YAHYA 10:3 - Kitta' Passitallikang Bau KAREBA BAJI'

³ Pajaga injo lapambungkarangi babaang na sikonjo jimbala laisse'i sa'ranna na ia lakeo' tasse're-se'rei jimbala'na assituru' arenna na laerangi ansulukang.

YAHYA 10:3 Iomraidhean Croise

YAHYA 10:14

Nakkemo pakalahaki toje' na Kuisse'i sikonjo jimbala'Ku na sikonjo jimbala'Ku ngisse'i ri Nakke

YAHYA 10:16

Mingka rie' todo' jimbala maraeng nugele battu ri bara inni; jimbala injo parallu todo'i Kuerang na iyai lapilangngeri todo'i sa'rangKu na iyai injo laa'jari se're bakkalang bakka' na se'rejua pakalahakinna.

YAHYA 10:4

Ampa sikonjo jimbala'na maeng laerang ngase'mu ansulukang, ia a'lingkai rioloanganna na sikonjo jimbala'na minahangi ri ia, saba' iyai laisse'i sa'ranna.

YAHYA 10:9

Nakkemo babaang; inai jua antama' a'molong ri Nakke, ripasalama' na ia lansulu' antama'i surang lanrumpa'i parang ruku' pa'bikukkukang.

YAHYA 6:37

Sikonjo nulapassareang Amma mae ri Nakke laa'rupai ri Nakke, na inai jua battu mae ri Nakke, ia gele laKupela'.

YAHYA 6:45

Rie' ta'ukiri lalang ri kitta'na sikonjo nabbi: Iyai ngase' lariajarai ri Allataala. Sikuanna tau, tumaeng allangngere na appilajara ri Amma, battui mae ri Nakke.

ROMA 8:30

Iyai turitantuang injo ri Allataala minang ripakaramulana, iyai todo'mo rikeo'. Iyai turikeo' injo, iyai todo'mo ripa'naba. Iyai turipa'naba injo ri Allataala, iyai todo'mo ripakala'biri ri Allataala.

1 KORINTUS 16:9

Saba' rie' sa'la' hattungku laanjama jama-jamaang bakka' surang nuparallu, manna injo rie' lohe tau a'bali.

FILIPI 4:3

La'bipa pole, kuera todo'i ri kau, Sunsugos, urang mallangku: Tulungilalo bahine rua injo. Kanara iyai injo maemmu anjama terasa surangang nakke lalang ripappala'bangang Injili, assurang-surangi Klemens na baha'-bahaang sipanjamaangku tumaraeng injo, turie' injo ngase' ta'ukiri lalang ri kitta' katallasang.

KOLOSE 4:3

Pangera dowaang todo'kang, solanna Allataala lapambungkarangkang babaang ripappala'bangamba, jari akkullekang a'bisara ripassala harasiana Almase, nupassabakannamo injo nakke ritarungku.

2 TIMOTIUS 2:19

Mingka poong nulataro injo Allataala sa'ga'i na segele'na iamo intu: ”Karaeng laisse'i inai anunNa” na ”Sikuanna tau lapau injo arenna Karaeng sibaji'na a'bokoi risikonjo sipa' daa.”

1 PETRUS 1:12

Mange risikonjo nabbi maeng ripappiissekangi ma'nassana iyai injo gele sangga kalenna jua lalajampangi. Mingka iyai laanjampangi ri kau lalang ri iangase'na numaeng ripala'bang injomo konni-konnina mange ri kaui patteteang battu ri tau ngerang injo kareba Injili. Iyai injo lapala'bangi kareba injo mange ri kaui patteteang rikahasa Nyaha Tangkasa nurisuro injo battu ri suruga. Na malaeka' injo pole a'ra'i lapiisseki kareba nulapala'bangi injo.

1 YAHYA 4:6

Kambe assala'na battu ri Allataala: Inai jua laisse'i Allataala, ia lapilangngerikang; inai assala'na gele battu ri Allataala, injo ia gelei appilangngeri ri kambe. Iamo injo tanrana Nyaha kanabaang surang nyaha appakalingu.

3 YAHYA 1:14

Nakke tajallia lassiri laassiuppa surangang kau na assiarakangki a'bisara.

PANJANJANNA YAHYA 20:15

Sikuanna tau gele injo rirumpa' arenna ta'ukiri lalang ri kitta' katallasang injo, iamo laripabuang antama' ri api a'bola' injo.

PANJANJANNA YAHYA 3:20

Janjangi, Nakke ammenteng ri a'rakang babaang na akkatto'-katto'; ampa rie' tau lalangngerei sa'rangKu na ambungkarai babaang, Nakke laantama' Kupiuppaii na nganrea surangang ia, na ia assurang Nakke.

PANJANJANNA YAHYA 7:17

Saba' Ana' Jimbala nuattolong ritangnga kadera kakaraengang injo, lalakalahakii na lalaurangi mange ritimbula'na ere katallasang battu ri Allataala lalalu'lu'i sikonjo ere mata battu ri matannai.”