LUKAS 9:51 - Kitta' Passitallikang Bau KAREBA BAJI'

⁵¹ Sungka'i seppa' larapi' hattunna Isa tarangka' mange ri Suruga, Ia lapa'batumu nyahaNa laa'lampa mange ri Yerusalem,

LUKAS 9:51 Iomraidhean Croise

MARKUS 16:19

Rimaenna Karaeng Isa a'bisara appakonjo ri iyai, tarangka'mu nai' ri Suruga, ampai attolong risa'ri kananNa Allataala.

LUKAS 12:50

Nakke parrallu ririo lalang se're rioang, na anteemu kamua susana atiKu, rigelenapa a'rupa passala injo!

LUKAS 13:22

Maeng injo a'lampai Isa a'lili' battu rise're kota mange ri kota maraeng na battu ri se're desa mange ri desa maraeng langajara na latarrusang lingkaNa mange ri Yerusalem.

LUKAS 17:11

Lalang ripa'lingkaanNa mange ri Yerusalem Isa attete passimbanganna Samaria na Galilea.

LUKAS 18:31

Isa lakeo'i sampulo injo rua suro-suroNa, ampai appau mange ri iyai, ”Konni-konnina laa'lampaki mange ri Yerusalem na iangase'na numaeng laukiri sikonjo nabbi risesena Ana' Rupatau laripa'rupa.

LUKAS 19:11

Riattangngana tau lohe injo appilangngeri sikonjo passala, lasambungi pauna Isa lalang se're pakkalebarang, saba' ambanimu ri Yerusalem na pa'ngare'na ma'nassana Pakkaraengang Allataala lalibai kajanjangang.

LUKAS 19:28

Sungka'i maeng ngase'mo lapau injo a'lampa rioloi Isa na latarrusang lingkaNa mange ri Yerusalem.

LUKAS 24:51

Rihattu labarakkakinna juapa, Ia assisalaimu na tarangka'i mange ri Suruga.

LUKAS 9:57

Rihattunna Isa surang ana'-ana' gurunNa latarrusang lingkana, rie'mo se're tau ritangnga lalang appau mange ri Isa, ”Nakke laminahanga ri Kau, manna antee mae lampaMu.”

YAHYA 13:1

Rihattu gelenapa ripakaramula allo Pa'lappasang injo, Isa laisse'mu ma'nassana larapi'mu hattunNa laa'lette' battu ri lino inni mange ri Amma. Ia lakamaseangi sikonjo a'jari anunNa ri lino inni, na Ia tulusu lakamaseanna sa'genna larapi' allo kala'busang.

YAHYA 16:28

Nakke rie' mae battu ri Amma na Nakke rie' antama' ri lino; Kubokoi pole lino inni na Nakke a'lampaa lamange ri Amma.”

YAHYA 16:5

mingka konni-konnina Nakke laa'lampa lamange ri Ia Tumaeng assuro injo ri Nakke, na gele rie' manna se're tau ri kaui akkuta'nang mae ri Nakke: Laantee mae lampaTa?

YAHYA 17:11

Nakke gelema rie' lalang ri lino, mingka iyai rie' juapai lalang ri lino, na Nakke battu mange ri Ditte. O Amma matangkasa, piarai iyai inni lalang arenTa, iamo intu arenTa numaeng Ripassareang injo mae ri Nakke, solanna iyai a'jari se're assimpole ditte.

YAHYA 6:62

Anteekamua, ampa mujanjangi Ana' Rupatau nai' mange ri tampa' ri antee mae riolo ammari?

PAU-PAUWANNA SIKONJO SURO-SURO 1:2

sa'genna ri allo tarangka'Na mange ri Suruga. Rigelenapa injo Ia maeng lapabattui passuroanNa ri Nyaha Tangkasa mange risikonjo suro lajo'jo' injo.

PAU-PAUWANNA SIKONJO SURO-SURO 1:9

Rimaenna Ia appau appakonjo, Ia tarangka'mu mange ri suruga na lasa'bii ngase'i, na lalenguki rammang battu ripanjanjannai.

EFESUS 1:20

rihattu lapakaattallasa'na muliang Isa Almase battu ritangnga-tangngana tau mate na Ia lapatolongi risa'ri kananNa ri suruga,

FILIPI 3:14

na ridatalai sa'genta nguppa nubaji', iamo intu kasannangang kasalamakang battu ri Allataala kanara ri Isa Almase.

1 TIMOTIUS 3:16

Sitoje'na sanna' bakka'na pangajarang nulapassareang injo Allataala mae riditte, ”Ia, tumaeng lapappisa'biang injo kalenNa lalang ri rupatau, ripa'nabai lalang ri Nyaha; tumaeng lapappijanjangang injo kalenNa mange risikonjo malaeka', ripala'bangi mange ri tau maraeng; turipatappa' lalang ri lino inni, riangka'i lalang rikala'birang.”

IBRANI 12:2

Maemaki rigeokangi surangang mata ammonga mange ri Isa, tulaurang injoki lalang ri katappakang na laerang katapakanta injo mange rikasangkakang. Ia gelei lapiduli katunaang inni na sabbarai nyompo salli' passambe kate'neang nuripasadiaang injo mange ri Ia, nukonni-konina attolongi risa'ri kanang kadera pattolonganna Allataala.

IBRANI 6:20

Isa maengmu antama' ri tampa' injo assimpole se're pauluang mae ri ditte, rihattunna Ia a'jari Imang Bakka' sa'genna situli-tulinna, assituru' atoranna Melkisedek.

1 PETRUS 3:22

tuattolong injo risa'ri kananna Allataala. Sungka'na Ia nai' ri suruga rimaenna sikonjo malaeka', kahasa surang kagassingang ripatunru' mange ri Ia.