YAHYA 1:29 - Kitta' Passitallikang Bau KAREBA BAJI'

²⁹ Rimintara'namo mae Yahya lajanjangi Isa ambattu mange ri ia na lakuamo, ”Janjangimu Ana' jimbala'na Allataala, nulaappakalappasa injo kadorakaang ri lino inni.

YAHYA 1:29 Iomraidhean Croise

MATIUS 1:21

Ia lamana'i ana' bura'ne na kau lamuare'i Ia Isa, saba' Iamo lappakasalama' ri umma'Na battu risikonjo kadorakannai.”

MATIUS 20:28

assimpole Ana' Rupatau rie'i mae ri lino gele larijampangi, mingka lanjampangi na lalapassareangi nyahaNa a'jari pallappasi kadorakaang ri tau lohe.”

YAHYA 1:35

Sungka'i mintara mae Yahya ammentengi pole ri injo assurangi rua ana' gurunna.

YAHYA 1:36

Na rihattu injo lajanjammu Isa lumalo, jari lakuamo, ”Janjangimu Ana' Jimbala'na Allataala!”

YAHYA 1:43

Rimintara'namo mae latappuki Isa laa'lampa mange ri Galilea. Ia assiuppai Filipus na lakua mange ri ia, ”Minahangko ri Nakke!”

YAHYA 2:1

Ri allo makatalluna rie' pa'bontingang ri Kana ri tana Galilea, na idonna Isa rie' todo'i ri injo;

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 4:42

na appau ngasekimu ri tau bahine injo, ”Tappa'makang, mingka gelemo kanara rinumupau-pau injo, saba' kambemo maeng talangngere pauNa na taisse'mu ma'nassana Ia toje'mo Pappakasalama' ri lino inni.”

YAHYA 6:51

Nakkemo roti katallasang numaeng injo turung battu ri Suruga. Ampa rie' se're tau lakanre roti inni, ia languppai tallasa mannannungang, na roti Kupassareang injo iamo intu assingKu, Kupassareang ritallasa'na lino inni.”

PAU-PAUWANNA SIKONJO SURO-SURO 13:39

Na lalang ri Iamo sikuanna tau tappa' ripa'naba.

PAU-PAUWANNA SIKONJO SURO-SURO 8:32

Kitta' nulaaji injo appakonni pauna: Assimpole sikaju jimbala Ia rierang mange ri panyumbeleang; na assimpole ana' jimbala ammottoki ri a'rakang tau lakukkuru injo bulunna, appakonjomu Ia gele labungkara babaNa.

1 KORINTUS 15:3

Saba' nusanna' parallu maeng kupabattu mange ri kaui, iamo intu apa numaeng injo todo' kutarima, iamo intu ma'nassana Almase maeng mate kanara kadorakaanta, assituru' lalang ri Kitta' Tangkasa,

2 KORINTUS 5:21

Ia tugele injo ngisse' doraka Ia maeng ribua'mu a'jari doraka rikanarata, solanna lalang ri Ia ditte ripa'naba ri Allataala.

GALATIA 1:4

tumaeng injo lapassareang kalenNa kanara kadorakaanta, lallappasi ri ditte battu ri lino daa inni sipa'na rikonni-konnina, assituru' a'ra'na Allataala na Ammanta.

GALATIA 3:13

Almase maeng lapakalappasiko battu ripattadeana hukkung Tora' saba' iamo a'jari pattadea mae ri ditte, saba' rie' ta'ukiri: ”Laallelalo pua tau rigojeng injo ri kaju salli'!”

1 TIMOTIUS 2:6

numaeng lapassareang injo kalenNa a'jari pallappasi mange risikuanna rupatau: Inni passa'bi rihattu ritantuang injo.

TITUS 2:14

Iamo maeng lapassareang kalenNa mae ri ditte laappakalappasa ri ditte battu riiangase'na sipa' daa na lapakatangkasaki laa'jari umma'Na, nusanging anggeokang nubaji'.

IBRANI 1:3

Isamo appatillo' ri sau kala'birang Allataala na ja'bangang parie'na Allataala nutoje' injo na lasalanggai sikuanna nurie' patteteang ripauNa nurassi kahasa. Sungka'i a'maemmo lageokang panangkasi kadorakaang, Ia attolommu risa'ri kananNa Tukaminang Bakka' injo, na ri tampa' kaminang la'biri,

IBRANI 2:17

Iamo injo saba'na, lalang risikuanna passala Ia parallui ripassimpole surangang sikonjo urang siana'Na, solanna Ia a'jari Imang Bakka' nuassare pangamaseang na mallang mange ri Allataala laappaa'dame rikadorakaanna umma'.

IBRANI 9:28

appakonjo todo'i Almase pinsikali juai lapa'koro'bangang kalenNa lananggong rikadorakaanna lohe tau. Rimaengna injo Ia lalapappijanjangi pole kalenNa makapinruang, na gelemu lananggong kadorakaang, mingka laassarei kasalamakang mange ri iyai tutajalli injo ri Ia.

1 PETRUS 1:19

mingka surangang rara ka'jala, iamo intu rarana Almase nuassimpole rara ana' jimbala tide' injo daana na tide' sallaanna.

1 PETRUS 2:24

Iamo maeng lasompoi kadorakaanta lalang ri kalenNa ri kaju salli', solanna ditte, tumaeng inni mate kanara kadorakaang, attallasa tujunna kanabaang. Passabakang riloko'-loko'Na kau a'jari pia.

1 PETRUS 3:18

Saba' Almase maeng todo'mu mate sikali kanara kadorakaanta, Ia tunaba tujunna tau gele injo naba, solanna Ia laerangki mange ri Allataala; Ia, tumaeng rihuno injo lalang rikatallasanNa assimpole rupatau, mingka maeng ripakaattallasai muliang lalang ri Nyaha Tangkasa.

1 YAHYA 2:2

Iamo appaa'dame mae risikonjo kadorakaanta na gele sangga kadorakaanta jua, mingka kadorakaanna todo' sibatu lino.

1 YAHYA 3:5

Na kau muisse'i ma'nassana Ia maeng lapappisa'biammu kalenNa, solanna Ia lalu'lu'i sikonjo kadorakaang, na lalang ri Ia gele rie' kadorakaang.

1 YAHYA 4:10

Iamo inni pangamaseang injo: Gele ditte maeng ngamaseang Allataala, mingka Allataala maeng ngamaseang ri ditte na lasuro ana'Na laa'jari pa'dameang mange risikonjo kadorakaanta.

PANJANJANNA YAHYA 1:5

na battu ri Isa Almase, Sa'bi mallang, tukaminang bungasa injo attallasa muliang battu ritangnga-tangngana tau mate na tukahasa risikonjo karaeng rie' ri lino inni. Mange ri Ia, tungamaseang injo ri ditte na tumaeng lalappasang injoki battu rikadorakaanta patteteang raraNa,

PANJANJANNA YAHYA 12:11

Iyai appibetai ri ia patteteang rara Ana' Jimbala, na rikanara pau passa'bi battu ri iyai. Saba' iyai gelei lakarimanangi nyahana sa'genna parallu nga'rakang kamateang.

PANJANJANNA YAHYA 13:8

Sikuanna tau ammari ri lino inni lanyombai ri ia, iamo intu sikuanna tau numinang rikaramulana ripaa'jari lino gelei ta'ukiri arenna lalang ri kitta' katallasang battu ri Ana' Jimbala, tumaeng risumbele injo.

PANJANJANNA YAHYA 14:1

Maeng injo kujanjangi Ana' Jimbala ammenteng ribaho bontona Sion na ammentengi assurang-surangi Ia sibilangang patampulo appa'sa'bu tau na ri linronai rie' ta'ukiri arenNa na areng AmmanNa.

PANJANJANNA YAHYA 14:10

jari ia langinungi anggoro kuku'na Allataala, nuripatalaang tide' leo'na lalang santeng kuku'Na. Ia larisissai ri api surang ri halirang bambang ri a'rakang matanna sikonjo malaeka' tangkasa surang ri a'rakang matanna Ana' Jimbala.

PANJANJANNA YAHYA 14:4

Iyaimo tau gele lapakarammasa kalenna surangang tubahine, saba' iyai tangkasai assimpole ana'rara. Iyaimo tau minahang ri Ana' Jimbala injo antee-tee juai mae Ia a'lampa. Iyai rilappasii battu ritangnga-tangngana rupatau inni assimpole koro'bang ana' lihua mange ri Allataala surang mange ri Ana' Jimbala injo.

PANJANJANNA YAHYA 15:3

Iyai lakelongangi kelonna Musa, atanna Allataala, na kelonna Ana' Jimbala, lakua oninna, ”Bakka'i na gelei samara jamaamMu, o Karaeng, Allataala, Tukaminang kahasa! Adelei na nabai sikonjo pa'lalangamMu, o Karaeng risikonjo bangsa!

PANJANJANNA YAHYA 17:14

Iyaimo laa'bundu' a'bali Ana' Jimbala. Mingka Ana' Jimbala laambeta ri iyai, saba' Iamo kaminang kahasa battu risikonjo tukahasa na Karaeng battu risikonjo karaeng. Iyai tuminahang injo ri Ia laambeta todo'i, iamo intu iyai turikeo', tumaeng ripile na tumallang.”

PANJANJANNA YAHYA 19:7

Mae ngase'ki a'te'ne-te'ne surang a'rannu-rannu, na appakala'biri ri Ia! Saba' larapi'mu hattu pa'bontinganna Ana' Jimbala, na bonting bahineNa sadiamu.

PANJANJANNA YAHYA 19:9

Maeng injo ia appau mae ri nakke, ”Ukirilaloi: Sunggulalo iyai turikeo' injo mange nganre ripa'bontingang Ana' Jimbala.” Lakua pole mae ri nakke, ”Pau inni nabai, pau battu ri Allataala.”

PANJANJANNA YAHYA 21:14

Ri tembo' kota injo rie' sampulorua batu appoong na ri injomo ta'ukiri sampulorua areng suro-suro ri Ana' Jimbala injo.

PANJANJANNA YAHYA 21:27

Mingka gelei laantama' lalang ri injo sikuanna nurammasa na tau anggeokang nurammasa iyareka bura, passangadinna iyai jua tuarenna ta'ukiri lalang ri kitta' katallasanna Ana' Jimbala injo.

PANJANJANNA YAHYA 21:9

Maeng injo rie'mo se're tau battu ri tujuiya malaeka' tuneteng injo tuju santeng, nurassi tujuiya bala kala'busang, na ia appau mae ri nakke, ”Maeko riinni, lakupappijanjangi mange ri kau bonting bahine, iamo intu bahinenna Ana' Jimbala.”

PANJANJANNA YAHYA 5:6

Jari nakke anjanjanga ritangnga-tanngana kadera na appa'iya mahallo' injo na ritangnga-tangngana tutoa-tua injo rie' sikaju Ana' Jimbala ammenteng assimpole numaeng tassumbele, tuju tanru'na na tuju todo' matanna: Iamo injo tujuiya Nyaha Allataala turisuro mange risibatu lino.

PANJANJANNA YAHYA 5:8

Rihattunna Ia laalle kitta' ta'balu' injo, joppa'mu appa'iya mahallo' surang ruampuloiya appa' tutoa-toa ri a'rakanna Ana' Jimbala injo, para netengi se're kasaping na se're santeng bulaeng, assinna rassi dupa: Iamo injo dowaanna sikuanna tau tappa'.

PANJANJANNA YAHYA 6:1

Jari kujanjangi Ana' Jimbala injo laallekkesi numakase're ri tujuiya segele injo, na kulangngerei numakase're battu ri appa'iya mahallo' injo appau lalang sa'ra assimpole gunturu: ”Maeko!”

PANJANJANNA YAHYA 6:16

Appau ngase'i mange risikonjo bonto surang mange risikonjo batu alasa injo: ”Jongko'makang mae na palengu'kang battu ri Ia, tuattolong injo rate kadera na mange rikuku'na Ana' Jimbala injo.”

PANJANJANNA YAHYA 7:14

Nakke appau ri ia: ”Karaengku, karaeng ditte riisse'i.” Jari appaui pole mae ri nakke, ”Iyai inni sanging tulappasamo battu rikamarasaiang bakka'; na iyai maemmu labissai baju bakka'na na lapakaputei lalang ri rarana Ana' Jimbala.

PANJANJANNA YAHYA 7:17

Saba' Ana' Jimbala nuattolong ritangnga kadera kakaraengang injo, lalakalahakii na lalaurangi mange ritimbula'na ere katallasang battu ri Allataala lalalu'lu'i sikonjo ere mata battu ri matannai.”