LUKAS 9:25 - Kitta' Passitallikang Bau KAREBA BAJI'

²⁵ Apamo matu-matunna se're inni tau lauppa ngase'i sibatu lino, mingka lapakamatei iyareka lapakasilaka kalenna?

LUKAS 9:25 Iomraidhean Croise

MATIUS 13:48

Sungka'i rassi, lanra' injo larenremmu tau anrai' ribonto, jari attolong ngase'mu na laparappung juku' baji' injo lalang ri talle na nugele injo baji' lapelaki.

MATIUS 13:50

maeng injo lapamballung tau daa injo sipa'na antama' ri pappalluang gele injo mate apinna; ri injomo larie' parau na gigi a'rekuki.

MATIUS 16:26

Apa matu-matunna se're inni tau lauppa ngase'i sibatu lino mingka tappela'i nyahana? Apamo akkulle risareangi a'jari passambe nyahana?

MARKUS 8:36

Apamo matu-matunna se're inni tau lauppa ngase'i assinna lino, mingka tappela'i nyahana?

PAU-PAUWANNA SIKONJO SURO-SURO 1:18

Yudas inni maeng nguppamu dahuang siteppo' tana battu risahala sipa' daana, maeng injo ia tattopai, na bissa'rua pomponna jari ansulu' ngase'mu assi pomponna.

PAU-PAUWANNA SIKONJO SURO-SURO 1:25

lanarima jamaang pajampangi, iamo intu jamaang nulabokoi injo Yudas tua'lampa injo mange ri tampa' nusiratang injo ri ia.”

1 KORINTUS 9:27

Mingka nakke kupakabiasai batangkalengku na kutahangi, solanna ampa maemma appala'bang Injili mange ri tau maraeng, anda nakke pole ritolla'.

IBRANI 10:34

Kau maeng todo'ko minahang ngalle dahuang lalang rikasissaanna sikuanna tau ritarungku na rihattu pa'barang-barangammu rilukkaki, mutarima baji'i passala injo lalang rikate'neang, saba' kau muisse'i ma'nassana kau todo' ngampunnai pa'barang-barangang nula'bi baji' na nulatulusu rie'.