YAHYA 14:11 - Kitta' Passitallikang Bau KAREBA BAJI'

¹¹ Tappa'moko mae ri Nakke ma'nassana Nakke lalang ri Amma na Amma lalang ri Nakke; iyareka ampa gele, tappakimoko rikanara jama-jamaang injo.

YAHYA 14:11 Iomraidhean Croise

YAHYA 10:38

mingka ampa Nakke anggeokang na geleiko a'ra' tappa' mae ri Nakke, tappa'moko rijama-jamaang injo, solanna akkulle muisse' na mupahang ma'nassana Amma lalang ri Nakke na Nakke lalang ri Amma.”

YAHYA 5:36

Mingka ri Nakke rie' se're passa'bi nula'bi paralluang battu ripassa'bina Yahya, iamo intu sikonjo jama-jamaang lapassareangi Amma mae ri Nakke, solanna Kugeokang. Jamaang injomo Kugeokang konni-konnina, na iamo injo assare passa'bi ri Nakke ma'nassana Amma assuro ri Nakke.

YAHYA 10:25

Isa lapihalii pakkuta'nannai, ”Maemmu Kupau mange ri kaui, mingka geleko tappa'; jama-jamaang Kugeokang injo lalang arenNa AmmangKu, iamo injo assare passa'bi mae ri Nakke,

YAHYA 14:10

Gele juapako tappa' ma'nassana Nakke lalang ri Amma na Amma lalang ri Nakke? Apa Kupau mange ri kau, gele Kupau battu ria'ra' kale-kaleKu to'jua, mingka Amma, Tuammari injo ri Nakke, Iamo anggeokang rijama-jamaanNa.

PAU-PAUWANNA SIKONJO SURO-SURO 2:22

Oe kau tau Israele, pilangngeri pau inni: Isa tau battu injo ri Nazaret iamo tau maeng ritantuang ri Allataala na ripappisa'biangi mange ri kau lalang risikonjo kagassingang na kajariang numasagala surang tanra numara'-maraeng nulageokang Allataala patteteang lalang ri Ia ritangnga-tangngamui, assimpole numuisseki injo.

IBRANI 2:4

Allataalamo lapakajarre'i passa'binai surangang tanra-tanra na lohe kajariang nugele samara surang lohe pole rupanna tanra kahasa na passare ri Nyaha Tangkasa, Ia lapa'dahu-dahuangi assituru' ria'ra'Na.

YAHYA 10:32

Appaui Isa mange ri iyai, ”Lohe jama-jamaang baji' assala'na battu ri AmmangKu maeng Kupappijanjangang mange ri kaui; makala jama-jamaang anteeang kale rinuleho injo lapassabakiko a'ra' ambunduki batu mae ri Nakke?”

YAHYA 14:20

Rihattu injomo kau lamuisse'i ma'nassana Nakke lalang ri AmmangKu na kau lalang ri Nakke na Nakke lalang ri kau.