YAHYA 1:49 - Kitta' Passitallikang Bau KAREBA BAJI'

⁴⁹ Lakuamo Natanael mange ri Ia, ”Guru, Kau Ana' Allataala, Kaumo Karaeng ri taunna Israele!”

YAHYA 1:49 Iomraidhean Croise

MATIUS 14:33

Sikuanna tau rie' ri lopi nyomba ri Ia, lakua, ”Sitoje'na Kau Ana' Allataala.”

MATIUS 2:2

na akkuta'nangi, ”Ri anteei mae Ia, karaeng tau Yahudi ampa injo rilaherang? Kambe maemmu tajanjang bintoenNa ri Timoro na kambe rie'kang mae lanyomba ri Ia.”

MATIUS 21:5

”Paulalo mange ri ana'rarana Sion: Janjangi, Karaemmu rie'mu mange ri kau, Ia baji' nyaha na a'bai sikaju kaladai damme', na sikaju kaladai longko tekekang.”

MATIUS 23:7

langai todo'i ripakala'biri ri pasara na langai todo'i ampa rikeo'i Guru.

MATIUS 23:8

Mingka kau, akolalo a'ra' rikeo' Guru; saba' se're jua Gurummu na kau ngase' intu assiana'.

MATIUS 27:11

Maeng injo Isa riparapa'i mange ri pamarenta. Pamarenta injo akkuta'nang mange ri Ia, ”Kaumoka karaenna tau Yahudi?” Appihali Isa, ”Kaumo mupaui.”

MATIUS 27:42

”Tau maraeng Ia lapakasalama', mingka kalenNa gele akkulle lapakasalama'! Ampa Ia Karaeng Israele, sibaji'na Ia naung battu risalli' injo, jari tappa'kang mange ri Ia.

MATIUS 4:3

Jari rie'mu tulasso'ri injo na appaui mange ri Ia, ”Saba' Kau Ana' Allataala, parentai solanna batu-batu inni a'jari roti.”

MARKUS 15:32

Baji'mu Almase, Karaenna Israele, naungKo battu ri salli' intu konni-konnina solanna tajanjangi latappa'kang.” Injo pole tau rua uranna Isa risalli' attua-tua appakonjo todo'i.

LUKAS 1:35

Appihali malaeka' injo mange ri ia, ”Nyaha Tangkasa laturung ri kau na kahasa Allataala Tukaminang la'biri injo minahang ri kau; injomo saba'na ana' lamuanakang intu lariare'i tangkasa, Ana' Allataala.

LUKAS 19:38

Lakuaimo, ”Ripakala'birii Turie' injo mae assimpole Karaeng lalang arenna Allatala, dame salehangang ri Suruga na kala'birang ripammarianna Tukaminangang la'biri!”

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 1:34

Nakke maemmu kujanjang na assarea passa'bi: Iamo inni Ana' Allataala.”

YAHYA 1:38

Mingka assailei Isa mae riboko na lajanjangi ma'nassana iyai minahangi ri Ia jari lakuamo mange ri iyai, ”Apa mubojai?” Lakuaimo mange ri Ia, ”Rabbi (battuanganna: Guru), ri anteeKi mae ammari?”

YAHYA 1:50

Appaui Isa, ”Saba' Nakke appau ri kau, Kujanjangko attiolung rahangang poong kaju ara, jari tappa'ko? Kau laanjanjang passala nula'bi bakkakang battu ri injo.”

YAHYA 18:37

Jari akkuta'nangi pole Pilatus mange ri Ia, ”Jari Kau intu Karaeng?” Pappihalinna Isa, ”Kaumo appau ma'nassana Nakkemo Karaeng. Kanaranamo injo Nakke rilaherang na passabakang injo pole Nakke rie' antama' mae ri lino inni, solanna Nakke assare passa'bi passala rikatojekang; sikuanna tau battu rikatojekang lapilangngeri pauKu.”

YAHYA 4:31

Rihattu injo ana'-ana' gurunNa lakeo'i Isa, lakua, ”Guru, nganremuKi.”