YAHYA 11:25 - Kitta' Passitallikang Bau KAREBA BAJI'

²⁵ Appihali Isa mange ri ia, ”Nakkemo patteteang tallasa muliang surang katallasang; inai jua tappa' mae ri Nakke, ia laattallasai manna maemmu mate,

YAHYA 11:25 Iomraidhean Croise

LUKAS 23:43

Lakua Isa mange ri ia, ”Sitoje'na Nakke appau ri kau, allo innimo kau assurangki lalang ri Suruga.”

YAHYA 1:4

Lalang ri Ia rie' tallasa na tallasa injo assare sinara ri rupatau inni.

YAHYA 14:19

Gelemu lasallo lino inni nagelema lajanjang, mingka kau lamujanjangia, saba' Nakke laattallasa na kaui pole laattallasa.

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 3:36

Inai jua tappa' mange ri Ana', languppai tallasa mannannungang, mingka inai jua gele tappa' mange ri Ana', ia gele laanjanjang tallasa, passangadinna hukkunganna Allataala tulusu larie' ri ia.”

YAHYA 5:21

Saba' assimpole Amma appakaambaung sikuanna tau mate na lapakaattallassai muliang, appakonjo todo'i Ana' lappakaattallasa inai jua Ia lakaa'raki.

YAHYA 5:26

Saba' assimpole Amma rie' tallasa lalang ri kalenNa, appakonjo todo'i rilasareanNa Ana' rie' tallasa lalang ri kalenNa.

YAHYA 6:35

Appaui Isa mange ri iyai, ”Nakkemo roti assare katallasang; inai jua battu mae ri Nakke, ia gelemu laminang pa're muliang, na inai jua tappa' mae ri Nakke, ia gelemu laminang tirere muliang.

YAHYA 6:44

Gele rie' manna sitau akkulle battu mae ri Nakke, ampa ia gele ribeso' ri Amma tuassuro injo ri Nakke, na ia laKupakaattallasai ri allo kala'busang.

PAU-PAUWANNA SIKONJO SURO-SURO 3:15

Kauimo maeng muhunoi pappoonganna katallasang inni, mingka Allataala lapakaattallasai muliang Isa battu risikuanna tau mate; na ripassala injo kambemo sa'bi.

ROMA 4:17

assimpole rie' ta'ukiri: ”Kaumo maeng Kutantuang laa'jari amma risikuanna tau” – ri a'rakanna Allataala nulakatappaki injo, iamo intu Allataala appakaattallasa injo tau mate na battu risikonjo pauNa lapaa'jari iangase'na apa nutide' a'jari rie'i.

ROMA 8:2

Saba' hukkung Nyaha Tangkasa nuassare injo tallasa maeng lapakalappasako battu ri hukkung kadorakaang na hukkung kamateang lalang ri Almase.

1 KORINTUS 15:18

Ri appakonjona mate ngase' todo'i sikuanna tau mate lalang ri Almase.

1 KORINTUS 15:29

Ampa gelei appakonjo, apamo matu-matunna panggeokang tau ririo injo ri tau mate? Ampa tau mate injo gelejuai ripakaattallasa, ngura iyai ririo ri tau maeng mate?

2 KORINTUS 4:14

Saba' kambe taisse'i ma'nassana Allataala, tumaeng lapakaattallasa injo Karaeng Isa, injo kambe lalapakaattallasa todo' assurangang Isa. Allataala todo'mo lalapassia'rakangkang surangang kau mange ri kalenNa.

FILIPI 1:23

Nakke ripapilea battu ri rua passala: Nakke a'ra'a a'lampa na ammari assurangang Almase – injo toje'i la'bi baji' ri nakke;

FILIPI 3:10

Nukuminasai iamo intu tappa' mange ri Ia surang nguppa kahasa riattallasa'-Na muliang na passamaturukang lalang rikasissaan-Na, na anteekamua akkullea assimpole Ia lalang rikamatean-Na,

1 TESALONIKA 4:14

Saba' ampa tappa'ki ma'nassana Isa maeng matemu na maemmu attallasa muliang, injo ditte tappa' todo'ki ma'nassana patteteang ri Isa, Allataala lalaparappungki surangang Isa, iyai tumaeng injomo mate laammari surangang Ia.

PANJANJANNA YAHYA 1:18

na Tuattallasa. Nakke maemma mate, mingka janjangimu, Nakke attallasa, sa'genna situli-tulinna na Nakkemo neteng sikonjo konsing kamateang surang pakkaraenganna kamateang.

PANJANJANNA YAHYA 20:5

Mingka tau mate maraeng injo gelei laattallasa muliang rigelenapa la'busu hattu sisa'bu injo taung. Iamo inni attallasa muliang makase're.

PANJANJANNA YAHYA 21:4

Ia lalu'lu'i sikonjo ere mata battu ri matannai na latide'mo kamateang; latide' tommo kapa'risang, iyareka parau, iyareka pa'risi rikamateang, saba' nuriolo injo allalo ngase'mu.”

PANJANJANNA YAHYA 22:1

Jari malaeka' injo lapappijanjangangi mae ri nakke balang nungerang injo ere katallasang, nusi'nong assingkamua kristala, na nyo'lo'i ansulu' battu ri pattolonganna Allataala surang ri pattolonganna Ana' Jimbala injo.

PANJANJANNA YAHYA 22:17

Nyaha na bonting bahine injo appau, ”Maeko!” Inai lalangngerei, sibaji'na ia appau, ”Maeko!” Inai tirere, sibaji'na ia battu mae, na inai a'ra' nginung, sibaji'na ia ngallei ere nungerang katallasang gele injo ribajara!