YAHYA 1:14 - Kitta' Passitallikang Bau KAREBA BAJI'

¹⁴ Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:14 Iomraidhean Croise

MATIUS 1:16

Yakub laanakangi Yusuf bura'nenna Maria, tulalaherang injo Isa turiare' injo Almase.

LUKAS 2:11

Allo inni laheremu Pappasalama'mu, iamo intu Almase, Karaeng Allataala, ri kota Daud.

LUKAS 2:7

na ia mana'i se're ana' bura'ne, ana' lihuana, jari laroko'i karampue na lapatinro ri tampa' panganreang binantang, kanara geleinna nguppa tampa' ri sapo sehaang.

LUKAS 9:32

Rihattu injo kara'rakangi Petrus surang uranna na rihattu nya'ringinna lajanjangimu Isa lalang rikala'biranNa: na tau rua injo ammentengi riampi'Na.

YAHYA 1:1

Ri pakaramulana rie' Pau; Pau injo rie'i ri Allataala na Pau injomo Allataala.

YAHYA 11:40

Lakuamo Isa, ”Gelejua maemmu Kupau mange ri kau: Ampa tappa'ko lamujanjangi kala'biranna Allataala?”

YAHYA 14:6

Appaui Isa ri ia, ”Nakkemo patteteang surang kanabaang na tallasa. Gele rie' manna se're tau akkulle ambattu mange ri Amma, ampa gele attete ri Nakke.

YAHYA 14:9

Appaui Isa mange ri ia, ”Sallomuki assurang-surang Filipus, mingka kau gelepai muisse? Inai jua maeng anjanjang ri Nakke, injo ia maemmu lajanjang Amma; anteekamua kau appau: Pijo'jokiangkang Amma injo mae ri kambe.

YAHYA 17:22

Maeng Kupassareammu mange ri iyai kala'birang numaeng Ripassareang injo mae ri Nakke, solanna iyai a'jari se're, assimpole ditte nuse're:

YAHYA 17:24

O Amma, Kukaa'raki solanna, ri antee-tee mae Nakke ammari, ri injo todo'i iyai ammari, iyai tumaeng Mupassareang injo mae ri Nakke, solanna iyai lajanjangi kala'birangKu numaeng Mupassareang injo mae ri Nakke, saba' Kaumo ngamaseang ri Nakke rigelenapa ripaa'jari lino.

YAHYA 18:37

Jari akkuta'nangi pole Pilatus mange ri Ia, ”Jari Kau intu Karaeng?” Pappihalinna Isa, ”Kaumo appau ma'nassana Nakkemo Karaeng. Kanaranamo injo Nakke rilaherang na passabakang injo pole Nakke rie' antama' mae ri lino inni, solanna Nakke assare passa'bi passala rikatojekang; sikuanna tau battu rikatojekang lapilangngeri pauKu.”

YAHYA 2:11

Passala injo lapaa'jari Isa ri Kana ri tana Galilea, na iamo inni pakaramula lapaa'jari battu risikonjo tanraNa na ri appakonjona Ia lapappijanjangammu kala'biranNa na ana'-ana' gurunNa tappa'i mange ri Ia.

YAHYA 3:16

Saba' pammate lakamaseanNa Allataala assinna lino inni, sa'genna Ia lapassareammu Ana' sitau-tauNa, solanna sikuanna tau tappa' mange ri Ia gele lamate tulusu, mingka nguppai tallasa mannannungang.

YAHYA 3:18

Inai jua tappa' mange ri Ia, ia gele larihukkung; inai jua gele tappa', injo ia rie'mu lalang hukkungang, saba' ia gele tappa' mange ri Ana' sitau-tauna Allataala.

YAHYA 6:51

Nakkemo roti katallasang numaeng injo turung battu ri Suruga. Ampa rie' se're tau lakanre roti inni, ia languppai tallasa mannannungang, na roti Kupassareang injo iamo intu assingKu, Kupassareang ritallasa'na lino inni.”

YAHYA 8:32

na kaumo langisse' kanabaang, na kanabaang injomo lapakalappasiko.”

PAU-PAUWANNA SIKONJO SURO-SURO 13:33

maeng ripa'rupamu ri Allataala mae ri ditte, tuina, rilapakaattallasa'na muliang Isa, assimpole rie' ta'ukiri lalang ri Zaburu makarua: Kaumo Ana'Ku! Nakkemo a'jari AmmamMu allo inni.

ROMA 8:3

Saba' apa nugele ma'ring lageokang hukkung Tora' kanara tide' pakkullena ria'ra' rupatau, maeng lageokammu Allataala. Rilasurona Ana'Na a'jari assimpole rupatau doraka, na lallappasi kadorakaang, Ia maeng assaremu hukkungang mange rikadorakaang rie' injo lalang ri rupatau inni,

ROMA 9:5

Iyaimo tui pappuwa-puwaang, tuappaturung injo Almase lalang ri tui rupatau, nurie' risikuanna. Iamo Allataala nuparallu ripakabakka' situli-tulinna. Aming!

1 KORINTUS 15:47

Rupatau pakaramula injo assala'na nubattu ri limpurang tana na assipa' rupatau kasarai, rupatau makarua injo assala'na battu ri suruga.

2 KORINTUS 12:9

Mingka pappihalinna Karaeng mae ri nakke, ”Ganna'mu barakka'Ku mange ri kau, saba' lalang rikalammaammu a'jari sangka'i kahasaKu.” Injomo saba'na, nakke la'bi kungai a'bangga-bangga lalang rikalammaangku, solanna kahasa Almase naung ri nakke.

GALATIA 4:4

Mingka sungka'i ganna'mu hattunna, injo Allataala lasuro Ana'Na turianakang injo battu rise're bahine na tunru'i mange ri hukkung Tora'.

EFESUS 3:8

Mae ri nakke, tukaminang daa inni risikuanna tau tappa', maeng ripassareang pangamaseang inni, laappala'bang mange risikuanna tau gele injo Yahudi kakalumannyanganna Almase, nugele injo risanna-sanna.

KOLOSE 1:19

Saba' sikonjo nurie' ri Allataala ammarii lalang ri Ia,

KOLOSE 2:3

saba' lalang ri Iamo tassa'bu sikonjo kasara'dekang surang pangisse'.

KOLOSE 2:9

Saba' sikuanna nurie' ammari ri Almase iamo intu lalang tappa kasara,

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

IBRANI 1:3

Isamo appatillo' ri sau kala'birang Allataala na ja'bangang parie'na Allataala nutoje' injo na lasalanggai sikuanna nurie' patteteang ripauNa nurassi kahasa. Sungka'i a'maemmo lageokang panangkasi kadorakaang, Ia attolommu risa'ri kananNa Tukaminang Bakka' injo, na ri tampa' kaminang la'biri,

IBRANI 1:5

Saba' Allataala gelei minang appau mange risikonjo malaeka', ”Kaumo Ana'Ku! Kau a'jari Ana'Ku allo inni? na Nakke laa'jari AmmanNa, na Ia laa'jari Ana'Ku?”

IBRANI 10:5

Injomo saba'na, rihattunna Ia antama' mae ri lino, Ia lapaui, ”Koro'bang na passidakka Kau gelei mukaa'raki – mingka Kau appakasadia batangkale mae ri nakke.

IBRANI 2:11

Saba' Isamo appakatangkasa na iyai ripakatangkasa, sikuanna nubattu ri Se're; iamo injo saba'na Isa gelei siri' laare' iyai injo urang siana',

IBRANI 5:5

Appakonjo todo'i Almase gele kalenNa to'jua lapakala'biri lalang a'jarina Imang Bakka', mingka Ia ripakala'birii ri Allataala tuappau injo mange ri Ia, ”Kaumo Ana'Ku! Kau a'jari Ana'Ku allo inni”,

1 YAHYA 4:14

Na kambe maeng anjanjang surang assa'bi ma'nassana Amma maeng assuro ri Ana'Na laa'jari Pappakasalama'na lino inni.

1 YAHYA 4:9

Lalang ripassala innimo pangamaseanna Allataala ripappisa'biang ritangnga-tangngata, iamo intu ma'nassana Allataala maeng lasuromu Ana' sitau-tauNa antama' mae ri lino inni, solanna ditte attallasa rikanaraNa.

2 YAHYA 1:7

Saba' lohe pappalingu maeng ammumba na a'lampai mange lapila'bangi sibatu lino, tugele ngaku ma'nassana Isa Almase maemmu rie' assimpole rupatau. Iamo injo tuappalingu na balinna Almase.

PANJANJANNA YAHYA 19:13

Ia makei baju bakka' numaeng riramme lalang ri rara na arenNa iamo intu: ”Pau Allataala.”

PANJANJANNA YAHYA 21:3

Maenna injo allangngerea sa'ra bakka' battu ri pattolongang kakaraengang injo lakua, ”Janjangimu, kema Allataala rie'i, ritangnga-tangngana rupatau na Ia laassurang-surang ngase'i ammari. Iyai laa'jari umma'Na na Allataalamo lalapinahangi, na laa'jari Allataala ri iyai.