YAHYA 10:16 - Kitta' Passitallikang Bau KAREBA BAJI'

¹⁶ Mingka rie' todo' jimbala maraeng nugele battu ri bara inni; jimbala injo parallu todo'i Kuerang na iyai lapilangngeri todo'i sa'rangKu na iyai injo laa'jari se're bakkalang bakka' na se'rejua pakalahakinna.

YAHYA 10:16 Iomraidhean Croise

MATIUS 17:5

Sikalinna rihattu appauna juapa rie'mo salihu' sinara lakalimbukii na battu lalang ri salihu' sinara injo rie' sa'ra lalangngeri, lakua, ”Innimo Ana' Kukamaseang, mange ri Ia jua Kukarannuang, Iamo pilangngeri.”

LUKAS 15:8

”Iyareka bahine anteeang rie' bulaenna sampulo batunna, na ampa tappela'i sibatu, gele lapappabolakang sulo ampai labarrasa saponna na laboja baji'i sa'genna lauppa?

YAHYA 10:11

Nakkemo pakalahaki toje'. Pakalahaki toje' intu lapassareangi nyahana mange risikonjo jimbala'na;

YAHYA 10:2

mingka inai antama' na babaang lapamolongi, ia intu pakalahaki jimbala.

YAHYA 10:27

Sikuanna jimbala'Ku lapilangngeri sa'rangKu na Kuisse' ngase'i na minahang ngase'i ri Nakke,

YAHYA 10:3

Pajaga injo lapambungkarangi babaang na sikonjo jimbala laisse'i sa'ranna na ia lakeo' tasse're-se'rei jimbala'na assituru' arenna na laerangi ansulukang.

YAHYA 10:4

Ampa sikonjo jimbala'na maeng laerang ngase'mu ansulukang, ia a'lingkai rioloanganna na sikonjo jimbala'na minahangi ri ia, saba' iyai laisse'i sa'ranna.

YAHYA 10:5

Mingka tau bungasa injo mange tantumu gelena minahangi, mingka allari ngase'i battu ri tau injo, saba' sa'ranna tau maraeng injo gele laisseki.”

YAHYA 11:52

na gele sangga bangsa injo jua, mingka lapparappung todo'i na lalapasse'rei ana'-ana' Allataala nuta'bere-bere injo.

YAHYA 17:20

Gele sangga iyai jua inni Kupangera dowaang, mingka pole mange risikuanna tau, tutappa' injo mae ri Nakke sallo' kanara pau-paunai;

YAHYA 6:37

Sikonjo nulapassareang Amma mae ri Nakke laa'rupai ri Nakke, na inai jua battu mae ri Nakke, ia gele laKupela'.

PAU-PAUWANNA SIKONJO SURO-SURO 15:14

Maemmu lalagara Simon ma'nassana ri pakaramulana Allataala lapappijanjangangi barakka'na mange risikuanna bangsa tau maraeng lalang lapilena se're umma' battu ri iyai laa'jari umma'Na.

PAU-PAUWANNA SIKONJO SURO-SURO 18:10

Saba' Nakke minahang ri kau na gele rie' manna se're tau laseruko na lalasissako, saba' lohe umma'Ku ri kota inni.”

PAU-PAUWANNA SIKONJO SURO-SURO 22:14

Jari lakuamo: Allataalana puwa-puwata maeng lapattantuko lappiisseki rinulakaa'raki injo, laanjanjang Tunaba na laallangngere sa'ra ansulu' injo battu ri babaNa.

ROMA 11:25

Urang siana', solanna kau andai murapang kalemmu sara'de', kukaa'raki solanna kau muisse'i harasia inni: Sibageang battu ri Israele maeng a'jari terasa atimu sa'genna lohemo tau maraeng antama'.

2 TESALONIKA 2:13

Mingka kambe parallu latulusu appanai' sukkuru mange ri Allataala kanara kau, Urang siana', turikamaseang injo ri Karaeng, saba' Allataala minang ripakaramulana maeng lapileiko laripakasalama' patteteang ri Nyaha nuappakatangkasa ri kau na patteteang rikareba baji' battu injo ri Allataala numukatappaki injo.

IBRANI 13:20

Allataala ripatteteang rara passitallikang nutide' injo tappu'na maeng laerangi muliang battu risikuanna tau mate Pakalahaki Bakka' risikonjo jimbala, iamo intu Isa, Karaengta.

1 PETRUS 2:10

Kau, turiolo gele umma' Allataala, mingka konni-konnina maeng a'jarimo umma'Na, nuriolo gele rikamaseang mingka konni-konnina maeng nguppamo pangamaseang.

1 PETRUS 2:25

Saba' riolo linguko assimpole jimbala, mingka konni-konnina maeng muliammoko mange ripakalahaki na pakatuho ri batemmu.

1 PETRUS 5:4

Ampa rie'mu Pakalahaki toje' injo, injo kau lanarima songko' kala'birang nugelemo akkulle panra'.

PANJANJANNA YAHYA 3:20

Janjangi, Nakke ammenteng ri a'rakang babaang na akkatto'-katto'; ampa rie' tau lalangngerei sa'rangKu na ambungkarai babaang, Nakke laantama' Kupiuppaii na nganrea surangang ia, na ia assurang Nakke.