LUKAS 9:5 - Kitta' Passitallikang Bau KAREBA BAJI'

⁵ Ampa rie' tau geleko a'ra' latarima, ansulu'ko ri kotana na paka'kasai limpurang ri pala' bangkemmu laa'jari pappiu'rangi mange ri iyai.”

LUKAS 9:5 Iomraidhean Croise

MATIUS 10:18

Kanara Nakke, kaui lariparapa' mange ri a'rakanna sikuanna tukahasa na pamarenta assimpole se're passa'bi mange ri iyai na mange risikuanna tau gele injo tappa' ri Allataala.

MARKUS 6:11

Ampa rie' se're tampa' nugele a'ra' latarimako na ampa gele a'ra' lapilangngeri paumu, ansulu'ko battu ri injo na pabe'besei limpurang nua'dakki' injo ri pala' bangkemmu assimpole se're tanra pappiu'rangi mange ri iyai.”

MARKUS 9:37

Inai jua anruppai se're ana' assimpole inni lalang arengKu, ”Nakkemo intu laruppai. Na inai jua anruppai ri Nakke, gele Nakke jua laruppai, mingka Ia tuassuro injo ri Nakke.”

LUKAS 10:16

Inai jua lapilangngeriko, Nakkemo lapilangngeri; na inai latolla'ko, Nakkemo intu latolla', na latolla' todo'i Tuassuro injo ri Nakke.”

LUKAS 5:14

Isa lapisangkai tau injo lapau mange-mange manna ri inai jua na lakua, ”A'lampamoko, pappijanjangi kalemmu mange ri imang injo na assareko koro'bang passidakka panangkasimmu assituru' passidakka nulaparentaang injo Musa, laa'jari tanra mange ri iyai.”

LUKAS 9:4

Ampa rie' latarimako ammari lalang rise're sapo, ammariko ri injo sa'gemmu a'lampai pole battu ri injo.

LUKAS 9:48

na appaui mange ri iyai, ”Inai jua latarima ana' ki'di' inni lalang arengKu, injo Nakkemo latarima; na inai narima ri Nakke, injo Iamo latarima Tuassuro injo ri Nakke. Saba' tukaminang ki'di' injo ri kau ngase', iamo lakaminang bakka'.”

PAU-PAUWANNA SIKONJO SURO-SURO 13:51

Mingka, Paulus surang Barnabas lapakakkasa limpurang ri bangkenna laa'jari pappiu'rangi mange ri tau rie' ri injo, maeng injo a'lampai mange ri Ikonium.

PAU-PAUWANNA SIKONJO SURO-SURO 18:6

Mingka rihattunna sikonjo tau a'bali na attua-tua ri ia, ia lapakakkasai limpurang rie' ripakeanna na appaui mange ri iyai, ”Lappasammu raramu tatto'lo' rateang ulummu to'jua, nakke tangkasa, tide' daaku. Pakaramula rikonni-konnina laa'lampama mange risikuanna tau maraeng.”