YAHYA 13:18 - Kitta' Passitallikang Bau KAREBA BAJI'

¹⁸ Gele mange ri kaui jua Nakke appau. Kuisse'i, inai maeng Kujo'jo'. Mingka parallui ripa'rupa pau inni: Tau lakanre injo rotiKu, laangka'mu kantunu'na mae ri Nakke.

YAHYA 13:18 Iomraidhean Croise

MATIUS 10:36

na balinna tau inni iamo intu tau assinna saponna.

MATIUS 26:21

Rihattunna attangnga juapa nganrei, appaui Isa, ”Sitoje'na Nakke appau mange ri kaui, sala se'renna ri kau intu lalapassareanga.”

MATIUS 26:23

Appihali Isa, ”Ia tau assurang injo Nakke lalapaloma karameng limanna naung ri kembokang inni, iamo lalapassareanga.

MARKUS 14:17

Sungka'i bangngimo, rie'mu Isa surang sampulo injo rua suro-suroNa.

MARKUS 14:18

Rihattu attolonna ri injo na attangngamu nganre, appaui Isa, ”Sitoje'na Nakke appau mange ri kaui, rie' sitau rikaui intu lalapassareanga, iamo intu ia tunganre injo surangang Nakke.”

MARKUS 14:20

Appaihali Isa, ”Tau injo iamo intu sala se'renna battu ri kau ri tusampulo inni rua, ia lalapalomai roti lalang ri mangko' panganreangKu.

LUKAS 22:21

Mingka, janjangi, limanna tau lalapassareang injoa, rie'i assurangki ri mejang inni.

YAHYA 13:21

Sungka'na maemmo Isa appau appakonjo Ia sarro lannasa'na, ampai assa'bi, ”Sitoje'na Nakke appau mange ri kaui, rie' se're tau ri kaui intu lalapassareanga.”

YAHYA 13:22

Assitangarimu suroNa, bentere ngase'mu inai are lakuangang Isa.

YAHYA 13:26

Appihali Isa, ”Iamo tuKusare injo roti, ampa maemmu Kupaloma ri mangko'.” Sungka'i maeng appau appakonjo Ia lapalomamu roti injo, ampai laalle na lapassareangi mange ri Yudas, ana'na Iskariot.

YAHYA 15:16

Gele kau anjo'jo' ri Nakke, mingka Nakkemo anjo'jo' ri kaui. Nakke maeng Kutantuangiko, solanna a'lampako na lohe buamu na tulusu pambuamu, solanna apa jua muerai mange ri Amma lalang ri arengKu, Ia lapassareangi mange ri kaui.

YAHYA 15:19

So'di injo kau battu ri lino inni, tantu lakamaseangimmu lino assimpole se're anunna. Mingka kanara kaui gele battu ri lino inni, mingka Nakke maeng Kujo'jokiko battu ri lino inni, injomo saba'na lino inni liking ri kaui.

YAHYA 15:25

Mingka pau nuta'ukiri injo lalang Kitta' Tora'na parallui ripa'rupa: Iyai likingi mae ri Nakke manna tide' jua pa'lalanganna.

YAHYA 17:12

Rihattu assurangingKu juapa, Kupiara ngase'i lalang arenTa numaeng Ripassareang injo mae ri Nakke; maeng Kujagai ngase'i jari gele rie' manna se're tau battu ri iyai lamate passangadinna tumaeng injo jua ritantuang lamate, solanna ripa'rupa nuta'ukiri injo lalang ri Kitta' Tangkasa.

YAHYA 18:32

Appakonjomu a'ra'na solanna ripa'rupa pauna Isa, nulapau injo rihattu lapappiissekanna anteekamua ta'ranna Ia lamate.

YAHYA 19:24

Injomo saba'na a'bisaraimu, ”Andai ripolong-polong a'jari sikura dahuang, mingka bajikangangi rigorong mamoi barang inai akkulle lauppai.” Appakonjomu injo a'ra'na solanna ripa'rupa nuta'ukiri injo lalang ri Kitta' Tangkasa, ”Iyai lapa'dahu-dahuangi pakeangKu ritangnga-tangnganai na iyai lapanggorongangi baju bakka'Ku.” Passala injo maeng lageokangi tantara injo.

YAHYA 19:36

Saba' a'jari passala injo, solanna ripa'rupai nuta'ukiri injo lalang ri Kitta' Tangkasa, ”Gele rie' buku-bukunna laritepo'.”

YAHYA 21:17

Makapintallunnamo Isa appau mange ri ia, ”Simon, ana'na Yahya, apa ngamaseang juako mae ri Nakke?” Pa'risimu nyahana Petrus saba' pintallummu Isa appau mange ri ia: ”Apa ngamaseang juako mae ri Nakke?” Na ia appaui mange ri Ia, ”Karaeng Ditte Riisse'i sikuanna, Ditte Riisse'i ma'nassana nakke ngamaseang ri Ditte.” Appaui Isa ri ia, ”Katuhoi jimbala'Ku.

YAHYA 6:70

Appihali Isa mange ri suroNa, ”Gelejua Nakkemo anjo'jo' ri kaui tusampulorua inni? Mingka, sala se'renna ri kaui intu Ibilisi.”

PAU-PAUWANNA SIKONJO SURO-SURO 1:16

”Oe urang siana', pauna Kitta' Tangkasa inni parallui ripa'rupa nulapabattu la'bi riolo injo Nyaha Tangkasa lapattetei babana Daud risesena Yudas, ponggahana risikuanna tau lajakkali injo Isa.

PAU-PAUWANNA SIKONJO SURO-SURO 1:2

sa'genna ri allo tarangka'Na mange ri Suruga. Rigelenapa injo Ia maeng lapabattui passuroanNa ri Nyaha Tangkasa mange risikonjo suro lajo'jo' injo.

2 KORINTUS 4:5

Saba' gele kalemba tapappiissekang, mingka Isa Almase iamo Karaeng, na kalemba assimpole atammu kanara ria'ra'na Almase.

IBRANI 4:13

Gele rie' manna se're mahallo' ta'lengu' ri a'rakanNa, saba' sikuanna assolara na tassungke ri a'rakang matanNa numange ri Ia ditte parallu assare tanggongjawa'.

PANJANJANNA YAHYA 2:23

Manna ana'-ana'na pole Kuhuno ngase' na laisse'i sikonjo jamaah ma'nassana Nakkemo nyo'ri bateng surang atina ri rupatau na ma'nassana Nakke laa'balasa mange ri kau para assituru' ripanggeokammu.