YAHYA 14:2 - Kitta' Passitallikang Bau KAREBA BAJI'

² Ri Saponna AmmangKu lohe tampa' pammariang. Ampa gelei appakonjo, tantu Kupauna mange ri kaui. Saba' Nakke laa'lampa mange konjo laappakasadia tampa' ri kaui.

YAHYA 14:2 Iomraidhean Croise

LUKAS 14:22

Jari lapaui ata injo: Karaeng, apa nuripassuroang injo maeng ngase'mu kugeokang, mingka manna appakonjo rie' juapa tampa' pattolongang.

YAHYA 13:33

Oe ana'-ana'Ku, so'di'kalemamo hattungKu larie' ri kaui. Kau laa'bojai ri Nakke, na assimpole numaeng injo Kupau mange risikuanna tau Yahudi: Mange ri tampa' Kumangei injo, geleiko ma'ring labattui, appakonjoi pole rikonni-konnina Kupau todo'i mange ri kaui.

YAHYA 13:36

Appaui Simon Petrus mange ri Isa, ”Karaeng, laantee mae lampaTa?” Appihali Isa, ”Ri tampa' Kumangei injo, geleko akkulle minahang ri Nakke konni-konnina, mingka sallo' kau laminahang ri Nakke.”

YAHYA 14:28

Maengi mulangngeri ma'nassana Nakke maeng appau mange ri kaui: Nakke laa'lampa, mingka Nakke labattu juapa muliang mange ri kaui. So'di injo ngamaseangiko ri Nakke, tantu rannuimmu saba' Nakke a'lampaa mange ri AmmangKu, na Amma la'bi bakkakang battu ri Nakke.

YAHYA 17:24

O Amma, Kukaa'raki solanna, ri antee-tee mae Nakke ammari, ri injo todo'i iyai ammari, iyai tumaeng Mupassareang injo mae ri Nakke, solanna iyai lajanjangi kala'birangKu numaeng Mupassareang injo mae ri Nakke, saba' Kaumo ngamaseang ri Nakke rigelenapa ripaa'jari lino.

PAU-PAUWANNA SIKONJO SURO-SURO 9:16

Nakkemo laappijo'jo' mange ri ia, lasanna' lohena kasissaang nuparallu lauppa rikanara arengKu.”

2 KORINTUS 5:1

Saba' kambe taisse'i ma'nassana ampa sapo iamo intu tubu tampa' pammarianta ri lino inni riroka, Allataala maeng appakasadiamu se're tampa' pammarianta ri suruga, se're tampa' pammariang mannannungang, nugele limanna rupatau inni a'bua'.

1 TESALONIKA 5:9

Saba' Allataala geleki latantuang lalataba pangukuki ri Allataala, mingka languppa kasalamakang patteteang ri Isa Almase, Karaengta,

TITUS 1:2

na asituru' pattajalliang languppa tallasa mannannungang numinang ripakaramulana jammang maemmu lasapattaang Allataala na Ia gelei ma'ring laa'bura-bura.

IBRANI 11:10

Saba' ia attajang-tajangi kota nurie' pallanggana, nurinaha-naha surang nuripaenteng ri Allataala.

IBRANI 13:14

Saba' ri inni ditte tide' riampunnai kota a'jannang; ditte a'bojaki kota nularie' injo.

IBRANI 6:20

Isa maengmu antama' ri tampa' injo assimpole se're pauluang mae ri ditte, rihattunna Ia a'jari Imang Bakka' sa'genna situli-tulinna, assituru' atoranna Melkisedek.

IBRANI 9:8

Ri atorang innimo Nyaha Tangkasa lapappiissekangi ma'nassana pa'lalangang mange ri tampa' tangkasa injo gelepai ta'bungkara, ampa rie' juapai kema makase're injo.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,

PANJANJANNA YAHYA 21:2

Nakke anjanjang todo'a kota tangkasa, Yerusalem bau, turung battu ri Suruga, battu ri Allataala, nuribelo-beloi assingkamua bonting bahine nulapamakeang ballo injo bura'nenna.

PANJANJANNA YAHYA 3:12

Inai jua ambeta, ia laKupaa'jari benteng poong lalang ri Sapo Tangkasa'na AllataalaKu, na ia gelemu laansulu' battu ri injo; na mange ri ia Kuukirii arenna AllataalaKu, arenna kota AllataalaKu, iamo intu Yerusalem bau, nuturung battu ri Suruga nubattu ri AllataalaKu, na Kuukirangi areng bauKu.

PANJANJANNA YAHYA 3:21

Inai jua ambeta, ia Kupatolong assurang Nakke rate ri kadera pattolongangKu, appaanteekamua Nakke maeng ambeta na attolong assurangang AmmangKu rate ri kadera pattolonganNa.