LUKAS 9:41 - Kitta' Passitallikang Bau KAREBA BAJI'

⁴¹ Jari lakuamo Isa, ”Oe kau tau gele intu tappa' surang tau lingu intu, lasikurapa salloKu parallu laammari ritangnga-tangngamui surang lasabbara mange ri kau? Erangi mae ana'mu intu!”

LUKAS 9:41 Iomraidhean Croise

MATIUS 11:28

Maeko ri Nakke, sikuanna tau mangngang na tau bera' intu eranna, Nakke laassare kalogaang mange ri kaui.

MATIUS 12:39

Mingka Ia appihali mange ri iyai, ”Tau konni-konni daa sipa'na surang gele mallang a'bojai se're tanra. Mingka manna se're gele larisare tanra mange ri iyai passangadinna tanra ri Nabbi Yunus.

MATIUS 12:45

Jari ia asulu'i na akkeo'i tuju setang maraeng nula'bi sarroang daana battu ri ia na iyai injo antama' ri sapo na ammari ri injo. Kamaenganna, tau injo pela' daamu battu ri uruna. Appakonjo todo'i lakajanjangang ri tau daa inni.”

MATIUS 16:4

Tau daa sipa'na na tau gele inni mallang a'bojai se're tanra. Mingka mange ri iyai gelei larisare tanra rimaraenganna tanra ri Nabbi Yunus.” Maeng injo Isa labokoi ngase'i na a'lampai.

MATIUS 17:17

Jari appaui Isa, ”Oe kau tau gele intu tappa' na lingu, lasikurapa pole sallona Nakke laammari ritangnga-tangngamui? Lasikurapa pole sallona Nakke laparallu sabbara ri kau? Erangi ana' intu mae konni!”

MATIUS 23:36

Sitoje'na Nakke appau mange ri kaui: Sikuanna inni laripitanggongiangi mange ri tau konni-konni!”

MATIUS 3:7

Mingka rihattu lajanjanna lohe tau Farisi na tau Saduki rie' laririo, appaumu mange ri iyai, ”Oe kau tui saa moso intu. Inaimo appau mange ri kaui ma'nassana kaui intu akkulle a'lili battu rihukkungang nularie' injo?

MARKUS 10:14

Lajanjanna passala injo, kuku'i Isa na appaui mange ri iyai, ”Lappasangi ana'-ana' ki'di' intu battu mae ri Nakke, ako muampangi, saba' tau assimpole injomo inni lalaampunnai Pakkaraengang Allataala.

MARKUS 10:49

Jari attaangi Isa ampai appau, ”Keo'i mae!” Jari lakeokimu tau buta injo na appaui mange ri ia, ”Pakasa'ga'i nyahamu, na ammentengko, Ia lakeo'ko.”

MARKUS 9:19

Jari appaui Isa mange ri iyai, ”Oe kau tau gele intu tappa', lasikurapa salloKu laammari ri kaui? Lasikurapa salloKu lasabbara mange ri kaui? Erangi mae ana' intu!”

LUKAS 8:25

Maeng injo appaui Isa mange ri iyai, ”Ri antee mae katappakammu?” Jari mallakimu na lannasa ngase'i, ampai assikuta'nangi, ”Inai sitoje'na tau inni, nangura akkulle assare parenta mange ri anging surang ri ere injo na tunru' ngase'i mange ri Ia?”

LUKAS 9:40

Nakke maeng todo'mu kuera ri ana'-ana' gurumMu solanna lapasalaangi setang injo, mingka gele lakulle.”

LUKAS 9:42

Na rihattu seppa'namo ana' injo ri Isa, ripatappasai ri setang injo naung ri tana na lapatopa-topai. Mingka Isa laga'gara bakka'i setang injo na lapakagassingi ana' injo, ampai lapahuliang mange ri ammanna.

YAHYA 14:9

Appaui Isa mange ri ia, ”Sallomuki assurang-surang Filipus, mingka kau gelepai muisse? Inai jua maeng anjanjang ri Nakke, injo ia maemmu lajanjang Amma; anteekamua kau appau: Pijo'jokiangkang Amma injo mae ri kambe.

YAHYA 20:27

Maeng injo Ia appaui mange ri Tomas, ”Taro karamemmu ri inni, na janjangi limangKu, patanjo limammu na pantama'i ri la'beKu na andamoko pole gele tappa', mingka tappa'moko.”

PAU-PAUWANNA SIKONJO SURO-SURO 13:18

Patampulo taung sallona Ia sabbara risikonjo panggeokanna ri parang luara.

PAU-PAUWANNA SIKONJO SURO-SURO 2:40

Na lohe pole pau maraeng ia assa'bi na lasuro ngase'i, lakua, ”Passareangi kalemmu ripakasalama' battu sikuanna tau daa inni sipa'na.”

ROMA 2:4

Apa murapangi gele bakka' kalammoranNa, kasabbaranNa surang kalogaang nyahaNa? Geleika muisse' ma'nassana battuang kalammorang Allataala iamo intu larurungko mange ripangu'rangi ri Allataala?

IBRANI 3:19

Ri appakonjona ditte riisse'i ma'nassana iyai gele akkullei antama' kanara iyai geleinna tappa'.

IBRANI 4:11

Kanara injomo, baji'mu ditte apparri-parri laantama' ri tampa' nulapakasadia injo Allataala, solanna anda rie' manna sitau a'dappe' kanara minahanna rikageleang tunru' assimpole injo.

IBRANI 4:2

Kanara mae ri ditte ripappiissekang todo'i kareba kate'neang assimpole mange ri iyai, mingka pau nurilangngere injo tide' matu-matunna mange ri iyai, saba' geleinna tappa' assimpole tau maraeng allangngere injo todo'.

IBRANI 7:25

Kanara injomo, Ia akkulle todo'i appakasangka' kasalamakang risikuanna tau nupatteteang ri Ia ambattu mange ri Allataala. Saba' Ia tulusu attallasai laa'jari petteteang ri iyai.