YAHYA 15:16 - Kitta' Passitallikang Bau KAREBA BAJI'

¹⁶ Gele kau anjo'jo' ri Nakke, mingka Nakkemo anjo'jo' ri kaui. Nakke maeng Kutantuangiko, solanna a'lampako na lohe buamu na tulusu pambuamu, solanna apa jua muerai mange ri Amma lalang ri arengKu, Ia lapassareangi mange ri kaui.

YAHYA 15:16 Iomraidhean Croise

MATIUS 21:22

Apajua muera lalang dowaang surangang sisukku'na tappa'mu, tantu lamutarimana.”

MATIUS 7:7

”Erai, jari ripassareangi mange ri kaui; bojai, languppako; katto'i, jari ripambungkarangiko.

LUKAS 6:13

Sungka'i latangnga allomo, Ia lakeo'mu ana'-ana' gurunNa mange riampi'Na, ampai lapile sampulorua battu ri iyai ngase' nulagallara injo suro:

YAHYA 13:18

Gele mange ri kaui jua Nakke appau. Kuisse'i, inai maeng Kujo'jo'. Mingka parallui ripa'rupa pau inni: Tau lakanre injo rotiKu, laangka'mu kantunu'na mae ri Nakke.

YAHYA 15:19

So'di injo kau battu ri lino inni, tantu lakamaseangimmu lino assimpole se're anunna. Mingka kanara kaui gele battu ri lino inni, mingka Nakke maeng Kujo'jokiko battu ri lino inni, injomo saba'na lino inni liking ri kaui.

YAHYA 15:5

Nakkemo poong anggoro toje' na kauimo tangke-tangkena. Inai jua ammari lalang ri Nakke na Nakke lalang ri ia, ia lalohe buana, saba' pantaranganna Nakke geleiko akkulle anggeokangi manna se're.

YAHYA 6:70

Appihali Isa mange ri suroNa, ”Gelejua Nakkemo anjo'jo' ri kaui tusampulorua inni? Mingka, sala se'renna ri kaui intu Ibilisi.”

PAU-PAUWANNA SIKONJO SURO-SURO 1:24

Ngera dowaang ngase'mu na lakua, ”O Karaeng, Ditte Riisse'i atina sikonjo rupatau inni, jari ripijanjangiangkang inaiang rijo'jo' ri tau rua inni,

PAU-PAUWANNA SIKONJO SURO-SURO 1:8

Mingka lanarimaiko kahasa ampa ladongkokimoko Nyaha Tangkasa, na laa'jariko sa'biKu ri Yerusalem na risibatu Yudea na Samaria na sa'genna battu riappa'na lino inni.”

PAU-PAUWANNA SIKONJO SURO-SURO 10:41

gele mange risikuanna tau, mingka mange jua risa'bi-sa'bina, nurigelenapa injo maemmu rijo'jo' ri Allataala, iamo intu mae ri kambe tumaeng injo sipanganreang na sipanginungang surang Ia, sungka'i attallasamo muliang battu risikuanna tau mate.

PAU-PAUWANNA SIKONJO SURO-SURO 22:14

Jari lakuamo: Allataalana puwa-puwata maeng lapattantuko lappiisseki rinulakaa'raki injo, laanjanjang Tunaba na laallangngere sa'ra ansulu' injo battu ri babaNa.

PAU-PAUWANNA SIKONJO SURO-SURO 9:15

Mingka appaui Karaeng Isa mange ri ia, ”A'lampamoko, saba' tau innimo Kujo'jo' laappala'bang arengKu ri a'rakanna sikonjo tau maraeng surang sikonjo karaeng na risikuanna tau Israele.

ROMA 1:13

Urang siana'ku, nukukaa'raki, solanna muisse'i ma'nassana tuli kuniakangi laa'lingka-lingka mange ri kaui – mingka sa'genna allo inni sanging rie' halangangku – bisannabali ritangnga-tangngamu nakke anrumpa' hassele, assimpole todo' ritangnga-tangngana tau maraeng gele injo Yahudi.

ROMA 1:5

Patteteang ri Iamo kambe nguppa barakka' surang pangka' suro saba' arenNa langajara sikuanna tau, solanna tappaki na tunru'i.

ROMA 15:4

Saba' iangase'na nuta'ukiri riolo, maeng ta'ukiri laa'jari pappilajarang mae ri ditte, solanna a'bitantang jarre'ki ripattajalliang rikasabbarang na panyihi-nyihi battu ri Kitta' Tangkasa.

ROMA 9:21

Ampa pabua' korong tana injo gele rie' kahasana ri tana a'jammenna, laa'bua' battu rirammaang assimpole lalapake ritujuang nula'biri na nuassimpole todo' injo lapake ritujuang nusamara?

1 KORINTUS 10:11

Iangse'na inni maeng tattabamu ri iyai assimpole pakkalebarang na riukirii laa'jari pappiu'rangi mae ri ditte tuattallasa injo rijammang kala'busang inni.

GALATIA 1:15

Mingka rihattunna Allataala, maeng lapile kalengku minang ri pomponna idongku surang lakeo'a rikanara pangamaseanNa,

EFESUS 2:10

Saba' ditte inni paa'jarinaki Allataala, ripaa'jari lalang ri Isa Almase laanggeokang jama-jamaang baji', numaeng lapakasadiamo Allataala minang riolo. Ia a'ra'i, solanna ditte tallasa lalang ri Ia.

KOLOSE 1:23

Injomo saba'na paralluiko mallang rikatappakang, tulusu jarre' surang gele bata na gele a'ra' a'gessong battu ripattajalliang Injili, numaeng mulangngere injo na numaeng ripala'bang injo risibatu alang rahangang langi', na nakke inni, Paulus, maeng a'jari pajampanginna.

KOLOSE 1:6

nurie' injomo mange ri kaui. Injili injomo a'hassele na lapila'bangi sibatu lino, appakonjo todo'i Injili injo ri kau a'hassele pakaramula rihattu mulangngere'na surang muisse' toje'i barakka' Allataala.

1 TIMOTIUS 2:7

Ripassa'bi injomo nakke maeng ripattantu laa'jari pappala'bang surang suro – nukupau inni toje'i, nakke gelea a'bura-bura – na a'jari guru ri tau gele injo Yahudi, ripassala katappakang na nunaba.

2 TIMOTIUS 1:11

Patteteang ri Injili innimo nakke maeng ripattantu a'jari pappala'bang, a'jari suro surang langajara.

2 TIMOTIUS 2:2

Apa numaeng mulangngere battu ri nakke ri a'rakanna tau lohea, passareangi injo mange ri tau akkulle injo ripatappa', tusara'de' injo ngajara tau maraeng.

TITUS 1:5

Kubokoiko ri Kreta lalang ritujunna inni, solanna muatoroi apa nuparallu injo juapa riatoro na solanna mupattantui sikonjo tutoa-toa ri sikonjo kota, assimpole numaeng injo kupappasangang mange ri kau,

IBRANI 11:4

Kanara katappakang Habel maeng assidakka mange ri Allataala koro'bang nula'bi bajikang battu rikoro'banna Kain. Ri appakonjona ia nguppai passa'bi ma'nassana ia nabai, saba' Allataala angngai mange ripassidakkana na kanara katappakang ia a'bisara juapai, rimaeng matenamo.

YAKOBUS 3:18

Na hassele'na nubattu injo rikanabaang ripatahurui lalang rikadameang mange ri iyai tungerang injo dame.

1 PETRUS 3:15

Mingka pakatangkasalalo Almase lalang ri atimu a'jari Karaeng! Na tulusu sadiako laassare pappihali mange risikuanna tau akkuta'nang injo mange ri kau ripassala pattajalliang nurie' injo ri kau. Mingka parallui mupihalii lalang rikalumuang nyaha surang ngali',

1 PETRUS 3:2

ampa iyai lajanjangi anteekamua si'nonna surang tunru'na tallasa bahinenna.

1 YAHYA 4:10

Iamo inni pangamaseang injo: Gele ditte maeng ngamaseang Allataala, mingka Allataala maeng ngamaseang ri ditte na lasuro ana'Na laa'jari pa'dameang mange risikonjo kadorakaanta.

1 YAHYA 4:19

Ditte ngamaseang, saba' Allataala la'bi riolo ngamaseang mae ri ditte.