YAHYA 12:41 - Kitta' Passitallikang Bau KAREBA BAJI'

⁴¹ Passala inni ripaui ri Yesaya, saba' ia maeng lajanjammu kala'biranNa na maemmu pole lapau-pau passala'na Ia.

YAHYA 12:41 Iomraidhean Croise

LUKAS 24:27

Jari laseseimu Isa mange ri iyai nuta'ukiri injo passala ri Ia lalang risikonjo Kitta' Tangkasa, pakaramula battu ri Kitta'na Musa surang sikonjo kitta' nabbi-nabbi.

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 14:9

Appaui Isa mange ri ia, ”Sallomuki assurang-surang Filipus, mingka kau gelepai muisse? Inai jua maeng anjanjang ri Nakke, injo ia maemmu lajanjang Amma; anteekamua kau appau: Pijo'jokiangkang Amma injo mae ri kambe.

YAHYA 5:39

Kau musalidiki sikonjo Kitta' Tangkasa, saba' pa'ngare'mu ma'nassana lalang ri injo languppaiko tallasa mannannungang, mingka manna appakonjo iangase'na Kitta' Tangkasa injo assare passa'bi mae ri Nakke,

PAU-PAUWANNA SIKONJO SURO-SURO 10:43

Passala'namo Ia sikonjo nabbi assare sa'bi ma'nassana inai tappa' mange ri Ia, languppai pangampungang kadorakaang ripassabakang arenNa.”

2 KORINTUS 4:6

Saba' Allataala maengi appau, ”Battu lalang rikalammang laambassi' sinara!”, Ia todo' labua'i sinara'Na assau lalang ri atita, solanna ditte nguppa sinara battu ripangisse' passala kala'birang Allataala nukajanjangang injo ri rupanna Almase.

IBRANI 1:3

Isamo appatillo' ri sau kala'birang Allataala na ja'bangang parie'na Allataala nutoje' injo na lasalanggai sikuanna nurie' patteteang ripauNa nurassi kahasa. Sungka'i a'maemmo lageokang panangkasi kadorakaang, Ia attolommu risa'ri kananNa Tukaminang Bakka' injo, na ri tampa' kaminang la'biri,

1 PETRUS 1:11

Iyai pole maressa sikuraiya hattu na anteeang lakuangang ri Nyaha Almase, nurie' lalang ri iyai. Nyaha injomo assa'ra laassa'bi ripassala sikuanna kasissaang nulalataba injo Almase na sikuanna passala kala'birang numinahang rimaennamo a'jari.

PANJANJANNA YAHYA 19:10

Nakke pole joppa' ri a'rakang bangkenna lanyomba ri ia, mingka ia appau mae ri nakke, ”Akomo appanggeokang appakontu! Nakke inni ata, assimpole kau surang sikonjo urang siana' julu katappakammu, turie' injo passa'bina ripassala'na Isa. Sombai Allataala! Saba' passa'bi battu ri Isamo intu lapakaakkullei tau inni anjanjang ripassala allo riboko.”