YAHYA 13:34 - Kitta' Passitallikang Bau KAREBA BAJI'

³⁴ Nakke assare parenta bau mange ri kaui, iamo intu solanna kau assikamaseang; assimpole Nakke ngamaseang mange ri kau appakonjo todo'i kaui intu parallu assikamaseang.

YAHYA 13:34 Iomraidhean Croise

MATIUS 5:44

Mingka Nakke appau mange ri kaui: Kamaseangi balimmu na pangera dowaanglalo iyai tuma'ri'-ma'risi injo ri kaui.

YAHYA 15:17

Iamo inni parentaKu mange ri kaui: Kamaseangi parammu rupatau.”

YAHYA 17:21

solanna iyai ngase' a'jari se're, assimpole Ditte, o Amma, lalang ri Nakke na Nakke lalang ri Ditte, solanna iyai lalang todo'i ri ditte, solanna lino inni tappa'i ma'nassana Dittemo maeng assuro ri Nakke.

ROMA 12:10

Paralluko assikamaseang assimpole urang siana' na assikarioloiko sipakatau.

ROMA 13:10

Pangamaseang inni gele a'bua' nudaa mange riparanta rupatau, kanara injomo pangamaseang intu panyangkaki hukkung Tora'.

ROMA 13:8

Akolalo kainrangang manna mange ri inai jua, passangadinna kainrangang pangamaseang rise're tau mange ri tau maraeng. Saba' inai jua lakamaseang paranna rupatau, ia maeng sangka'mu ri hukkung Tora'.

GALATIA 5:22

Mingka hassele Nyaha iamo intu: Pangamaseang, karannuang, dame salehangang, kalammorang pa'mai', kabajikang, kamallangang,

GALATIA 5:6

Saba' mange ri tau rie' injo lalang ri Isa Almase passala assunna' iyareka gele assunna' tide' jua battuanganna, sangga katappakang jua anjama rikanara pangamaseang.

GALATIA 6:10

Injomo saba'na, ampa rie' juapa hattu, maemoko a'geo' baji'ko mange risikuanna tau, la'bipa pole mange risikonjo urang siana' julu katappakanta.

GALATIA 6:2

Assisokongiko langerang rierang bera'mu! Ri appakonjona kau minahang ri hukkung Almase.

EFESUS 5:2

na tallasa lalang ripangamaseang, appaanteekamua Isa Almase maeng todo'mu ngamaseang mange ri kaui na maeng lapassareammu kalenNa mae ri ditte assimpole passidakka surang koro'bang hau' ri Allataala.

KOLOSE 1:4

saba' kambe maeng talangngerei katappakammu lalang ri Isa Almase surang passala pangamaseammu mange risikuanna tau tappa',

1 TESALONIKA 3:12

Bisannabali Karaeng lapaa'jariko attamba lohe na kala'bi-la'biang lalang ripangamaseang mange risikuanna tau maraeng, assimpole kambe todo' ngamaseang ri kau.

2 TESALONIKA 1:3

Kambe parallu tulusu appau sukkuru mange ri Allataala kanara kau, Urang siana'. Na toje'i sipato'na appakonjoi, kanara pela' jarre'na katappakammu na passikamaseammu pela' baji'i ritangnga-tangngamui,

IBRANI 13:1

Katutuilalo passikamaseang injo mange riurang siana' julu katappakang!

YAKOBUS 2:8

Mingka ampa kau appalampa hukkung makase're nurie' injo ta'ukiri lalang ri Kitta' Tangkasa: ”Kamaseangi parammu rupatau assimpole mukamaseanna kalemmu”, baji'i injo panggeokammu.

1 PETRUS 1:22

Kanara maennamo mutangkasi kalemmu passabakang tunru' rikanbaang, jari akkulleiko ngamaseang mange ri urang siana' julu katappakammu. Injomo saba'na parallui mupassukku' atimu laassikamaseang.

2 PETRUS 1:7

Na nambai pangamaseang mange risikonjo urang siana' julu katappakang, mange rikatunrukang na nambai pangamaseang mange risikuanna tau na mange ripangamaseang urang siana' julu katappakang.

1 YAHYA 3:11

Saba' iamo inni kareba numaeng mulangngere minang ripakaramulana, iamo intu ma'nassana ditte paralluki assikamaseang;

1 YAHYA 3:23

Na iamo inni passuroanNa: Solanna ditte tappa' ri arenna Isa Almase, Ana'Na, na assikamaseangki assituru' riparenta nulapassareang injo Almase mae ri ditte.

1 YAHYA 4:21

Iamo inni parenta numaeng ritarima injo battu ri Ia: Inai jua ngamaseang ri Allataala, ia parallu todo'i ngamaseang ri urang siana'na.

2 YAHYA 1:5

Na konni-konnina nakke ngera mange ri kau, idong – gele assimpole nakke ngukiri parenta bau mange ri kau, mingka assituru' parenta nurie'mo ri ditte minang ripakaramulana – solanna ditte assikamaseang.