YAHYA 14:6 - Kitta' Passitallikang Bau KAREBA BAJI'

⁶ Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 14:6 Iomraidhean Croise

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:17

Saba' hukkung Tora' ripassareangi patteteang ri Musa, mingka lasareki barakka' na katojekang nubattu ri Isa Almase.

YAHYA 1:4

Lalang ri Ia rie' tallasa na tallasa injo assare sinara ri rupatau inni.

YAHYA 10:28

na Nakkemo assare tallasa mannannungang mange ri iyai na iyai injo tantumu gelena lamate situlusu'na na manna se're tau gele rie' akkulle laalle battu ri limangKu.

YAHYA 10:7

Kanara injomo Isa appaui pole, ”Sitoje'na Nakke appau ri kaui, Nakkemo babaang pamolongang risikuanna jimbala injo.

YAHYA 10:9

Nakkemo babaang; inai jua antama' a'molong ri Nakke, ripasalama' na ia lansulu' antama'i surang lanrumpa'i parang ruku' pa'bikukkukang.

YAHYA 14:19

Gelemu lasallo lino inni nagelema lajanjang, mingka kau lamujanjangia, saba' Nakke laattallasa na kaui pole laattallasa.

YAHYA 15:1

”Nakkemo poong anggoro toje' na AmmangKumo tuanjamana.

YAHYA 18:37

Jari akkuta'nangi pole Pilatus mange ri Ia, ”Jari Kau intu Karaeng?” Pappihalinna Isa, ”Kaumo appau ma'nassana Nakkemo Karaeng. Kanaranamo injo Nakke rilaherang na passabakang injo pole Nakke rie' antama' mae ri lino inni, solanna Nakke assare passa'bi passala rikatojekang; sikuanna tau battu rikatojekang lapilangngeri pauKu.”

YAHYA 5:21

Saba' assimpole Amma appakaambaung sikuanna tau mate na lapakaattallassai muliang, appakonjo todo'i Ana' lappakaattallasa inai jua Ia lakaa'raki.

YAHYA 6:33

Saba' roti nubattu injo ri Allataala iamo intu roti turung battu ri Suruga na assare katallasang mange ri lino inni.”

YAHYA 6:51

Nakkemo roti katallasang numaeng injo turung battu ri Suruga. Ampa rie' se're tau lakanre roti inni, ia languppai tallasa mannannungang, na roti Kupassareang injo iamo intu assingKu, Kupassareang ritallasa'na lino inni.”

YAHYA 6:57

Assimpole Amma attallasa injo assuro mae ri Nakke na Nakke attallasa rikanara Amma, appakonjo todo'i inai jua lakanrea, languppai tallasa kanara ri Nakke.

YAHYA 6:68

Appihali Simon Petrus mange ri Ia, ”Karaeng, laa'lampa mangekang ri nai? Ri Kau rie' Pau ritallasa mannannungang;

YAHYA 8:32

na kaumo langisse' kanabaang, na kanabaang injomo lapakalappasiko.”

YAHYA 8:51

Nakke appau mange ri kaui: Inai jua laturuki pauKu, ia gele languppa kamateang situlusu'na.”

PAU-PAUWANNA SIKONJO SURO-SURO 3:15

Kauimo maeng muhunoi pappoonganna katallasang inni, mingka Allataala lapakaattallasai muliang Isa battu risikuanna tau mate; na ripassala injo kambemo sa'bi.

PAU-PAUWANNA SIKONJO SURO-SURO 4:12

Gele rie' kasalamakang manna ri inai jua rimaraenganna lalang ri Ia, saba' rahanganna langi' inni gele rie' areng maraeng risareangi mange ri rupatau inni nurikanaranamo akkulleki salama'.”

PAU-PAUWANNA SIKONJO SURO-SURO 9:2

na ngerai sura' kahasa lalaerang mange risikonjo sapo passambajangang Yahudi ri Damsyik, solanna, ampa nguppai bura'ne iyareka bahine tuminahang ri Pa'lalangang Karaeng, ia akkulle lajakkala na laerang ngase'i mange ri Yerusalem.

ROMA 15:16

iamo intu ma'nassana a'jari pajampangi ri Isa Almase risikuanna tau maraeng assimpole katappakang lalang riappala'bang Injili Allataala, solanna sikuanna tau maraeng akkulle ritarima ri Allataala assimpole passidakka nubaji' mange ri Ia, nuripakatangkasa ri Nyaha Tangkasa.

ROMA 5:2

Patteteang ri Ia ditte nguppa todo'ki pa'lalangang laantama' rikatappakang ripangamaseang inni. Ri pangamaseang innimo ditte ammenteng na ditte a'bangga-bangga lalang ripattajalliang lanarima kala'birang ri Allataala.

ROMA 5:21

solanna, assimpole kadorakaang lakahasa lalang ri linona kamateang, appakonjo todo'i pangamaseang lakahasa patteteang pappa'naba laattallasa mannannungang, rikanara Isa Almase, Karaengta.

1 KORINTUS 15:45

Assimpole rie' ta'ukiri: Rupatau makase're injo, Adam a'jari mahallo' attallasa, mingka Adam kala'busang injo a'jari nyaha nuappakaattallasa injo.

EFESUS 2:18

saba' patteteang ri Ia ditte rua tuassibaliang lalang rise're Nyaha nguppa pa'lalangang antama' lamange ri Amma.

KOLOSE 2:17

iangase'na injo sanging bajang-bajang jua battu rinulaparallu injo rie', na katojekanna rie'i lalang ri Almase.

KOLOSE 2:9

Saba' sikuanna nurie' ammari ri Almase iamo intu lalang tappa kasara,

KOLOSE 3:4

Ampa Almase, tua'jari injo tallasa'ta, kajanjangang sallo', injo manna kau kajanjangang surang Ia lalang rikala'birang.

IBRANI 7:25

Kanara injomo, Ia akkulle todo'i appakasangka' kasalamakang risikuanna tau nupatteteang ri Ia ambattu mange ri Allataala. Saba' Ia tulusu attallasai laa'jari petteteang ri iyai.

IBRANI 9:8

Ri atorang innimo Nyaha Tangkasa lapappiissekangi ma'nassana pa'lalangang mange ri tampa' tangkasa injo gelepai ta'bungkara, ampa rie' juapai kema makase're injo.

1 PETRUS 1:21

Patteteang ri Iamo kau tappa' mange ri Allataala. Allataala maeng injo lapakaattallasai muliang Ia battu rikamateang na maeng appakala'biri ri Ia, sa'genna katappakammu na pattajalliammu a'ma'ra' mange ri Allataala.

1 PETRUS 2:4

Ambattuimoko mange ri Ia, ri batu attallasa injo, numaeng ripela' ri rupatau, mingka ripile na rikangalikangi ri a'rakanna Allataala.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.

1 YAHYA 1:8

Ampa ditte appau ma'nassana tide' kadorakaanta, injo ribura-burai kalenta na kanabaang injo tide' lalang ri ditte.

1 YAHYA 2:23

Saba' inai lasangkali Ana', ia gelei ngampunnai Amma. Inai jua ngaku ri Ana', ia ngampunnai todo'i Amma.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.

1 YAHYA 5:6

Iamo inni Ia tumaeng rie' injo lalang ri ere surang rara, iamo intu Isa Almase, gele sangga surangang ere jua, mingka pole surangang ere na surangang rara. Na Nyaha injomo assa'bi saba' Nyaha injo kanabaang.

2 YAHYA 1:9

Sikuanna tau gele a'ra' ammari lalang riajarang Almase, mingka a'limbangi ansulukang battu ri injo, gelei ngampunnai Allataala. Inai jua tau ammari lalang riajarang injo, ia ngampunnai Amma surang Ana'.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,

PANJANJANNA YAHYA 19:11

Maeng injo kujanjangi ta'bungkara suruga na kajanjangammu sikaju jarang pute. Ia tulabai injo riare'i: ”Tumallang na Tunaba.” Ia assarei hukkungang na a'bundu'i surangang rikaadelang.

PANJANJANNA YAHYA 20:15

Sikuanna tau gele injo rirumpa' arenna ta'ukiri lalang ri kitta' katallasang injo, iamo laripabuang antama' ri api a'bola' injo.

PANJANJANNA YAHYA 22:1

Jari malaeka' injo lapappijanjangangi mae ri nakke balang nungerang injo ere katallasang, nusi'nong assingkamua kristala, na nyo'lo'i ansulu' battu ri pattolonganna Allataala surang ri pattolonganna Ana' Jimbala injo.

PANJANJANNA YAHYA 22:17

Nyaha na bonting bahine injo appau, ”Maeko!” Inai lalangngerei, sibaji'na ia appau, ”Maeko!” Inai tirere, sibaji'na ia battu mae, na inai a'ra' nginung, sibaji'na ia ngallei ere nungerang katallasang gele injo ribajara!

PANJANJANNA YAHYA 3:14

”Ukirilaloi mange ri malaeka' jamaah ri Laodikia: Iamo inni Pau battu ri Tutoje' injo, sa'bi tulusu mallang surang naba, poong battu risikonjo nuripaa'jari ri Allataala:

PANJANJANNA YAHYA 3:7

”Ukirilaloi mange ri malaeka' jamaah ri Filadelfia: Iamo inni Pau battu ri Tutangkasa, Tunaba tulateteng injo konsing kakahasaanna Daud; ampa Ia ambungkara, gele rie' tuakullei latongko'; ampa Ia latongko'i gele rie' tuakkullei labungkarai.