YAHYA 1:18 - Kitta' Passitallikang Bau KAREBA BAJI'

¹⁸ Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 1:18 Iomraidhean Croise

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

LUKAS 10:22

Iangase'na injo lapassareammu AmmangKu mae ri Nakke na gele rie' manna se're tau laisse'i, inai riareng Ana' maraenganna Amma, na inai riareng Amma maraenganna Ana' na mange ri tau lakaa'raki injo Ana' ripiissekiangi passala injo.”

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 12:41

Passala inni ripaui ri Yesaya, saba' ia maeng lajanjammu kala'biranNa na maemmu pole lapau-pau passala'na Ia.

YAHYA 13:23

Sala se're ri suro injo, iamo intu suro rikamaseang injo ri Ia, assandere riampi'Na, risa'ri kananNa.

YAHYA 14:9

Appaui Isa mange ri ia, ”Sallomuki assurang-surang Filipus, mingka kau gelepai muisse? Inai jua maeng anjanjang ri Nakke, injo ia maemmu lajanjang Amma; anteekamua kau appau: Pijo'jokiangkang Amma injo mae ri kambe.

YAHYA 17:26

na Nakke maemmu Kupappiissekang arenTa mange ri iyai na laKupappiissekang juapai, solanna pangamaseang Ripassareang injo mae ri Nakke rie'i lalang ri iyai na Nakke lalang ri iyai.”

YAHYA 17:6

Nakke maemmu Kupappiissekang arengTa mange risikuanna tau Ripassareang injo mae ri Nakke nubattu injo ri lino. Iyai injo anunTa na maeng Ripassareammu mae ri Nakke na iyai maeng laturuki ngase'i pauTa.

YAHYA 3:11

Sitoje'na Nakke appau mange ri kau, kambe appau-paukang ripassala nutaisse' injo na assa'bikang ripassala numaeng injo tajanjang, mingka kau gele mutarima passa'biba.

YAHYA 6:46

Passala injo gele a'battuang ma'nassana rie' tau maeng anjanjang Amma. Ia jua injo turie' injo battu ri Allataala, Iamo maeng anjanjang Amma.

2 KORINTUS 4:4

iamo intu sikuanna tau gele injo tappa', nupikkiranna maeng ripakabuta ri Ibilisi tukahasana jammang inni, sa'genna gele lajanjangi sinara Injili passala kala'birang Almase iamo ja'banganna Allataala.

KOLOSE 1:15

Almase kajanjangang battu rija'banganna Allataala nugele injo kajanjangang, nulihua, nukaminang parallu battu risikuanna nuripaa'jari,

1 TIMOTIUS 1:17

Somba surang kala'birang sa'genna situlusu'na mange ri Karaeng tide' injo sangganna, Allataala mannannungang, nugele injo kajanjangang surang nutide' ruana! Aming.

1 TIMOTIUS 6:16

Iamo tide' ruana gele tunru' mange rikamateang, ammarii rikasinarang nugele injo akkulle laseppaki rupatau. Gele rie' manna se're tau maeng anjanjang ri Ia na toje'i rupatau inni gelei akkulle anjanjang ri Ia. Mange ri Iamo sombaang na kahasa mannannungang! Aming.

1 YAHYA 4:12

Tide' manna se're tau minang anjanjang Allataala. Ampa assikamaseangki, injo Allataala tulusu rie' lalang ri ditte, na pangamasaeanNa sangka'i lalang ri ditte.

1 YAHYA 4:20

Ampa rie' se're tau appau, Nakke ngamaseang ri Allataala, mingka ia likingi mange ri urang siana' julu katappakanna, injo ia pabura-burai, saba' inai gele ngamaseang ri urang siana'na nukajanjangang injo, gelei ma'ring ngamaseang ri Allataala nugele injo kajanjangang.

1 YAHYA 4:9

Lalang ripassala innimo pangamaseanna Allataala ripappisa'biang ritangnga-tangngata, iamo intu ma'nassana Allataala maeng lasuromu Ana' sitau-tauNa antama' mae ri lino inni, solanna ditte attallasa rikanaraNa.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.