YAHYA 10:4 - Kitta' Passitallikang Bau KAREBA BAJI'

⁴ Ampa sikonjo jimbala'na maeng laerang ngase'mu ansulukang, ia a'lingkai rioloanganna na sikonjo jimbala'na minahangi ri ia, saba' iyai laisse'i sa'ranna.

YAHYA 10:4 Iomraidhean Croise

MATIUS 16:24

Maeng injo appaui Isa mange ri ana'-ana' gurunNa, ”Ampa rie' se're tau a'ra' minahang ri Nakke, parallui lasangkali kalenna, lasompo salli'na na minahangi ri Nakke.

YAHYA 10:16

Mingka rie' todo' jimbala maraeng nugele battu ri bara inni; jimbala injo parallu todo'i Kuerang na iyai lapilangngeri todo'i sa'rangKu na iyai injo laa'jari se're bakkalang bakka' na se'rejua pakalahakinna.

YAHYA 10:27

Sikuanna jimbala'Ku lapilangngeri sa'rangKu na Kuisse' ngase'i na minahang ngase'i ri Nakke,

YAHYA 10:3

Pajaga injo lapambungkarangi babaang na sikonjo jimbala laisse'i sa'ranna na ia lakeo' tasse're-se'rei jimbala'na assituru' arenna na laerangi ansulukang.

YAHYA 10:5

Mingka tau bungasa injo mange tantumu gelena minahangi, mingka allari ngase'i battu ri tau injo, saba' sa'ranna tau maraeng injo gele laisseki.”

YAHYA 10:8

Sikuanna tau rie' rigeleKupa rie', iamo palukka' na parampo', na jimbala injo gele lapilangngeri sa'rannai.

YAHYA 12:26

Inai jua anjampangi ri Nakke, ia parallui minahang ri Nakke na ri anteea mae rie' ri injomu pajampangingKu laammari. Inai jua anjampangi ri Nakke, ia ripakala'biri ri Amma.

YAHYA 13:15

saba' Nakke maemma assare se're pinahangang mange ri kaui, solanna mugeokangi todo'i assimpole numaeng Kugeokang injo mange ri kaui.

YAHYA 18:37

Jari akkuta'nangi pole Pilatus mange ri Ia, ”Jari Kau intu Karaeng?” Pappihalinna Isa, ”Kaumo appau ma'nassana Nakkemo Karaeng. Kanaranamo injo Nakke rilaherang na passabakang injo pole Nakke rie' antama' mae ri lino inni, solanna Nakke assare passa'bi passala rikatojekang; sikuanna tau battu rikatojekang lapilangngeri pauKu.”

YAHYA 3:29

Tungampunnai bonting bahine, iamo intu bonting bura'ne; mingka bahaanna bonting bura'ne injo ammentengi riampi'na na lapilangngeri, sukku' te'nena appilangngeri sa'ra bonting bura'ne injo. Iamo injo kukate'nei, na konni-konnina sangka'i kate'neangku.

1 KORINTUS 11:1

Pinahangi panggeokangku, assimpole todo' nakke minahang ri panggeokanna Almase.

EFESUS 5:1

Injomo saba'na, assimpole ana'-ana' turikamaseang, pinahang baji'i Allataala

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 6:20

Isa maengmu antama' ri tampa' injo assimpole se're pauluang mae ri ditte, rihattunna Ia a'jari Imang Bakka' sa'genna situli-tulinna, assituru' atoranna Melkisedek.

1 PETRUS 2:21

Saba' iamo injo rikeokangko, saba' manna Almase maeng sissa todo'i tujummu na maengi ambokoi pinahangang ri kau, solanna kau minahang rita'ra tallasa'Na.

1 PETRUS 4:1

Jari, kanara Almase maeng sissa batangkale, kau pole parallu todo' mupakasadia kalemmu surangang pikkirang appakonjo. Inaimo maeng risissa batangkalenna, ia ammono'mu anggeokang kadorakaang.

1 PETRUS 5:3

Andalaloko anggeokang assimpole kalena kau marenta ri iyai turipassareang injo mange ri kau, mingka sibaji'na kau a'jari pinahangang ribakkalanna jimbala injo.