang Kurabung; injomo saba'na, attoje'-toje'ko na jarrako!