YAHYA 1:1 - Kitta' Passitallikang Bau KAREBA BAJI'

¹ Ri pakaramulana rie' Pau; Pau injo rie'i ri Allataala na Pau injomo Allataala.

YAHYA 1:1 Iomraidhean Croise

MATIUS 1:23

”Sitoje'na, ana'rara injo latianangi na lamana'i ana' bura'ne, na iyai lalaareki Imanuel.” (Nua'battuang: Allataala minahang ri ditte.)

LUKAS 24:53

Iyai injo sanging riekimu lalang ri Sapo Allataala na lapakala'biri Allataala.

YAHYA 1:14

Pau injo maemmu a'jari rupatau, na ammarii ripassa'lakanta, na ditte maemmu rijanjang kala'biranNa, iamo intu kala'birang nurisareang injo mange ri Ia assimpole ana' sitau-tau ri AmmanNa, rassi barakka' na katojekang.

YAHYA 1:18

Gele rie' manna se're tau maeng anjanjang Allataala, mingka Ana' sitau-tauna Allataala, Turie' injo ri rihaanna Amma, Iamo lapalahere Allataala.

YAHYA 1:2

Ia ri pakaramulana rie'i ri Allataala.

YAHYA 16:28

Nakke rie' mae battu ri Amma na Nakke rie' antama' ri lino; Kubokoi pole lino inni na Nakke a'lampaa lamange ri Amma.”

YAHYA 17:5

Na konni-konnina, o Amma, pakala'birima ri a'rakanTa surangang kala'birang Kuuppa injo ri a'rakanTa rigelenapa rie' lino.

YAHYA 20:28

Appihali Tomas mange ri Ia, ”Io' Karaengku na Allataalaku!”

YAHYA 8:58

Appaui Isa mange ri iyai, ”Sitoje'na Nakke appau mange ri kaui, rigelenapa rie' Abraham, Nakke la'bi riolomo rie'.”

ROMA 9:5

Iyaimo tui pappuwa-puwaang, tuappaturung injo Almase lalang ri tui rupatau, nurie' risikuanna. Iamo Allataala nuparallu ripakabakka' situli-tulinna. Aming!

EFESUS 3:9

Na lalabua'i sikuanna tau laanjanjang naha-naha harasia numaeng a'bilangang taung injo tassa'bu lalang ri Allataala tuappaa'jari injo risikuanna,

FILIPI 2:6

numanna lalang ritappa' Allataala, gelei larapang assimpole anunna nuparallu lateteng jarre',

KOLOSE 1:15

Almase kajanjangang battu rija'banganna Allataala nugele injo kajanjangang, nulihua, nukaminang parallu battu risikuanna nuripaa'jari,

KOLOSE 1:17

Ia rie'mu rigelenapa rie' sikuanna nuripaa'jari na sikuanna nuripaa'jari asse're ri Ia.

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

TITUS 2:13

Na konni-konnina ritajangmu laripa'rupana pattajallianta nurassi injo barakka' na pakajanjanganna kala'birang ri Allataala nusanna' bakka'na surang Pappasalama'ta Isa Almase.

IBRANI 13:8

Isa Almase gelei appinra, baji' injo risuhangngi iyareka allo inni na sa'genna situli-tulinna.

IBRANI 7:3

Ia tide' ammanna, tide' idonna, tide' pappuwa-puwaanna, hattunna tide' pakaramulana na tallasa'na tide' puppusu'na, na passabakang ri ia ripaa'jari assimpole Ana' Allataala, injomo saba'na ia latuli a'jari imangi situli-tulinna.

2 PETRUS 1:1

Battu ri Simon Petrus, ata surang suro ri Isa Almase. Mange ri iyai tuassurang-surang injo kambe nguppa katappakang kanara kaadelanna Allataala surang Pappakasalama'ta, Isa Almase.

1 YAHYA 5:20

Mingka, ditte riisse'i ma'nassana Ana' Allataala maemmu rie' na assarei pangisse' mae ri ditte, solanna ditte ngisse' ri Tunaba injo; na ditte rie' lalang ri Tunaba, lalang ri Ana'Na Isa Almase. Iamo Allataala nunaba surang tallasa mannannungang.

1 YAHYA 5:7

Saba' rie' tallu nuassare passa'bi lalang ri suruga: Amma, Pau na Nyaha; na talluiya injo nuse're.

PANJANJANNA YAHYA 1:11

lakua: Apa mujanjang, ukirilaloi lalang rise're kitta' na pappikatuangi mange ri tujuiya jamaah inni: mange ri Efesus, mange ri Smirna, mange ri Pergamus, mange ri Tiatira, mange ri Sardis, mange ri Filadelfia surang mange ri Laodikia.

PANJANJANNA YAHYA 1:17

Rihattunna Ia kujanjang, joppa'ma ri a'rakang bangkenNa assimpole tau mate; mingka Ia lataro lima kananNa ribaho ulungku ampai appau: ”Ako malla'! Nakkemo Tukaminang Bungasa surang Tukaminang Kala'busang,

PANJANJANNA YAHYA 1:2

Yahya maeng assa'bi ripassala pauna Allataala surang passala passa'bi risareang injo ri Isa Almase, iamo intu iangase'na numaeng lajanjang.

PANJANJANNA YAHYA 1:8

”Nakkemo bungasa surang kala'busang, pauna Karaeng Allataala, rie'mu na maemmu rie' riolo surang larie'i pole, Tukaminang kahasa.”

PANJANJANNA YAHYA 19:13

Ia makei baju bakka' numaeng riramme lalang ri rara na arenNa iamo intu: ”Pau Allataala.”

PANJANJANNA YAHYA 2:8

”Ukirilaloi mange ri malaeka' jamaah ri Smirna: Iamo inni Pauna Tukaminang bungasa na Tukaminang kala'busang injo, tumaeng matemo na attallasai muliang:

PANJANJANNA YAHYA 21:6

PauNa pole mae ri nakke, ”Iangase'na injo maeng a'jarimu. Nakkemo Pakaramula surang Kala'busang. Tubungasa surang Tukaminang riboko. Tau tirere injo larisare kale-kalei ere inungang battu ri mata ere ngerang katallasang.

PANJANJANNA YAHYA 22:13

Nakkemo karamula na Nakkemo kala'busang Tubungasa na Tukaminang riboko.”

PANJANJANNA YAHYA 3:14

”Ukirilaloi mange ri malaeka' jamaah ri Laodikia: Iamo inni Pau battu ri Tutoje' injo, sa'bi tulusu mallang surang naba, poong battu risikonjo nuripaa'jari ri Allataala: