YAHYA 11:43 - Kitta' Passitallikang Bau KAREBA BAJI'

⁴³ Rimaenna appau appakonjo a'nga'ngarai Isa lalang risa'ra bakka', ”Lazarus, ansulu'moko mae!”

YAHYA 11:43 Iomraidhean Croise

MARKUS 4:41

Jari pela' mallakimu na lakuai, ”Inai sitoje'na tau inni, na manna anging surang ere tamparang la'ba inni turu' mange ri Ia?”

YAHYA 11:42

Kuisse'i ma'nassana Kau sanging appilangngeri ri Nakke, mingka rikanara tau lohe ammenteng injo risiappuKu inni, Nakkemo appau, solanna tappa' ngase'i ma'nassana Kaumo maeng assuro ri Nakke.”

YAHYA 11:44

Ansulu' toje'i Lazarus, bangkeng surang limanna ta'ka'ba' juapai kaeng balasung na rupanna ta'roko' juapai kaeng. Appaui Isa mange ri iyai, ”Pasalai kaeng rie' injo ri kalenna na lappasangi a'lampa.”

YAHYA 12:1

Annangallo rigelenapa Pa'lappasang, ambattumu Isa mange ri Betania, tampa' pammarianna Lazarus tumaeng injo lapakaattalasa muliang Isa battu rikamateang.

YAHYA 12:9

Sibageang bakka' tau Yahudi allangngere ma'nassana Isa rie'i konjomange na mange ngase'i konjo gele sangga kanara Isa jua, mingka pole lalajanjangi Lazarus, tumaeng injo lapakaattallasa muliang Isa battu rikamateang.

PAU-PAUWANNA SIKONJO SURO-SURO 3:12

Sungka'i lajanjang passala injo Petrus, ia appaui mange ri tau lohe injo, ”Oe tau Israele, ngura ta'bangkaiko ripassala kajariang injo na ngura mujanjang assimpole kambemo tapaa'jari tau inni akkulle a'lingka kanara kahasa iyareka kalambusanna to'jua atiba?

PAU-PAUWANNA SIKONJO SURO-SURO 3:6

Mingka appaui Petrus, ”Bulaeng surang salaka tide' ri nakke, mingka apa nurie' ri nakke, kupassareangi mange ri kau: Lalang arenna Isa Almase, tau Nasaret injo, ammentengko na a'lingkamoko!”

PAU-PAUWANNA SIKONJO SURO-SURO 9:34

Appaui Petrus mange ri ia, ”Eneas, Isa Almase lapakagassingko; ambaummoko na pakabaji'i patinroammu!” Rihattu injo jua ammentengi tau injo.

PAU-PAUWANNA SIKONJO SURO-SURO 9:40

Mingka Petrus lasuro ngase'i ansulukang, maeng injo ia akkolantu'i ngera dowaang. Maeng injo laa'raki batangkale injo na appaui, ”Tabita, attallasamoko muliang!” Jari labungkaramu matanna Tabita na rihattu lajanjanna Petrus, ia ambaungi ampai attolong.