MATIUS 3:2 - Kitta' Passitallikang Bau KAREBA BAJI'

² ”Jarrako, saba' Pakkaraengang Suruga gelemu dere!”

MATIUS 3:2 Iomraidhean Croise

MATIUS 4:17

Rihattu injo Isa pakaramulamu appala'bang, ”Jarralaloko, saba' gelemu dere Pakkaraengang Suruga!”

MARKUS 1:15

pauNa: ”Larapi'mu hattunna; seppa'mu Pakkaraengang Allataala. Jarrako na tappa'ko ri Injili.”

LUKAS 24:47

na rie' pole: Lalang arenNa kareba passala jarra ripangampungang kadorakaang parallu ripala'bang mange risikuanna rupatau, pakaramula ri Yerusalem.

MATIUS 6:10

rie'lalo PakkaraengamMu, a'jarimu a'ra'Mu ri lino assimpole ri suruga.

2 KORINTUS 7:10

Saba' kapa'risang assituru' a'ra' Allataala appabattui kajarraang nungerang kasalamakang na gele risesse'lalangi, mingka kapa'risang nubattu ri lino inni appabattui kamateang.

MATIUS 10:7

A'lampako na pala'bangi: Pakkaraengang Suruga gelemu dere.

PAU-PAUWANNA SIKONJO SURO-SURO 3:19

Injomo saba'na ngu'rangiko na jarrako, solanna riampungi kadorakaammu,

LUKAS 15:10

Nakke appau mange ri kaui: Appakonjo todo'i rannuna sikonjo malaeka'na Allataala rikanara rie'na se're tau jarra battu ridorakana.”

LUKAS 13:3

Gele! PauKu mange ri kaui. Mingka ampa geleiko jarra, manna kau lamate appakonjo ngase' todo'ko.

LUKAS 11:20

Mingka ampa Nakke angga'gara setang battu rikahasana Allataala, jari sitoje'na Pakkaraengang Allataala rie'mu mange ri kau.

2 PETRUS 3:9

Karaeng gelei talaa' lapaa'rupa talli'Na, manna injo rie' tau larapangi assimpole nutalaa', mingka Ia sabbarai mange ri kaui, saba' Ia a'ra'i solanna gele rie' manna sitau languppa kapanrakang mingka sikuanna tau laa'gilingi na lajarrai.

PAU-PAUWANNA SIKONJO SURO-SURO 17:30

Manna gelemu lajampangi hattu kaba'gaang, konni-konnina Allataala laparentai sikuanna tau ri antee-tee juai mae lajarra.

PAU-PAUWANNA SIKONJO SURO-SURO 11:18

Rihattu lalangngerinnamo passala injo, ammakkang ngase'mu, maeng injo lapakala'biri Allataala, lakua, ”Jari, mange ri tau maraeng pole Allataala assare pangamaseang lajarra nulangurang ri iyai mange rikatallasang.”

PAU-PAUWANNA SIKONJO SURO-SURO 2:38

Appihali Petrus mange ri iyai, ”Jarrako na parralluko tasse're-se're tau ririo lalang arenna Isa Almase lariampungi kadorakaammu, jari narimako pangamaseang, iamo intu Nyaha Tangkasa.

LUKAS 6:20

Maeng injo, Isa latangara ana'-ana' gurunNa ampai appau: ”Sunggumoko, oe kau tau kaasi-asi intu, saba' kaumo ampunna Pakkaraengang Allataala.

MATIUS 13:52

Jari appaui Isa mange ri iyai, ”Injomo saba'na, sikonjo guru Tora' narima injo pappilajarang passala Pakkaraengang Suruga injo assimpole opu sapo appasulu' pa'barang-barangang bau na nutoa battu ri panaroanna.”

MATIUS 13:47

”Appakonjo todo'i passala Pakkaraengang Suruga injo assimpole lanra' lambere ritantang ri tamparang, jari ngallemu lohe rupanna juku'.

MATIUS 13:33

Ia lalagara todo'i pakkalebarang inni mange ri iyai, ”Passala Pakkaraengang Suruga injo assimpole bibi nulaalle tau bahine na lakaleo'i lalang ri labu' tarigu patampulo litere lohena sa'genna assoho ngase'.”

MATIUS 12:41

Rihattu pangadelang, sikuanna tau Niniwe laammenteng assurang-surang tau konni-konni na langadeli todo'i. Saba' sikuanna tau Niniwe jarra ngase'i rimaenna lalangngere pappauna Yunus, sitoje'na ri inni rie' tula'bi battu ri Yunus!

2 TIMOTIUS 2:25

na lalang rikalumuang nyaha akkullei ngurang tau gassing injo a'gaga, saba' ma'ringi Karaeng assare sa'la' hattu mange ri iyai lajarra na laurang ngase'i sa'genna ngisseki kanabaang,

KOLOSE 1:13

Ia maeng lalappasangki battu rikahasa kalammang na lapalette'ki antama' ri Pakkaraengang Ana'Na nulakamaseang injo;

PAU-PAUWANNA SIKONJO SURO-SURO 20:21

nakke sanging assa'bi mange risikuanna tau Yahudi na mange ri tau Yunani, solanna jarrai na ngu'rangi mange ri Allataala surang tappa'i ri Karaengta, Isa.

LUKAS 15:7

Nakke appau mange ri kau: Appakonjo todo'i injo larie' karannuang ri Suruga saba' rie' se're tau doraka jarra, mangeanna pole karannuang rikanara tau naba kaassapulo kaassa injo nagelei parallu jarra.”

LUKAS 13:5

Gele! pauKu mange ri kau. Mingka ampa geleko jarra, manna kaui lamate appakonjo ngase' todo'ko.”

LUKAS 9:2

Ia lasuro ngase'i a'lampa laappala'bang Pakkaraengang Allataala na laappakagassing tau garring.

MARKUS 6:12

Jari a'lampaimu appala'bang ma'nassana tau inni parallui jarra rikadorakaanna,

MARKUS 1:4

appakonjomu Yahya Pario rie' ri parang luara na lapappiissekangi: ”Jarrako na panriowang pajarra langampungi kadorakaang ri Allataala.”

MATIUS 5:10

Sunggulaloi tau ripa'ri'-pa'risi intu kanara anggeokanna a'ra'na Allataala, saba' iyaimo ampunna Pakkaraengang Suruga.

MATIUS 5:3

”Sunggulaloi tau kaasi-asi intu ri a'rakanna Allataala, saba' iyaimo ampunna Pakkaraengang Suruga.

PANJANJANNA YAHYA 2:21

Maemmu Kusare hattu lajarra, mingka ia gelei a'ra' jarra battu ripassangkili'na.

MATIUS 13:31

Appabattui pole Isa se're pakkalebarang maraeng mange ri iyai, pauNa, ”Passala Pakkaraengang Suruga assimpole lisere sinahu, nurialle na latahurui tau ri kokonna.

MATIUS 13:11

Appihali Isa, ”Mange ri kaui risare barakka' langisse' harasia Pakkaraengang Suruga, mingka gele mange ri iyai.

MATIUS 6:33

Mingka bojalalo riolo Pakkaraengang Allataala surang a'ra'Na, jari iangase'na ritambai mange ri kau.

PANJANJANNA YAHYA 2:5

Injomo saba'na u'rangilaloi anteekamua anralanna pa'dappekimmu! Jarrailaloko na geokangilalo poleang numaeng injo mugeokangi riolo. Ampa gelei appakonjo, Nakke larie'a mange ri kau na Nakke langalle bangkeng kanjolimu battu ri tampa'na, ampa geleko jarra.

IBRANI 6:1

Injomo saba'na, maemaki ribokoi sikonjo pappoonganna riajarang passala Almase, mingka nuparallu ripipahangi sa'genna rikasangkakanna. Baji'i ampa ditte appariati gele sangga ripassala pappoongang pajarraang battu risikonjo panggeokang tide' matu-matunna, na poong katappakang mange ri Allataala,

PAU-PAUWANNA SIKONJO SURO-SURO 26:20

Mingka pakaramulana kupau-paui mange risikuanna tau ri Damsyik, ri Yerusalem na risibatu tana Yudea, na mange pole risikuanna bangsa tau maraeng ma'nassana parallu ngase'i jarra na a'giling tappa' mange ri Allataala surang anggeokang sikonjo panggeokang assituru' ripajarraang injo.

MATIUS 22:2

”Passala Pakkaraengang Suruga ripakkalebarangi se're karaeng laappakanre ripa'bontingang ana'na.

MATIUS 25:1

”Rihattu injo passala Pakkaraengang Suruga ripakkalebarangi sampulo ana'rara, laalle sulona na a'lampai mange anruppai bonting bura'ne.

MATIUS 23:13

Silakamoko, oe guru Tora' na tau Farisi intu, oe kau tau munape' intu, saba' mutongko'i babaang Pakkaraengang Suruga ri a'rakanna tau lohe inni. Saba' geleko a'ra' antama' na muampangi tau lohe a'raki injo laantama'. [

MATIUS 20:1

”Passala Pakkaraengang Suruga assimpole se're tau rie' koko anggoro'na nungesala kalejuapa ansulu'mu a'boja tulanjama ri kokonna.

MATIUS 18:23

Saba' passala Pakkaraengang Suruga ripakkalebarangi se're karaeng a'ra' lassirekengang surang sikonjo pagahena.

MATIUS 11:20

Jari Isa pakaramulamu attadea rilohe kota gele injo jarra, mannamamo injo ri injo Ia kaminang lohe lapaa'jari kajariang nugeleNa samara,

LUKAS 21:31

Appakonjo todo'i, ampa mujanjangi passala injo a'jari, piisseki ma'nassana Pakkaraengang Allataala gelemu dere.

LUKAS 16:30

Appihalimu tau injo: Gele, amma Abraham, mingka ampa rie' se're tau battu risikuanna tau mate mange ri iyai, a'nassamu jarrainna ngase'.

MATIUS 25:14

”Saba' passala Pakkaraengang Suruga assimpole se're tau a'ra' ansulukang bandera, lakeo' ngase'i pagahena na lapitetengiangi sikonjo doe'na mange ri iyai.

MATIUS 13:24

Isa appabattu pole se're pakkalebarang maraeng mange ri iyai, pauNa, ”Passala Pakkaraengang Suruga injo assimpole tau appatahuru lamungang bae gandong ri kokonna.

MATIUS 4:23

Manna Isa a'lili'i risibatu Galilea; Ia ngajarai lalang risikonjo sapo passambajangang na appala'bangi Injili Pakkaraengang Suruga surang appakagassingi lohe tau ritangngana bangsa injo battu risikonjo garring na kalammaannai.

LUKAS 1:16

ia lalabua'i lohe tau Israele a'giling muliang tappa' mange ri Karaeng, Allataalana.