YAHYA 13:14 - Kitta' Passitallikang Bau KAREBA BAJI'

¹⁴ Jari ampa Nakke, Karaeng na Gurummu, ambissai bangkemmu, jari kaui pole parallu assibissai bangkeng;

YAHYA 13:14 Iomraidhean Croise

YAHYA 11:2

Maria iamo intu bahine maeng injo laminnayaki bangkenna Karaeng battu ri minnya' mur na uhu'na lapalu'lu'; Lazarus tau garring injo iamo intu uranna siana'.

PAU-PAUWANNA SIKONJO SURO-SURO 20:35

Lalang riiangase'na maeng kusareko ja'bangang ma'nassana rianjama appakonjomo ditte akkulleki assare sokongang mange risikuanna tau lamma injo na parallui riu'rangi pau-pauNa Karaeng Isa, saba' Ia maengi lapau, ”La'bi rannuangi assare intu na lanarima injo.”

ROMA 12:10

Paralluko assikamaseang assimpole urang siana' na assikarioloiko sipakatau.

ROMA 12:16

Paralluko a'julu akkala pikkirang lalang ritallasa'mu; akolalo mupikkiri sikonjo passala langkasa, mingka pa'batu pikkirammu mange risikonjo passala appaantee jua kamua. Akolalo rapangi kalemmu sara'de'!

1 KORINTUS 12:3

Injomo saba'na, nakke laappakajarre' ri kau ma'nassana gele rie' manna se're tau appau-pau kanara Nyaha Allataala, akkulle appau, ”Laallelalo pua Isa!” na gele rie' manna se're tau ampa tide' Nyaha Tangkasa akkulle ngaku: ”Isa injo Karaeng.”

1 KORINTUS 8:13

Injomo saba'na, ampa kanre injo laa'jari batu patatto'roang ri urang siana' julu katappakangku, nakke gelema langanre assi binantang situlusu'na, solanna nakke gelea a'jari batu patatto'roang ri urang siana' julu katappakangku.

2 KORINTUS 10:1

Nakke, Paulus, nulapau tau: se're tugele barani ampa assia'rakangki, mingka baranii ampa nakke derea battu ri kau, nakke appiu'rangi mange ri kaui passabakang ri Almase tulumu nyaha na baji' pa'mai'na.

2 KORINTUS 8:9

Kanara maeng muissekinnamo barakka' Karaengta Isa Almase ma'nassana manna injo Ia kalumannyangi, rikanaramui Ia a'jari kaasi-asi, solanna kau a'jari kalumannyang rikanara kaasi-asiNa.

GALATIA 5:13

Urang siana', toje'i kaui maeng rikeo' lalaloasa. Mingka andalalo kau pattuju kalaloasaang injo assimpole sa'la' hattu rikatallasang lalang rikadorakaang, mingka assijampangilaloko lalang ripangamaseang.

FILIPI 2:11

na sikonjo baba laakui, ”Isa Almasemo Karaeng,” ri appakonjona ripakala'biri Allataala, Amma!

1 TIMOTIUS 5:10

na toje'i maengi anggeokang jama-jamaang baji', assimpole akkalahaki ana', assare pamminsamboang, ambissai bangkeng ri urang siana' julu katappakang, assare pattulungang mange ri tau tallasa injo lalang ri kakurangang – bodona pau iyai tumaeng injo lapake hattunna lappaanggeokang baji'.

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

1 PETRUS 4:1

Jari, kanara Almase maeng sissa batangkale, kau pole parallu todo' mupakasadia kalemmu surangang pikkirang appakonjo. Inaimo maeng risissa batangkalenna, ia ammono'mu anggeokang kadorakaang.

1 PETRUS 5:5

Appakonjo todo'i, oe kau taruna intu, tunru'laloko mange risikuanna tau toa. Na kau ngase', pakatunalalo kalemmu battu rise're tau mange ri tau maraeng, saba': ”Allataala labaliangi tau tampo intu, mingka assarei barakka' pangamaseang mange ri tau tuna injo atina.”