LUKAS 9:1 - Kitta' Passitallikang Bau KAREBA BAJI'

¹ Isa lakeo'i sampuloiya rua suro-suroNa, ampai assare tangkahuku na kahasa mange ri iyai laappakatunru' sikonjo rupanna setang surang laappakagassing tau garring.

LUKAS 9:1 Iomraidhean Croise

MATIUS 16:19

Mange ri kau Kupassareang konsing Pakkaraengang Suruga. Apa muka'ba' ri lino inni lata'ka'ba'i ri Suruga na apa mula'biang ri lino inni lata'la'biangi todo'i ri Suruga.”

MATIUS 4:24

Jari alla'bammu kareba ripassala'na Ia risibatu Siria na rierammu mange ri Ia sikuanna tau daa injomo tappana, tusissa rilohe rupanna garring na assinsara, tau ladongkoki setang, tumate jangang na tau pesu', jari Isa lapakagassing ngase'i.

MATIUS 8:9

Saba' nakke inni se're jua turiatoro, na rahangangku rie' todo' parajuri'. Ampa nakke appau mange risala se'renna parajuri' injo: A'lampako! Jari ia a'lampai, na mange rise'reang pole: Maeko! jari ia rie'i battu, iyareka mange ri atangku: Jamai injo! jari ia lajama toje'i.”

LUKAS 10:1

Rimaennamo injo Karaeng anjo'jo'i pole tujupulo ana' gurung maraeng, ampai lasuro a'lampa ta'rua-rua tau rioloanganNa lamange risikonjo kota na tampa' nua'ra' injo lamangei Isa.

LUKAS 10:19

Sitoje'na Nakkemo assare kahasa mange ri kaui lallisa' saa surang kalang na kahasa lappisauri kagassingang ri balimmu, jari gelemo rie' nulasilakaiko.

YAHYA 14:12

Sitoje'na Nakke appau mange ri kaui: Inai jua tappa' mae ri Nakke, ia lageokang todo'i jama-jamaang Kugeokang injo, la'bipa pole jama-jamaang nula'bi bakkakang battu ri injo. Saba' Nakke laa'lampa mange ri Amma;

PAU-PAUWANNA SIKONJO SURO-SURO 1:8

Mingka lanarimaiko kahasa ampa ladongkokimoko Nyaha Tangkasa, na laa'jariko sa'biKu ri Yerusalem na risibatu Yudea na Samaria na sa'genna battu riappa'na lino inni.”

PAU-PAUWANNA SIKONJO SURO-SURO 3:16

Saba' katappakang mange ri arenna Isa, jari Areng injomo appakagassing ri tau mujanjang na tau muisseki inni; na katappakang injomo maeng assare kagassingang mange ri tau inni ri a'rakammu ngase'.

PAU-PAUWANNA SIKONJO SURO-SURO 4:30

Patanjo limanTa laappakagassing tau garring, na appa'rie'i tanra-tanra surang kajariang numasagala injo rikanara arenna Isa, AtanTa Tutangkasa injo.”

PAU-PAUWANNA SIKONJO SURO-SURO 9:34

Appaui Petrus mange ri ia, ”Eneas, Isa Almase lapakagassingko; ambaummoko na pakabaji'i patinroammu!” Rihattu injo jua ammentengi tau injo.