YAHYA 1:10 - Kitta' Passitallikang Bau KAREBA BAJI'

¹⁰ Ia rie'mu lalang ri lino inni na lino inni ripaa'jari kanara ri Ia, mingka Ia gelei riisse' ri lino inni.

YAHYA 1:10 Iomraidhean Croise

MATIUS 11:27

Iangase'na maeng ripassareangi mae ri Nakke battu ri AmmangKu na gele rie' manna se're tau laisse'i Ana' maraenganna Amma, na gele rie' manna se're tau laisse'i Amma maraenganna Ana' na ri tau numange ri ia Ana' injo a'ra' lapappiissekang.

YAHYA 1:11

Ia rie'i mange rianunNa, mingka sikuanna tau anunNa gele latarima.

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 1:3

Iangase'na Ia appaa'jari na ampa gele kanara ri Ia tide' nua'jari manna se're risikuanna numaeng injo ripaa'jari.

YAHYA 1:5

Sinara injo assau rikalammang na kalammang injo gele akkulle ambeta.

YAHYA 17:25

O Amma kaminang adele, toje'i lino inni geleKi laisse', mingka Nakke ngisse' ri Ditte, na iyai inni laisse'i ma'nassana Dittemo maeng assuro ri Nakke;

YAHYA 5:17

Mingka Ia appaui mange ri iyai, ”AmmangKu anjamai sa'genna allo inni, jari Nakke anjama todo'.”

PAU-PAUWANNA SIKONJO SURO-SURO 14:17

mingka Ia gele lakaluppai rilapappiissekanna kalenNa lohe rupanna panggeokang baji', iamo intu appaturungi bosi battu ri langi' na assare hattu-hattu baji' mange ri kaui. Ia lapakabaji' kasia'na nyahamu battu ri kanre surang karannuang.”

1 KORINTUS 1:21

Saba' gelena laisse' Allataala, lino inni ripassabakang kasara'dekanna to'jua, jari Allataala assituru' pangisse'Na a'ra'i lapakasalama' iyai tutappa' injo ri kareba Injili, nularapang injo kaba'gaang ri lino inni.

1 KORINTUS 2:8

Gele rie' battu ri tukahasana lino inni akkulle laisse'i pangisse' inni, saba' so'di iyai laisse'i gelei lasalli' Karaeng la'biri injo.

1 KORINTUS 8:6

mingka mae ri ditte se're jua Allataala, iamo intu Amma, iangase'na nubattu ri Ia na mange ri Ia tallasa'ta, na se're jua Karaeng, iamo intu Isa Almase, nupatteteang ri Ia sikuanna maeng ripaa'jari na kanara ri Ia ditte nguppa tallasa.

KOLOSE 1:16

saba' lalang ri Iamo sikuanna maeng ripaa'jari, nurie' ri suruga surang nurie' ri lino, nukajanjangang surang nugele kajanjangang, baji' injo kadera kakaraengang surang pakkaraenganna, baji' injo pamarenta, iyareka tukahasa injo; sikuanna Ia jua appaa'jari na sikuanna ripaa'jari ritujunNa.

IBRANI 11:3

Kanara katappakang ditte riisse'i ma'nassana lino inni maeng ripaa'jari battu ripauna Allataala, jari apa nukajanjangang maeng ripaa'jarimu battu rinugele kajanjangang.

1 YAHYA 3:1

Janjangimu, anteekamua bakka'na pangamaseang nulapassareang injo Amma mae ri ditte, sa'genna ditte riare' ana'-ana'na Allataala, na toje'i ditte inni ana'-ana'na Allataala. Injomo saba'na, lino inni geleki laisse', saba' lino inni gelei ngisse' ri Ia.