LUKAS 8:8 - Kitta' Passitallikang Bau KAREBA BAJI'

⁸ Sidahuang a'dappe' ri tana baji', na sungka'i attimbo buana a'lappi sibilangangi.” Sungka'namo maeng a'bisara appakonjo appau bakka'i Isa, ”Inai rie' tolinna laallangngere, sibaji'na ia appilangngeri!”

LUKAS 8:8 Iomraidhean Croise

MATIUS 11:15

Inai attoli, sibaji'na ia appilangngeri!

MATIUS 13:23

Nuripatahuru injo ri tana so'mo' iamo intu tau allangngere pau na lapahangi, na injomo saba'na lohe buana, rie' nua'lappi sibilangang, rie' nua'lappi annampulo, rie' nua'lappi tallumpulo.”

MARKUS 4:20

Kala'busanna nua'dappe' injo ri tana baji', iamo intu tau allangngere injo pau ampai latarima baji' pau injo jari ambuai, rie' nua'lappi tallumpulo, rie' nua'lappi annampulo, na rie' nua'lappi sibilangang.”

MARKUS 4:23

Inai rie' tolinna lallangngere, sibaji'na ia appilangngeri!”

MARKUS 4:8

Sidahuang a'dappe' ri tana baji', jari soppong timbona na ambuai. Hassele'na rie' nua'lappi tallumpulo, rie' nua'lappi annampulo, rie' nua'lappi sibilangang.”

MARKUS 7:16

Inai jua rie' tolinna laappilangngeri sibaji'na ia appilangngeri!]

LUKAS 14:35

Gelemo rie' matu-matunna ri koko laappakaso'mo' tana iyareka laappakabaji' lamung-lamung, jari lapela'mamoi tau. Inai rie' tolinna, parallui appilangngeri!”

LUKAS 8:15

Nua'dappe' injo ri tana baji' iamo intu sikuanna tau, allangngere pau injo, lananro baji'i lalang ri ati si'nonna na appasulu'i bua baji' lalang rikasabbarang.”

LUKAS 8:7

Sidahuang pole a'dappe' ritangnga rompo' bunga jabe, na assipattimboangi rompo' injo, na labohongi sa'genna mate.

EFESUS 2:10

Saba' ditte inni paa'jarinaki Allataala, ripaa'jari lalang ri Isa Almase laanggeokang jama-jamaang baji', numaeng lapakasadiamo Allataala minang riolo. Ia a'ra'i, solanna ditte tallasa lalang ri Ia.

KOLOSE 1:10

Ri appakonjonamo tallasa'mu siratangi ri a'rakanNa surang baji'i mange ri Ia lalang risikonjo passala, na kau assare hassele lalang risikonjo jama-jamaang baji' surang attimbo lalang ripangisse' passala Allataala.

PANJANJANNA YAHYA 13:9

Inai jua attoli, sibaji'na ia appilangngeri!

PANJANJANNA YAHYA 2:11

Inai jua attoli, sibaji'na ia appilangngeri apa nulapau Nyaha mange risikonjo jamaah. Inai jua ambeta, ia gelemu laassinsara manna siso'di' rikamateang makarua.”

PANJANJANNA YAHYA 2:7

Inai jua attoli, sibaji'na ia appilangngeri apa nulapau Nyaha mange risikonjo jamaah. Inai jua ambeta, ia laKusare kanreang battu ripoong katallasang nurie' injo ri koko Firdaus Allataala.”

PANJANJANNA YAHYA 3:13

Inai jua attoli, sibaji'na ia appilangngeri apa nulapau Nyaha mange risikonjo jamaah.”

PANJANJANNA YAHYA 3:6

Inai jua attoli, sibaji'na ia appilangngeri apa nulapau Nyaha mange risikonjo jamaah.”