LUKAS 9:26 - Kitta' Passitallikang Bau KAREBA BAJI'

²⁶ Saba' inai jua tau siri' rikanara Nakke na rikanara pauKu, Ana' Rupatau lasiri' todo'i rikanara tau injo, ampa Ia rie'i sallo' lalang ri kala'biranna Amma surang sikonjo malaeka' tangkasa.

LUKAS 9:26 Iomraidhean Croise

MATIUS 16:27

Saba' Ana' Rupatau larie'i lalang kala'birang AmmanNa larurung sikonjo malaeka'Na; rihattu injo Ia lalabalasai sikuanna tau assituru' panggeokanna.

MATIUS 25:31

”Ampa rie'mu Ana' Rupatau lalang rikala'biranNa na sikuanna malaeka' assurang-surangi Ia, injo Ia laattolongi rate ri kadera kala'biranNa.

MATIUS 26:64

Appihali Isa, ”Kaumo mupaui. Mingka, Nakke appau ri kau, pakaramula allo inni lamujanjangi Ana' Rupatau laattolong risa'ri kananNa Tukaminang kahasa injo na larie'i a'dongko rammang ri langi'.”

MARKUS 8:38

Saba' inai jua siri' kanara ri Nakke na kanara ri pauKu ritangngana tau lohe gele injo mallang na tau doraka injo, Ana' Rupatau lasiri' todo'i rikanara tau injo ampa rie'mu sallo' lalang rikala'biranna AmmanNa, surang sikonjo malaeka' tangkasa.”

YAHYA 12:43

Saba' iyai injo la'bi langaiang ripakala'biri ri rupatau na ripakala'biri ri Allataala.

YAHYA 5:44

Anteekokamua tappa', kau tusanging a'boja intu kangalikang ri tau maraeng na geleiko a'boja kangalikang nubattu ri Allataala tide' injo ruana?

PAU-PAUWANNA SIKONJO SURO-SURO 10:22

Appihali ngase'mu, ”Kornelius, se'rei parawira lambusu atina na malla'i ri Allataala, na baji' laisse'na risikonjo tau Yahudi, maengi risare pappijo'jo' rise're malaeka' Tangkasa, solanna ia lakeo'ko mange ri saponna na lalapilangngeri nulamupau injo.”

ROMA 1:16

Saba' nakke gelea siri' rikanara Injili, saba' Injili intu iamo kagassinganna Allataala nuappakasalama' mange risikuanna tau tappa', pakaramula ri tau Yahudi, mingka mange todo' ri tau Yunani.

2 KORINTUS 12:10

Kanara injomo, nakke sannang surang rella lalang rikalammaang, lalang ripassissa, lalang rikasukkarang, lalang rikamarasaiang surang kasinsaraang passabakang Almase. Saba' ampa nakke lamma, injo gassinga.

GALATIA 6:14

Mingka nakke gele sikalia a'ra' a'bangga-bangga, rimaraenganna lalang risalli'na Karaengta Isa Almase, saba' rikanaranamo salli' injo lino inni maeng risalli' mae ri nakke na nakke mange ri lino inni.

1 TIMOTIUS 5:21

Ri a'rakanna Allataala surang Isa Almase na sikonjo malaeka' pileanNa kupappasangang toje'i mange ri kau: Pariatilaloi pappijo'jo' inni surangang tide' bata-bata na geokangi sikuanna gele ngalle'-ngalleang se're tau.

2 TIMOTIUS 1:12

Injomo saba'na nakke assinsara risikuanna inni, mingka nakke gelea siri'; kanara kuisse'i mange ri inai nakke tappa' surang jarre' ma'nassana Ia kahasai akkatuho apa numaeng lapassareang injo Allataala mae ri nakke sa'genna larapi' hattunna Karaeng.

2 TIMOTIUS 2:12

Ampa sabbaraki, manna ditte minahangki marenta surangang Ia; ampa ditte a'boko ri Ia, Ia a'boko todo'i ri ditte;

IBRANI 11:26

Ia larapangi pattua-tuai kanara Almase assimpole kakalumannyangang nula'bi bakkakang na injo kakalumannyangang bakka' battu ri iangase'na pa'barang-baranganna tana Massere, saba' ia lapa'batu pikkiranna mange ripassahalang larie' injo sallo'.

IBRANI 13:13

Kanara injo, maemaki a'lampa mange ri Ia pantarang pakkemaang na lananggong katunaanNa.

YUDAS 1:14

Henokh, pinangka' makatuju battu ri Adam, maeng todo'i assare panjanjang ri allo riboko passala ri iyai, lakua pauna, ”Sitoje'na Karaeng rie'mu larurung assa'bu-sa'bu tau tangkasa'Na,

PANJANJANNA YAHYA 1:7

Janjangimu, Ia rie'i mae lalang ri rammang na sikuanna mata laanjanjang mange ri Ia, iyai pole tumaeng injo nobo' ri Ia. Sikuanna rupatau ri lino laapparau mange ri Ia. Ya, Aming.

PANJANJANNA YAHYA 20:11

Maeng injo kujanjangi se're pattolongang kakaraengang pute nubakka' na Ia, tuattolong injo rateanna. Battu ri a'rakanNa lannya'mu lino surang langi' na gelemu rirumpa' poleang ri antee mae tampa'na.

PANJANJANNA YAHYA 21:8

Mingka sikuanna tau mallakang, sikuanna tau gele tappa', sikuanna tau gagarang, sikuanna tau pahuno, sikuanna tau pasangkili, tau pasehere, tau nyomba barahala na sikuanna tau pa'buraang, iyai injo laripabuang todo'i antama' ri bola' api bakka' akkadaparang na halirang a'bola'-bola'; iamo inni kamateang makarua.”

PANJANJANNA YAHYA 3:5

Inai jua ambeta, ia laripipakei pakeang pute appakonjo; Nakke gelei laKulu'lu' arenna ri kitta' katallasang, mingka Kuani arenna ri a'rakanna AmmangKu surang ri a'rakanna sikonjo malaeka'Na.