LUKAS 9:16 - Kitta' Passitallikang Bau KAREBA BAJI'

¹⁶ Sungka'i maemmo laalle Isa roti limambatu injo surang juku' ruangkaju injo, Ia ammongai nai' ri langi', masa barakka'i, ampai latu'be-tu'be roti injo na lapassareangi ri suro-suroNa solanna lapa'dahu-dahuang mange ri tau lohe injo.

LUKAS 9:16 Iomraidhean Croise

MATIUS 14:19

Maeng injo Ia lasuro tau lohe injo attolong ri ruku'. Ri laalleNa roti limambatu na juku' ruangkaju injo, ammongai Isa nai' ri langi' na masa barakka'i. Ia latu'be-tu'be roti injo na lapassareangi ri suro-suroNa, jari suro-suroNamo lapa'dahu-dahuangi mange ri tau lohe injo.

MATIUS 15:36

Maeng injo Ia laalle tujumbatuiya roti surang juku' ki'diki injo, masa barakka'i, latu'be-tu'bei na lapa'dahu-dahuangi mange ri suro-suroNa, na suro-suroNamo lapa'dahu-dahuangi mange ri tau lohe injo.

MARKUS 7:34

Maenna injo ammongai Isa nai' ri langi' na appaui mange ri tau injo, ”Efata!”, battuanganna: Ta'bungkaramoko!

LUKAS 22:19

Maeng injo Ia ngalle roti, masa barakka'i, ampai latu'be-tu'be na lapaa'dahu-dahuangi mange ri iyai, lakua pauNa: ”Iamo inni batangkalengKu nuripasareang injo mange ri kaui; geokangi inni laa'jari pangu'rangi ri Nakke.”

LUKAS 24:30

Rihattu attolonna Isa langanre surang iyai, Ia ngallei roti, masa barakka'i, maeng injo latu'be-tu'bei ampai lasareangi.

LUKAS 9:15

Lageokang appakonjo suro-suroNa na lasuro ngase'i attolong tau lohe injo.

LUKAS 9:17

Na nganre ngase'i sa'genna bassoro. Maenna injo laparappung ngase'mu la'binna roti sesanna lakanrei, rie'i sampulorua baku' lohena.

YAHYA 6:11

Rimaenna injo Isa laalle roti injo, masa barakka'i ampai lapa'dahu-dahuang mange risikuanna tau rie' attolong ri injo, appakonjo todo'i lageokang ri juku' injo, assillohe nulakaa'raki tau lohe injo.

YAHYA 6:23

Mingka rihattu injo lohemo pole lopi maraeng a'labu battu ri Tiberias seppa'i ri tampa'nai nganre roti, sungka'i Karaeng maeng lapamasa barakkakang ri roti injo.

PAU-PAUWANNA SIKONJO SURO-SURO 27:35

Sungka'i maemmo appau appakonjo, ia ngalle roti, masa barakka'i mange ri Allataala ri a'rakannai ngase' na latu'be-tu'bei roti injo, maeng injo pakaramulamu nganrei.

ROMA 14:6

Inai a'bitantang rise're allo attantu, ia lageokangi injo rkanarana Karaeng. Inai nganre, ia lageokangi injo rikanarana Karaeng, saba' ia appanai' sukkuru mange ri Allataala. Na inai gele nganre, ia lageokangi injo tujunna Karaeng na ia sukkuru todo'i mange ri Allataala.

1 KORINTUS 10:30

Ampa nakke appanai' sukkuru riapa jua numinahang injo kukanre, ngura tau maraeng assalla rikanara kanre injo, nu ri injomo nakke appanai' sukkuru?”

1 KORINTUS 11:24

na maeng injo Ia lapamasa barakkakangi roti injo; Ia latu'be-tu'bei na appaui, ”Iamo inni batangkalengKu, nuripassareang mange ri kaui; geokangi inni laa'jari pappiu'rangi mae ri Nakke!”