YAHYA 13:5 - Kitta' Passitallikang Bau KAREBA BAJI'

⁵ maeng injo Ia niri'i ere antama' risibatu talle na pakaramulamu labissai bangkeng suroNa ampai lalu'lu' kaeng lapaarre' injo ri aja'Na.

YAHYA 13:5 Iomraidhean Croise

LUKAS 7:38

Ammarrangi na mangei ammenteng ribokona Isa riampi' bangkenNa, ere matanna lapabissai ri bangkenna Isa na uhu'na lapalu'lu', maeng injo lahau bangkenNa ampai laminnyaki ri minnya' hondu laerang injo.

LUKAS 7:44

Riassailena mange ri bahine injo, appaui Isa mange ri Simon, ”Mujanjangi tau bahine inni? Nakke antama' ri sapommu, mingka gelea musare ere pambissai ri bangkengKu, mingka ia labissai bangkengKu ri ere matanna na uhu'na lapalu'lu'.

YAHYA 13:10

Appaui Isa mange ri ia, ”Inai jua ampa maemmu anrio, ia gelemu parallu ribissai kalenna poleang passangadinna bangkennamamo ribissai, saba' ia tangkasamu sibatu batangkale. Kau pole tangkasamoko, mingka gelepa ngase'ia.”

YAHYA 13:6

Jari larapi'mu mange ri Simon Petrus. Appaui Simon Petrus mange ri Ia, ”Karaeng, ngura Ditte a'ra'i Ribissai bangkengku?”

YAHYA 13:8

Appaui Petrus mange ri Ia, ”Ditte gele laminang ribissai bangkengku situlusu'na.” Appihali Isa, ”Ampa Nakke gele ambissai ri bangkemmu, geleko nguppa dahuang lalang ri Nakke.”

YAHYA 19:34

mingka rie' ri tantara injo latobo'i poke la'beNa, jari ansulu'mu rara surang ere.

PAU-PAUWANNA SIKONJO SURO-SURO 22:16

Konni-konnina ngura bata-bata juapako? Ammentengko, passareangi kalemmu ririo na sikonjo kadorakaammu ritangkasi lalang appaumu mange ri arenna Karaeng Isa!

1 KORINTUS 6:11

Rie'mo sikonjo lohena tau ri kaui appakonjo toje' riolo. Mingka maeng mupassareangi kalemmu ribissai, kau maeng tangkasimoko, kaui maeng ripa'naba lalang arenna Karaeng Isa Almase surang lalang areng Nyaha Allataalata.

EFESUS 5:26

lalapakatangkasai, sungka'i maeng injo labissai surangang lario ri ere na pau Allataala,

1 TIMOTIUS 5:10

na toje'i maengi anggeokang jama-jamaang baji', assimpole akkalahaki ana', assare pamminsamboang, ambissai bangkeng ri urang siana' julu katappakang, assare pattulungang mange ri tau tallasa injo lalang ri kakurangang – bodona pau iyai tumaeng injo lapake hattunna lappaanggeokang baji'.

IBRANI 10:22

Injomo saba'na, maeki mange ri Allataala surangang ati lambusu na katappakang jarre', kanara atita maeng ritangkasimu battu ri ati daa injo sipa'na na batangkalenta maeng ribissaimu surangang ere si'nong.

1 YAHYA 1:7

Mingka ampa ditte tallasa lalang risinara assimpole Ia rie' lalang risinara, injo ditte nguppaki passe're-se'reang surangang tau maraeng, na rarana Isa, Ana'Na injo, laappakatangkasa ri ditte battu risikonjo kadorakaang.

1 YAHYA 5:6

Iamo inni Ia tumaeng rie' injo lalang ri ere surang rara, iamo intu Isa Almase, gele sangga surangang ere jua, mingka pole surangang ere na surangang rara. Na Nyaha injomo assa'bi saba' Nyaha injo kanabaang.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,

PANJANJANNA YAHYA 7:14

Nakke appau ri ia: ”Karaengku, karaeng ditte riisse'i.” Jari appaui pole mae ri nakke, ”Iyai inni sanging tulappasamo battu rikamarasaiang bakka'; na iyai maemmu labissai baju bakka'na na lapakaputei lalang ri rarana Ana' Jimbala.