YAHYA 11:42 - Kitta' Passitallikang Bau KAREBA BAJI'

⁴² Kuisse'i ma'nassana Kau sanging appilangngeri ri Nakke, mingka rikanara tau lohe ammenteng injo risiappuKu inni, Nakkemo appau, solanna tappa' ngase'i ma'nassana Kaumo maeng assuro ri Nakke.”

YAHYA 11:42 Iomraidhean Croise

MATIUS 26:53

Iyareka pa'ngare'mu ma'nassana Nakke gelea akkulle a'nga'ngara mange ri AmmangKu, solanna Ia lassiri assuro la'bi loheang battu ri sampulo injo rua bakkalang malaeka'Na lattulung ri Nakke?

YAHYA 11:22

Mingka manna konni-konnina kuisse'i ma'nassana Allataala laassare mange ri Ditte risikuanna nuriera injo mange ri Ia.”

YAHYA 11:31

Sungka'i tau Yahudi lohe assurangi injo Maria ri sapo injo latimporongi, lajanjangi ma'nassana Maria lassiri ammenteng na a'lampai ansulukang, lapinahangimu, saba' pa'ngare'nai ma'nassana ia a'lampai lamange ri kuburu apparau ri injo.

YAHYA 11:43

Rimaenna appau appakonjo a'nga'ngarai Isa lalang risa'ra bakka', ”Lazarus, ansulu'moko mae!”

YAHYA 12:11

saba' kanara iamo nalohe tau Yahudi a'boko ri iyai na tappa'i mange ri Isa.

YAHYA 12:17

Jari assa'bimu tau lohe tuassurang-surang injo Isa rihattunna lakeo' Lazarus ansulukang battu ri kuburu na lapakaattallasai muliang battu rikamateang.

YAHYA 17:21

solanna iyai ngase' a'jari se're, assimpole Ditte, o Amma, lalang ri Nakke na Nakke lalang ri Ditte, solanna iyai lalang todo'i ri ditte, solanna lino inni tappa'i ma'nassana Dittemo maeng assuro ri Nakke.

YAHYA 17:25

O Amma kaminang adele, toje'i lino inni geleKi laisse', mingka Nakke ngisse' ri Ditte, na iyai inni laisse'i ma'nassana Dittemo maeng assuro ri Nakke;

YAHYA 17:8

Saba' sikuanna pau nuRipabattu injo mae ri Nakke maemmu Kupabattu mange ri iyai na maemmu latarimai. Iyai injo laisse'i ma'nassana Nakke rie' battu ri Ditte na iyai tappa'i ma'nassana Dittemo assuro ri Nakke.

YAHYA 20:31

mingka sikonjo passala inni maemmu riukiri, solanna kaui tappa' ma'nassana Isamo intu Almase, Ana' Allataala, na solanna kanara tappa', kau nguppa tallasa lalang ri arenNa.

YAHYA 3:17

Saba' Allataala lapassareangi Ana'Na antama' mae ri lino inni gele laassare hukkungang ri assinna lino inni, mingka solanna ripakasalama'i patteteang ri Ia.

YAHYA 8:16

na ampa Nakke appassala, injo nabai ta'rangKu appassala, saba' Nakke gele kale-kalengKu, mingka suranga Amma Tuassuro injo ri Nakke.

YAHYA 8:29

Ia, Tumaeng assuro injo ri Nakke, minahangi ri Nakke. Ia gelea lalappasang akkale-kale, saba' Nakke tulusu Kugeokangi apa nubaji' ri a'rakanNa.”

YAHYA 8:42

Appaui Isa mange ri iyai, ”Ampa pade' Allataala ammammu, tantu ngamaseammu mae ri Nakke, saba' Nakke battu ri Allataala, na konni-konnina Nakke rie' ri inni. La'bipa pole Nakke rie' mae konni gele ria'ra' kale-kaleKu to'jua, mingka a'ra'namo Tuassuro injo ri Nakke.

ROMA 8:3

Saba' apa nugele ma'ring lageokang hukkung Tora' kanara tide' pakkullena ria'ra' rupatau, maeng lageokammu Allataala. Rilasurona Ana'Na a'jari assimpole rupatau doraka, na lallappasi kadorakaang, Ia maeng assaremu hukkungang mange rikadorakaang rie' injo lalang ri rupatau inni,

GALATIA 4:4

Mingka sungka'i ganna'mu hattunna, injo Allataala lasuro Ana'Na turianakang injo battu rise're bahine na tunru'i mange ri hukkung Tora'.

IBRANI 5:7

Lalang tallasa'Na assimpole rupatau, Ia appassidakka dowaang surang pangera lalang riparau na ere mata mange ri Allataala, tuakkulle injo lapakasalama'i battu rikamateang, na kanara rikalambusanna Ia maeng ripilangngerimu.

IBRANI 7:25

Kanara injomo, Ia akkulle todo'i appakasangka' kasalamakang risikuanna tau nupatteteang ri Ia ambattu mange ri Allataala. Saba' Ia tulusu attallasai laa'jari petteteang ri iyai.

1 YAHYA 4:14

Na kambe maeng anjanjang surang assa'bi ma'nassana Amma maeng assuro ri Ana'Na laa'jari Pappakasalama'na lino inni.