LUKAS 9:39 - Kitta' Passitallikang Bau KAREBA BAJI'

³⁹ Ia a'lellengi labattui setang, ampai sikali ngariu' na lapakangappa'-ngapparai sa'genna a'busa-busa babana. Nyaha daa injo tarru'-tarrusui lasissa ana'ku na assimpolekalena gelemu lalabokoi.

LUKAS 9:39 Iomraidhean Croise

MARKUS 9:18

Ampa setang injo rie' ri ia, setang injo lapatappasai naung ri tana; jari a'busa-busamu babana, a'reku' giginna na ngojo kalenna. Maemmu kuerang mange ri ana'-ana' gurumMu, solanna labongkai setang injo, mingka gele lakulle.”

MARKUS 9:20

Jari laerangimu ana' injo mange ri Ia. Hattunna setang injo lajanjangi Isa, lassirimu lage'gese kalenna ana' injo, na ana' injo ta'bulinta'i naung ri tana na a'loli'-lolisi, na a'busa-busa babana.

MARKUS 9:26

Jari ansulu'mu setang injo na akkari'-kariu' na lapage'gese sarro ana' injo. Ana' injo kajanjangang assimpolemu tau mate, jari lohemo tau appau, ”Ia matemu.”

LUKAS 4:35

Mingka riga'garai ri Isa, ”Sannangko, ansulu'ko ri ia!” Setang injo lapatappasa tau injo ritangngana tau lohe, ampai ansulu' battu ri ia na gelejuai lapa'ri-pa'risi.

LUKAS 8:29

Ia appau appakonjo saba' Isa laparentai setang injo ansulu' battu ri tau injo. Saba' setang injo biasai larenreng-renreng tau injo, jari lanjagai ri ia, rirante surang risangkala, mingka akkulle juai latappu'-tappu' panga'ba' injo na rirenrengi ri setang injo mange ri tampa' sino.

LUKAS 9:38

Rie' tau ri tulohe injo a'nga'ngara, lakua, ”Guru, kuerai ri Ditte solanna mange ritilingi ana'ku, saba' ia jua ana'ku kale-kalenna.

LUKAS 9:40

Nakke maeng todo'mu kuera ri ana'-ana' gurumMu solanna lapasalaangi setang injo, mingka gele lakulle.”

YAHYA 8:44

Kau assala'mui battu ri ammammu, iamo intu Ibilisi, na a'ra'i mugeokang sikonjo nulakaa'raki injo ammammu. Ia intu pahuno-huno tau minang ripakaramulana na gele attallasa lalang rikanabaang. Ampa ia appau injo sanging bura, ia appaui battu ria'ra' kale-kalena jua, saba' ia intu pa'buraang na ammai risikuanna tau pa'buraang.

1 PETRUS 5:8

Ngu'rangilaloko surang akkaletutuiko! Balimmu, Ibilisi a'lingka mange-mange assimpole masang a'ngaong-ngaong na a'bojai tau akkulle injo lakanre.

PANJANJANNA YAHYA 9:11

Tulaparenta injoi iamo intu malaeka' balo kamateang; arenna lalang ribisara Ibrani iamo intu Abadon na lalang ribisara Yunani iamo intu Apolion.