LUKAS 8:35 - Kitta' Passitallikang Bau KAREBA BAJI'

³⁵ Jari ansulukimu tau lohe injo mange latilingi apa kajariang. Battuimu mange ri Isa na lajanjangimu tau maeng labokoi injomo setang attolong riampi' bangkenna Isa; ia maemmu makeang na toromu pikkiranna. Jari mallaki ngase'mu.

LUKAS 8:35 Iomraidhean Croise

MATIUS 4:24

Jari alla'bammu kareba ripassala'na Ia risibatu Siria na rierammu mange ri Ia sikuanna tau daa injomo tappana, tusissa rilohe rupanna garring na assinsara, tau ladongkoki setang, tumate jangang na tau pesu', jari Isa lapakagassing ngase'i.

MARKUS 5:15

Mange ngase'i ri Isa na lajanjangi tau pongoro injo attolong, maemmu makeang na baji'mu pikkiranna, tau ladongkoki injo setang Legion sumpae'. Jari malla' ngasekimu.

LUKAS 10:39

Bahine injo rie' uranna siana' bahine riareng Maria. Maria attolongi riampi' bangkenna Isa na tarrusui lapilangngeri pauNa,

LUKAS 15:17

Sikalinna ngu'rangii, nalakua: Sanna' lohe pajamana ammangku nukala'bi-la'biangi ri kanre, mingka nakke konni mae lamate pa're.

LUKAS 2:46

Sungka'i tallungallomo labojai lauppaimu Isa rie'i lalang ri Sapo Allataala ritangnga-tangngana guru agama injo, na appilangngeri surang assare pakkuta'nang mange ri iyai.

LUKAS 8:27

Sungka'na Isa nai' ribonto, rie'mo se're bura'ne battu ri kota injo laurangi assijanjang Isa; tau injo ladongkokii lohe rupanna setang na sallomu gele make pakeang surang gelemu ammari ri sapo, mingka ripakkuburang mamoi.

LUKAS 8:34

Sungka'na sikonjo pakalahaki bahi injo lajanjangi apa kajariang, allariimu na lalagarai passala injo ri kota na risikonjo desa ampi'-ampi'na.

PAU-PAUWANNA SIKONJO SURO-SURO 22:3

”Nakke inni tau Yahudi, nakke lahere ri Tarsus ri tana Kilikia, mingka nakke ri kota inni abakka'; nakke riajara baji' ri tangguru Gamaliel lalang rihukkunna puwa-puwata, sa'genna nakke a'jari se're tau gassing anjama rijamaanna Allataala assimpole kaui ngase' intu rikonni-konnina.

1 YAHYA 3:8

inai tulusu anggeokang kadorakaang, assala'na nubattu ri Ibilisi, saba' minang ripakaramulana Ibilisi tarru'-tarrusui anggeokang kadorakaang. Iamo inni pattujunna Ana' Allataala lapappijanjangang kalenNa, iamo intu Ia laappakamate risikonjo panggeokanna Ibilisi.