YAHYA 10:15 - Kitta' Passitallikang Bau KAREBA BAJI'

¹⁵ assimpole Amma ngisse'i ri Nakke na Nakke ngisse' ri Amma, na Nakke a'ra'i Kupassareang nyahaKu mange risikonjo jimbala'Ku.

YAHYA 10:15 Iomraidhean Croise

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

MATIUS 20:28

assimpole Ana' Rupatau rie'i mae ri lino gele larijampangi, mingka lanjampangi na lalapassareangi nyahaNa a'jari pallappasi kadorakaang ri tau lohe.”

LUKAS 10:21

Rihattu injo te'ne todo'i Isa lalang Nyaha Tangkasa, na lakua, ”Nakke sukkuru mange ri Kau, Amma, Karaeng ri Suruga na ri lino, saba' iangase'na injo Musa'bui ri tau anralang injo pangisse'na surang mange ri tau sara'de' injo, mingka Mupappiissekangi ri tau ki'di' inni. O Amma, iamo injo nubaji' mange ri Kau.

LUKAS 10:22

Iangase'na injo lapassareammu AmmangKu mae ri Nakke na gele rie' manna se're tau laisse'i, inai riareng Ana' maraenganna Amma, na inai riareng Amma maraenganna Ana' na mange ri tau lakaa'raki injo Ana' ripiissekiangi passala injo.”

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 10:11

Nakkemo pakalahaki toje'. Pakalahaki toje' intu lapassareangi nyahana mange risikonjo jimbala'na;

YAHYA 15:13

Gelemo rie' pangamaseang la'bi bakkakang battu ripangamaseanna inni, iamo intu tau lapa'bisonaang nyahana passabakang ri baha'-bahaanna.

YAHYA 17:25

O Amma kaminang adele, toje'i lino inni geleKi laisse', mingka Nakke ngisse' ri Ditte, na iyai inni laisse'i ma'nassana Dittemo maeng assuro ri Nakke;

YAHYA 6:46

Passala injo gele a'battuang ma'nassana rie' tau maeng anjanjang Amma. Ia jua injo turie' injo battu ri Allataala, Iamo maeng anjanjang Amma.

YAHYA 8:55

sitoje'na Ia gele muisseki, mingka Ia Kuisse'i. Jari ampa Nakke appau: Ia gele Kuisse', Nakkemo pa'buraang, assimpole kaui, mingka Ia Kuisse'i na Kuturuki pauNa.

GALATIA 1:4

tumaeng injo lapassareang kalenNa kanara kadorakaanta, lallappasi ri ditte battu ri lino daa inni sipa'na rikonni-konnina, assituru' a'ra'na Allataala na Ammanta.

GALATIA 3:13

Almase maeng lapakalappasiko battu ripattadeana hukkung Tora' saba' iamo a'jari pattadea mae ri ditte, saba' rie' ta'ukiri: ”Laallelalo pua tau rigojeng injo ri kaju salli'!”

EFESUS 5:2

na tallasa lalang ripangamaseang, appaanteekamua Isa Almase maeng todo'mu ngamaseang mange ri kaui na maeng lapassareammu kalenNa mae ri ditte assimpole passidakka surang koro'bang hau' ri Allataala.

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

1 PETRUS 2:24

Iamo maeng lasompoi kadorakaanta lalang ri kalenNa ri kaju salli', solanna ditte, tumaeng inni mate kanara kadorakaang, attallasa tujunna kanabaang. Passabakang riloko'-loko'Na kau a'jari pia.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.

1 YAHYA 2:2

Iamo appaa'dame mae risikonjo kadorakaanta na gele sangga kadorakaanta jua, mingka kadorakaanna todo' sibatu lino.