YAHYA 15:10 - Kitta' Passitallikang Bau KAREBA BAJI'

¹⁰ Ampa muturuki parentaKu, kau laammari lalang ripangamaseangKu, assimpole Nakke nuruki passuroanNa AmmangKu na ammari lalang ripangamaseanNa.

YAHYA 15:10 Iomraidhean Croise

YAHYA 10:18

Gele rie' manna se're tau akkulle laalle battu ri Nakke, passangadinna Nakke assare assituru' a'ra' kale-kaleKu. Nakke kahasa assare na kahasa langalle muliang. Innimo parenta numaeng Kutarima injo battu ri AmmangKu.”

YAHYA 12:49

Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu.

YAHYA 14:15

”Ampa ngamaseangiko ri Nakke, kau lamuturuki sikuanna parentaKu.

YAHYA 14:21

Inai jua lateteng parentaKu na lageokangi, iamo ngamaseang mae ri Nakke. Inai jua ngamaseang mae ri Nakke, ia larikamaseang todo'i ri AmmangKu na Nakke pole langamaseang mange ri ia na laKupappijanjangi kalengKu mange ri ia.”

YAHYA 14:23

Lakua Isa, ”Ampa rie' se're tau ngamaseang mae ri Nakke, ia lalaturuki pauKu na AmmangKu langamaseang mange ri ia na labattukang mange ri ia na ammarikang surang ia.

YAHYA 14:31

Mingka lino inni parallui laisse' ma'nassana Nakke ngamaseang Amma na ma'nassana Nakke anggeokang ri iangase'na assimpole nulapassuroang injo Amma mae ri Nakke. Ambaungiko, maemoko a'lampaki battu ri inni.”

YAHYA 17:4

Nakke maeng appakala'biri ri Ditte ri lino inni lalang Kupa'maenna jama-jamaang Ripassareang injo mange ri Ia lalageokang.

YAHYA 4:34

Appaui Isa ri iyai, ”KanreKu iamo intu anggeokang a'ra'na Allataala Tuassuro injo ri Nakke na Kupa'maengi jamaanNa.

YAHYA 8:29

Ia, Tumaeng assuro injo ri Nakke, minahangi ri Nakke. Ia gelea lalappasang akkale-kale, saba' Nakke tulusu Kugeokangi apa nubaji' ri a'rakanNa.”

YAHYA 8:55

sitoje'na Ia gele muisseki, mingka Ia Kuisse'i. Jari ampa Nakke appau: Ia gele Kuisse', Nakkemo pa'buraang, assimpole kaui, mingka Ia Kuisse'i na Kuturuki pauNa.

1 KORINTUS 7:19

Saba' assunna' iyareka gele assunna' gelejuai parallu. Nuparallu iamo intu tunru' risikonjo hukkung Allataala.

1 TESALONIKA 4:1

Kala'busanna, Urang siana', taerai na appiu'rangikang mange ri kaui lalang ri Karaeng Isa: Maeng mulangngeremu battu ri kambe anteekamua kau sibaji'na tallasa solanna langai Allataala. Passala injo maeng muturuki toje'mu, mingka baji'mu ampa mupassukku'i pole mugeokanna.

IBRANI 7:26

Saba' Imang Bakka' appakonjomo riparalluang: iamo intu tumallang ri Allataala, tide' geo' salana, tide' daana, assisalai battu risikuanna tau doraka na la'bi langkasangi battu risikonjo alla'-alla'na suruga.

2 PETRUS 2:21

Injomo saba'na, mange ri iyai tumaeng laisse' injomo Pa'lalangang Kanabaang inni, mingka maeng injo a'bokoi poleang battu riparenta tangkasa injo, la'bi bajikangi ampa gelei minang laisse' nuripabattu injo mange ri iyai.

1 YAHYA 2:3

Iamo inni tanrana ma'nassana ditte riisse'i Allataala, iamo intu ampa rituruki sikonjo passuroanNa.

1 YAHYA 2:5

Mingka inai laturuki pauNa, lalang ri tau injo sangka' toje'mu pangamaseanna Allataala; lalang ri injomo ditte riisse'i ma'nassana ditte rie' lalang ri Ia.

1 YAHYA 2:6

Inai jua tau appau ma'nassana ia rie'i lalang ri Ia, ia parallui tallasa assimpole Almase tuattallasa injo.

1 YAHYA 5:3

Saba' iamo inni pangamaseang injo mange ri Allataala, iamo intu ma'nassana ditte rituruki sikonjo passuroanNa. PassuroanNa injo gelei terasa,

PANJANJANNA YAHYA 22:14

Sunggui tulabissai injo baju bakka'na. Iyaimo languppa dahuang risikonjo poong katallasang na antama'i ri kota injo a'molong ri babaang paantamakanna.