LUKAS 8:54 - Kitta' Passitallikang Bau KAREBA BAJI'

⁵⁴ Maeng injo latetengi Isa limanna ana' injo ampai langa'ngara, ”Oe ana' ambaummoko!”

LUKAS 8:54 Iomraidhean Croise

MATIUS 9:25

Sungka'na maeng ngase' lasuro ansulukang tau lohe injo, Isa antama'i na lateteng limanna ana' injo, jari attallasai muliang ana' injo.

MARKUS 1:31

Mangei Isa ri patinroanna bahine injo, na latetengi limanna ampai lapabaung, jari lannya'mu garrinna bahine injo. Maeng injo lapa'daha-dahaangimu bahine injo.

MARKUS 8:23

Isa lateteng limanna tau buta injo na larenrengi ansulukang desa. Jari Ia lape'rui matanna tau injo na lataro limanNa rateang ulunna, na akkuta'nangi mange ri ia, ”Akkullemoko anjanjang siso'di'?”

MARKUS 9:27

Mingka Isa latetengi limanna ana' injo na lapabaungi, ampai ammenteng.

LUKAS 8:51

Sungka'na ambattu Isa ri saponna Yairus, Isa gele appa'biang manna sitau minahang antama' passangadinna Petrus surang Yahya na Yakobus na ammanna surang idonna ana' injo.

LUKAS 8:53

Rikekekimu Isa ri tau lohe injo, saba' laisse' ngase'i ma'nassana mate toje'mu ana' injo.

LUKAS 8:55

Jari muliang nyahana ana' injo na rihattu injo memangjua na ambaungi. Jari Isa lasuro sarei kanre ana' injo.

YAHYA 11:43

Rimaenna appau appakonjo a'nga'ngarai Isa lalang risa'ra bakka', ”Lazarus, ansulu'moko mae!”

YAHYA 5:21

Saba' assimpole Amma appakaambaung sikuanna tau mate na lapakaattallassai muliang, appakonjo todo'i Ana' lappakaattallasa inai jua Ia lakaa'raki.

PAU-PAUWANNA SIKONJO SURO-SURO 9:40

Mingka Petrus lasuro ngase'i ansulukang, maeng injo ia akkolantu'i ngera dowaang. Maeng injo laa'raki batangkale injo na appaui, ”Tabita, attallasamoko muliang!” Jari labungkaramu matanna Tabita na rihattu lajanjanna Petrus, ia ambaungi ampai attolong.

ROMA 4:17

assimpole rie' ta'ukiri: ”Kaumo maeng Kutantuang laa'jari amma risikuanna tau” – ri a'rakanna Allataala nulakatappaki injo, iamo intu Allataala appakaattallasa injo tau mate na battu risikonjo pauNa lapaa'jari iangase'na apa nutide' a'jari rie'i.