YAHYA 12:1 - Kitta' Passitallikang Bau KAREBA BAJI'

¹ Annangallo rigelenapa Pa'lappasang, ambattumu Isa mange ri Betania, tampa' pammarianna Lazarus tumaeng injo lapakaattalasa muliang Isa battu rikamateang.

YAHYA 12:1 Iomraidhean Croise

MATIUS 21:17

Maeng injo Ia labokoi ngase'mu na a'lampai ansulukang kota mange ri Betania na a'bangngi ri injo.

MARKUS 11:11

Riambattunamo ri Yerusalem, antama'i Isa ri Sapo Allataala. Ri injo Ia laparessai iangase'na, mingka kanara labangngimu, Ia ansulu'i na mange ri Betania surang sampuloiya rua suro-suroNa.

LUKAS 24:50

Maeng injo Isa laurangii ansulu' battu ri kota Yerusalem sa'genna seppa' ri Betania. Ri injo Ia laangka'i limanNa na lasare ngase'i barakka'.

LUKAS 7:37

Ri kota injo rie' bahine daa geo'na. Sungka'i lalangngere bahine injo ma'nassana Isa rie'i nganre ri saponna tau Farisi injo, mangemu konjo ngerang sibuli-buli minnya' hondu.

YAHYA 11:1

Rie' se're tau attangngai garring, arenna Lazarus, battu ri Betania, desa pamarianna Maria surang uranna siana', Marta.

YAHYA 11:43

Rimaenna appau appakonjo a'nga'ngarai Isa lalang risa'ra bakka', ”Lazarus, ansulu'moko mae!”

YAHYA 11:44

Ansulu' toje'i Lazarus, bangkeng surang limanna ta'ka'ba' juapai kaeng balasung na rupanna ta'roko' juapai kaeng. Appaui Isa mange ri iyai, ”Pasalai kaeng rie' injo ri kalenna na lappasangi a'lampa.”

YAHYA 11:55

Rihattu injo seppa'mu allo Pa'lappasanna tau Yahudi inni na lohemo tau battu ri kamponnai a'lampa mange ri Yerusalem lalatangkasi kalenna ri gelenapa allo Pa'lappasang injo.

YAHYA 12:12

Rimintara'na mae rihattu lohena tau battu lamange assua'-suara ri Pa'lappasang injo lalangngere ma'nassana Isa rie'mu attangnga lalang lamange ri Yerusalem,

YAHYA 12:20

Ri iyai tua'lampa injo lassambajang ri allo pa'lappasang, rie' todo' sikura tau Yunani.

YAHYA 12:9

Sibageang bakka' tau Yahudi allangngere ma'nassana Isa rie'i konjomange na mange ngase'i konjo gele sangga kanara Isa jua, mingka pole lalajanjangi Lazarus, tumaeng injo lapakaattallasa muliang Isa battu rikamateang.