YAHYA 1:17 - Kitta' Passitallikang Bau KAREBA BAJI'

¹⁷ Saba' hukkung Tora' ripassareangi patteteang ri Musa, mingka lasareki barakka' na katojekang nubattu ri Isa Almase.

YAHYA 1:17 Iomraidhean Croise

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 18:37

Jari akkuta'nangi pole Pilatus mange ri Ia, ”Jari Kau intu Karaeng?” Pappihalinna Isa, ”Kaumo appau ma'nassana Nakkemo Karaeng. Kanaranamo injo Nakke rilaherang na passabakang injo pole Nakke rie' antama' mae ri lino inni, solanna Nakke assare passa'bi passala rikatojekang; sikuanna tau battu rikatojekang lapilangngeri pauKu.”

YAHYA 5:45

Ako sala pa'ngare' ma'nassana Nakkemo lamaressa ri kau ri a'rakanna Amma; tulamaressa injo mange ri kau iamo intu Musa, ya Musa tumange injoko ri ia appabora pattajalliang.

YAHYA 7:19

Gelejua Musa maengi assare hukkung Tora' mange ri kau? Mingka gele rie' manna se're tau ri kau lageokangi hukkung Tora' injo. Ngura Nakke muparri-parri a'ra' lamuhunoi?”

YAHYA 8:32

na kaumo langisse' kanabaang, na kanabaang injomo lapakalappasiko.”

YAHYA 9:29

Kambe taisse'i ma'nassana Allataala maengi appaui mange ri Musa, mingka passala'na Ia injo kambe gele taisse' battu ri antee mae assala'na.”

PAU-PAUWANNA SIKONJO SURO-SURO 28:23

Jari appattantumu se're allo laassijanjangi Paulus. Ri allo injo rie' ngasekimu a'rurung-rurung sibakkalang bakka' mange ripa'bangngianna. Ia lasesei na assa'bi mange ri iyai passala Pakkaraengang Allataala; na assituru' hukkung Musa na kitta'na sikonjo nabbi ia lapakkulle-kulleangi lalapakatappaki ripassala'na Isa. Passala injo pakaramula ngesala sa'genna karahie'.

PAU-PAUWANNA SIKONJO SURO-SURO 7:38

Musa innimo a'jari patteteang lalang ripa'rappunganna jamaah injo ri parang luara battu ri malaeka' appau injo mange ri ia ri Bonto Sinai na ri puwa-puwata; na iamo maeng narima sikonjo pau attallasa nulapabattu injo mae ri ditte.

ROMA 6:14

Saba' kadorakaang gelemu lakahasa muliang ri kaui, saba' gelemoko rie' lalang ri hukkung Tora', mingka lalang ribarakka' pangamaseang.

2 KORINTUS 1:20

Saba' ri Almasemo ”laioang” sikonjo sapattana Allataala. Injomo saba'na rikanara Ia ditte appau ”Aming” laappakala'biri Allataala.

GALATIA 3:17

Nukukuangang iamo intu: Sapatta nuriolomo maeng riassaang ri Allataala, gelei akkulle ribute ri hukkung Tora', nuampa rie' patambilangang tallumpulo taung ribokoanganna mae, jari sapatta injo tide' kagasinganna.

IBRANI 9:22

Na laa'biringi iangase'na ritangkasi assituru' hukkung Tora' surangang rara, na ampa tide' rara ammatti' gele rie' pangampungang.