YAHYA 14:10 - Kitta' Passitallikang Bau KAREBA BAJI'

¹⁰ Gele juapako tappa' ma'nassana Nakke lalang ri Amma na Amma lalang ri Nakke? Apa Kupau mange ri kau, gele Kupau battu ria'ra' kale-kaleKu to'jua, mingka Amma, Tuammari injo ri Nakke, Iamo anggeokang rijama-jamaanNa.

YAHYA 14:10 Iomraidhean Croise

YAHYA 10:30

Nakke na Amma nuse're.”

YAHYA 10:38

mingka ampa Nakke anggeokang na geleiko a'ra' tappa' mae ri Nakke, tappa'moko rijama-jamaang injo, solanna akkulle muisse' na mupahang ma'nassana Amma lalang ri Nakke na Nakke lalang ri Amma.”

YAHYA 11:26

na sikuanna tau attallasa na tappa'i mae ri Nakke, gele lamate sitarrusu'na. Tappa' juako ripassala inni?”

YAHYA 12:49

Saba' Nakke appa-pau gele nubattu ri kalengKu to'jua, mingka nubattu ri Amma, Tuassuro injo ri Nakke, iamo assuro ri Nakke laappala'bang apa nuparallu Kupau surang Kupabattu.

YAHYA 14:11

Tappa'moko mae ri Nakke ma'nassana Nakke lalang ri Amma na Amma lalang ri Nakke; iyareka ampa gele, tappakimoko rikanara jama-jamaang injo.

YAHYA 14:20

Rihattu injomo kau lamuisse'i ma'nassana Nakke lalang ri AmmangKu na kau lalang ri Nakke na Nakke lalang ri kau.

YAHYA 14:24

Inai jua gele ngamaseang mae ri Nakke, ia gelei laturuki pauKu; na pau mulangngere injo gele nubattu ri Nakke, mingka nubattu ri Amma Tuassuro injo ri Nakke.

YAHYA 17:8

Saba' sikuanna pau nuRipabattu injo mae ri Nakke maemmu Kupabattu mange ri iyai na maemmu latarimai. Iyai injo laisse'i ma'nassana Nakke rie' battu ri Ditte na iyai tappa'i ma'nassana Dittemo assuro ri Nakke.

YAHYA 3:2

Ia mange laurang assijanjang Isa rihattu bangngina, na lakua, ”Guru, kambe taisse'i ma'nassana Kau rie' battu mae assimpole guru risuro ri Allataala; saba' gele rie' tau akkulle appaa'jari tanra-tanra assimpole numupaa'jari injo, ampa gelei larurung Allataala.”

YAHYA 5:17

Mingka Ia appaui mange ri iyai, ”AmmangKu anjamai sa'genna allo inni, jari Nakke anjama todo'.”

YAHYA 5:19

Jari appihali Isa mange ri iyai, ”Sitoje'na Nakke appau mange ri kaui, Ana' tide' pakkullena laanjama se're passala battu ri kalenNa to'jua, ampa Ia gele lajanjang ta'ra jamana AmmanNa; saba' apa nulajama Amma, injo todo' lajama Ana'.

YAHYA 7:16

Appihali Isa mange ri iyai, ”AjarangKu gele nubattu ripangisse' kale-kaleKu jua, mingka nubattu ri Tuassuro injo ri Nakke.

YAHYA 8:28

Jari appaui Isa, ”Ampa kau appakala'biri Ana' Rupatau, injo ampamu muisse' ma'nassana Nakkemo inni na ma'nassana Nakke gelea a'bua' kale-kale battu ri kalengKu to'jua, mingka Nakke a'bisara risikonjo passala, anteekamua nulapangajarang injo Amma mae ri Nakke.

YAHYA 8:38

Apa Kujanjang ri Amma, iamo injo Kupau, na appakonjo todo'i mugeokangi passala apa mulangngere battu ri ammammu.”

YAHYA 8:40

Mingka konni-konnina kaui a'naha-naha Nakke lamuhunoi; se're tau appau kanabaang mange ri kau, iamo intu kanabaang Kulangngere injo battu ri Allataala; jama-jamaang appakonjo injo gelei lajama Abraham.

PAU-PAUWANNA SIKONJO SURO-SURO 10:38

iamo intu passala'na Isa battu ri Nazaret. Anteekamua Allataala labarakkaki Isa ri Nyaha Tangkasa na kahasa, Ia, tua'lingka-lingka injo mange-mange ampai a'geo' baji' na appakagassingi risikuanna tau lakahasai Ibilisi, saba' Allataala minahang ri Ia.

2 KORINTUS 5:19

Saba' lalang ri Almase, Allataala lapassidameangi lino inni surang kalenNa nagele larekeng kasalaannai na Ia maeng lapassareangi kareba pa'dameang injo mae ri kambe.

KOLOSE 1:19

Saba' sikonjo nurie' ri Allataala ammarii lalang ri Ia,

KOLOSE 2:9

Saba' sikuanna nurie' ammari ri Almase iamo intu lalang tappa kasara,

1 YAHYA 5:7

Saba' rie' tallu nuassare passa'bi lalang ri suruga: Amma, Pau na Nyaha; na talluiya injo nuse're.