YAHYA 1:9 - Kitta' Passitallikang Bau KAREBA BAJI'

⁹ Sinara nusitoje'na, nulalasinari injo sikuanna tau, rie'mu ri lino inni.

YAHYA 1:9 Iomraidhean Croise

MATIUS 6:23

ampa matammu daa sipa'na, kalammangi sibatu batangkalemmu. Jari, ampa sinara rie' injo ri kaui a'jari kalammang, anteemu kamua akkapu'na kalammang injo.

LUKAS 11:36

Ampa sinarai sibatu kalemmu na tide' manna siso'di' nukalammang, jari sinara iangase'na, assimpole ampa sulo lasinariko ri saunna.”

YAHYA 1:4

Lalang ri Ia rie' tallasa na tallasa injo assare sinara ri rupatau inni.

YAHYA 1:7

ia rie'i assimpole se're sa'bi laassare passa'bi ripassala'na sinara injo, solanna patteteang ri iamo sikuanna tau a'jari tappa'.

YAHYA 12:46

Nakke antama' ri lino inni assimpole sinara, solanna sikuanna tau tappa' injo ri Nakke gele ammari rikalammang.

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 15:1

”Nakkemo poong anggoro toje' na AmmangKumo tuanjamana.

YAHYA 6:32

Jari appaui Isa mange ri iyai, ”Sitoje'na Nakke appau mange ri kaui, gele Musa assare ri kau roti Suruga, mingka AmmangKu assare mange ri kau roti toje' battu ri Suruga.

YAHYA 7:12

Ritangnga-tangngana tau lohe injo kalanggerangi bisi'-bisi' ripassala'na Isa. Rie' tau appau, ”Ia tau baji'.” Mingka rie' todo' tau appau, ”Gele, Ia appakalingui lohe tau.”

1 YAHYA 1:8

Ampa ditte appau ma'nassana tide' kadorakaanta, injo ribura-burai kalenta na kanabaang injo tide' lalang ri ditte.

1 YAHYA 2:8

Mingka kuukiri todo'i mange ri kau parenta bau, nunaba lalang ri Ia surang lalang ri kau; saba' lannya'mu nukalammang injo na assaumu sinara toje' injo.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.